Watch Video: ‛வயது என்னை மாற்றுவதா... வயதை நான் மாற்றுகிறேன்..” வொர்க்-கவுட் வீடியோவை வெளியிட்ட ஜோ!
Watch Video : நேற்று முடிந்த அவரின் பிறந்தநாளையொட்டி, வெறித்தனமான வொர்க்-கவுட் வீடியோ ஒன்றை நடிகை ஜோதிகா தனது இன்ஸ்டா பக்கத்தில் வெளியிட்டுள்ளார்
நடிகை ஜோதிகா, அவரின் இன்ஸ்டா பக்கத்தில் தீவரமான வொர்க்-கவுட் வீடியோ ஒன்றை பதிவிட்டு இருக்கிறார்.90ஸ் கிட்ஸ்களின் மனம் கவர்ந்த ஹீரோயின் ஜோதிகாதனது 44வது பிறந்தநாளை நேற்று கொண்டாடினார். எந்த கேரக்டர் கொடுத்தாலும் அந்த கேரக்டராகவே மாறி, சந்திரமுகி படத்தில் மிரட்டலான நடிப்பை வெளிப்படுத்தினார். 2006 ஆம் ஆண்டு சூர்யாவை கரம் பிடித்த ஜோதிகா, குடும்ப வாழ்க்கையில் பயங்கர பிசியானார். சூர்யா-ஜோ ஜோடிக்கு தேவ், தியா ஆகிய இரு பிள்ளைகள் உள்ளனர்.
கிட்டதட்ட 8 ஆண்டுகளுக்குப் பின் ஜோதிகா மீண்டும் நடிக்க தயாரானார். இம்முறை மலையாளப்படமான ஹவ் ஓல்ட் ஆர் யூ படத்தின் ரீமேக்கான 36 வயதினிலே மூலம் ஒரு சூப்பரான கம்பேக் கொடுத்தார். பாலா இயக்கத்தில் நாச்சியார், மணிரத்னத்தின் செக்க சிவந்த வானம், ராதாமோகனின் காற்றின் மொழி, ராட்சசி, ஜாக்பாட், தம்பி, பொன்மகள் வந்தாள் என இன்றைக்கும் தான் மோஸ்ட் வாண்டட் ஹீரோயின் என்பதை நிரூபித்து காட்டியுள்ளார் ஜோதிகா. அதேசமயம் திரையுலகில் ஒருவரின் செகண்ட் இன்னிங்ஸ் இப்படித்தான் இருக்க வேண்டும் எனவும் சொல்லாமல் சொல்லியுள்ளார். அவரின் 50வது படமாக உடன்பிறப்பே அமைந்தது.
View this post on Instagram
நடிப்பில் கம்-பேக் கொடுத்த ஜோதிகா, தன் இன்ஸ்டா பக்கத்தில் பல போட்டோக்களையும் வீடியோக்களையும் பதிவிட்டு வந்துகொண்டிருக்கிறார்.நேற்று பிறந்தநாளை கொண்டாடிய ஜோதிகா, அவர் வொர்க்-கவுட் வீடியோ ஒன்றை வெளியிட்டுள்ளார். அந்த வீடியோவை பார்க்க மிக ஆச்சரியமாக உள்ளது. இந்த வயதில் ஒருவர், எப்படி இப்படி இருக்க முடியும் என்ற வியப்பினை தருகிறது. வெளியிட்ட அந்த விடியோவுடன், “ இந்த பிறந்தநாளுக்கு உடல் நலத்தையும் பலத்தையும் எனக்கு நான் பரிசாக தந்துக்கொள்கிறேன். வயது என்ன, என்னை மாற்றுவது, அந்த வயதை நான் மாற்றுகிறேன்!”என்று குறிப்பிட்டு இருந்தார். இவர் மகேஷ் கணேக்கர் என்பவருடன் ஃபிட்னஸ் ட்ரைனிங் எடுத்துக்கொண்டுள்ளார் என்பது குறிப்பிடதக்கது.
ஜோதிகாவும், மம்மூட்டியும் இணைந்து “காதல் - தி கோர்” என்ற படத்தில் நடிக்கவுள்ளனர். இந்தப்படத்தை ‘தி கிரேட் இந்தியன் கிச்சன்’ படத்தை இயக்கிய, ஜியோ பேபி இயக்கவுள்ளார் இந்தப்படத்தின் மூலம் மம்முட்டியுடன் முதன்முறையாக கைகோர்கிறார் ஜோதிகா.
தலைப்பு செய்திகள்
ட்ரெண்டிங் செய்திகள்
