Jason Sanjay : முதல் படத்திற்கே இப்படி ஒரு பில்டப்...கோலிவுட்டை கலக்க வருகிறார் ஜேசன் சஞ்சய்

நடிகர் விஜயின் மகன் ஜேசன் சஞ்சய் இயக்கும் படத்தில் நடிகர் சந்தீப் கிஷன் நாயகனாக நடிக்க உள்ளதாக அதிகாரப்பூர்வ தகவல் வெளியாகியுள்ளது

ஜேஸன் சஞ்சய் , சந்தீப் கிஷன்

Source : Twitter

நடிகர் விஜய் சினிமா கரியரை முடித்து அடுத்தபடியாக அரசியலில் களமிறங்க இருக்கிறார். விஜய் சினிமாவில் இருந்து வெளியேறு அதே நேரத்தில் அவரது மகன் ஜேசன் சஞ்சய் சினிமாவில் தனது என்ட்ரியை அறிவித்துள்ளார். நடிகரின் மகன் நடிகனாக தான் ஆவார் என்று அனைவரும் எதிர்பார்த்தனர். மேலும் ஜேசன் சஞ்சய்க்கு நடிப்பதற்காக பல வாய்ப்புகளும் வந்தன. ஆனால் சிறு வயதில் இருந்தே இயக்குநராக வேண்டும் என்பதே ஜேசனின் கனவாக இருந்துள்ளது. இதற்காக கனடாவில்  உள்ள புகழ்பெற்ற ரயர்ஸன் பல்கலைகழகத்தில் திரைப்பட உருவாக்கம் பற்றி கோர்ஸ் படித்து முடித்துள்ளார் அவர்.

ஜேசன் சஞ்சய்

நடிகர் விஜயின் மகன் ஜேசன் சஞ்சய் தனது முதல் படத்தை இயக்கவிருப்பது குறித்து கடந்த சில ஆண்டுகளாக சினிமா வட்டாரங்களில் பேசப்பட்டு வந்தது. இதற்காக ஓராண்டுகளுக்கு முன்பே லைகா நிறுவனம் ஜேசன் சஞ்சயுடன் ஒப்பந்தமும் போட்டது. இந்த படத்தில் நாயகனாக யார் நடிக்கப் போகிறார் என்பது குறித்து பல்வேறு தகவல்கள் வெளியாகின.  தற்பொது லைகா ப்ரோடக்‌ஷன்ஸ் ஜேசன் சஞ்சய் இயக்கப்போகும் முதல் படத்தைப் பற்றி அப்டேட் வெளியிட்டுள்ளது. ஜேசன் சஞ்சய் இயக்கும் படத்தில் நடிகர் சந்தீப் கிஷன் நாயகனாக நடிக்க இருக்கிறார். இவர் முன்னதாக மாநகரம் , கேப்டன் மில்லர் , ராயன் ஆகிய படங்களில் நடித்துள்ளார். தமன் இப்படத்திற்கு இசையமைக்கிறார். 

A new chapter unfolds 📖 as we welcome our exceptional cast & crew @sundeepkishan 😎 @MusicThaman 🎶 & @Cinemainmygenes ✂️🎞️ on board for JASON SANJAY-01 📚💵

▶️ https://t.co/5kPO4Kvz0U

On floors soon... 📽️🎬@official_jsj @LycaProductions #Subaskaran @gkmtamilkumaran…

— Lyca Productions (@LycaProductions) November 29, 2024

ஏற்கனவே விஜய் சேதுபதியின் மகன் சினிமாவில் நடிகராக அறிமுகமாகியுள்ளார். அடுத்தபடியாக  நடிகர் தனுஷின் மகனும் கூடிய விரைவில் சினிமாவில் என்ட்ரி கொடுப்பார் என எதிர்பார்க்கப்படுகிறது. தற்போது விஜயின் மகனும் தனது முதல் படத்தை அறிவித்துள்ளார். ஒரு தரப்பு ரசிகர்கல் இதுகுறித்து தங்கள் உற்சாகத்தை வெளிப்படுத்தி வந்தாலும் இன்னொரு பக்கம் பாலிவுட் போல கோலிவுட்டில் வாரிசுகளின் எண்ணிக்கை அதிகரித்து வருவதை சிலர் சுட்டிகாட்டியுள்ளார்கள்.