Janhvi Kapoor : எங்க மகிழ்ச்சிக்கு நீங்கதான் காரணம்.. தமிழில் பேசி ரசிகர்களை கவர்ந்த ஸ்ரீதேவி மகள் ஜான்வி கபூர்

தெலுங்கில் ஜூனியர் என்.டி.ஆர் நடித்துள்ள தேவரா படத்தின் பத்திரிகையாளர் சந்திப்பில் நடிகை ஸ்ரீதேவியின் மகள் ஜான்வி கபூர் தமிழில் பேசி ரசிகர்களை கவர்ந்துள்ளார்

ஜான்வி கபூர் , ஸ்ரீதேவி

Source : Twitter

தேவரா

கொரட்டாலா சிவா இயக்கத்தில் ஜூனியர் என்.டி.ஆர் நடித்துள்ள படம் தேவரா. மறைந்த நடிகை ஸ்ரீதேவியின் மகள்  ஜான்வி கபூர் இப்படத்தில் தென் இந்திய சினிமாவிற்கு அறிமுகமாக இருக்கிறார். அனிருத் இப்படத்திற்கு இசையமைத்துள்ளார்.

வரும் செப்டம்பர் 27 ஆம் தேதி இப்படம் திரையரங்கில் வெளியாக இருக்கும் நிலையில் இப்படத்தின் பத்திரிகையாளர் சந்திப்பு நேற்று சென்னையில் நடைபெற்றது. இந்த நிகழ்ச்சியில் பேசிய நடிகை ஜான்வி கபூர் பார்வையாளர்களிடன் தமிழில் உரையாடியது ரசிகர்களை கவர்ந்துள்ளது.

நீங்கள்தான் காரணம்

”வணக்கம் உங்கள் எல்லாரையும் நேரில் சந்திப்பதில் எனக்கு ரொம்ப மகிழ்ச்சி. சென்னை எனக்கு ரொம்ப ஸ்பெஷல். என் அம்மாவுடன் எனக்கு இருக்கும் சிறந்த நினைவுகள் எல்லாம் சென்னையில் ஏற்பட்டவைதான். நீங்கள் அவங்களுக்கு காட்டிய அன்புதான் இன்று நானும் என்னுடைய குடும்பமும் இந்த நிலைமையில் இருப்பதற்கு காரணம்.

அதற்கு நான் எப்போதுமே உங்களுக்கு கடமைப் பட்டிருக்கிறேன். என் அம்மாவிற்கு நீங்கள் குடுத்த அன்பை எனக்கு குடுப்பீர்கள் என்று நம்புகிறேன். நான் ரொம்ப கடினமாக உழைப்பேன் என்பதை உறுதியளிக்கிறேன். தேவரா எனக்கு ரொம்ப ஸ்பெஷலான படம். இந்த படம் உங்களுக்கு நிச்சயம் பிடிக்கும் என்று முழுமனதோடு நம்புகிறேன்” என ஜான்வி கபூர் பேசினார்.

Janhvi Kapoor speaks fluently in Tamil!

Sridevi's Daughter Janhvi Kapoor speaks fluently in Tamil during Devara press meet in Chennai!#Devara #DevaraPressMeet #JRNTR #Anirudh #JanhviKapoor #Tamil #jahnvi #janvikapoor #janvi pic.twitter.com/jh8NYWRINN

— Chandragobi (@ChandraCha40587) September 18, 2024

ஜான்வி கபூர்

திரைப்பட தயாரிப்பாளர் போனி கபூர் மற்றும் மறைந்த நடிகை ஸ்ரீதேவிக்கு மூத்த மகளாக பிறந்தவர் ஜான்வி கபூர். இந்தியில் கடந்த 2018 ஆம் ஆண்டு வெளியான தடக் படத்தின் மூலம் நடிகையாக அறிமுகமானார். இந்தியில் தொடர்ச்சியாக படங்களில் நடித்து வந்தாலும் இதுவரை குறிப்பிட்டு சொல்லும்படியான ஹிட் படம் அவருக்கு அமையவில்லை.

தற்போது தேவரா படத்தின் மூலம் தெலுங்கி அறிமுகமாக இருக்கிறார். இப்படத்தின் மூலம் தென் இந்திய சினிமாக்களில் ஜான்வி கபூருக்கு பெரிய மார்கெட் உருவாகும் என்று எதிர்பார்க்கப்படுகிறது. பாலிவுட் சினிமாவில் பெரியளவில் ஊடக கவனம் பெறும் ஜான்வி கபூர் தமிழ்நாட்டின் மீது கோலிவுட் சினிமா மீதும் தனது மரியாதையை தொடர்ந்து வெளிப்படுத்தி வருகிறார்.