Vijay on Vikram Movie: விக்ரம் படம் பார்த்த விஜய்.. லோகேஷூக்கு போனில் மெசேஜ்.. தெறிக்கவிட்ட தளபதி!
‘விக்ரம்’ படத்தை பார்த்த நடிகர் விஜய் லோகேஷ் கனகராஜிற்கு அனுப்பிய மெசெஜ் தொடர்பான தகவல் வெளியாகியுள்ளது.
‘விக்ரம்’ படத்தை பார்த்த நடிகர் விஜய் லோகேஷ் கனகராஜிற்கு அனுப்பிய மெசேஜ் தொடர்பான தகவல் வெளியாகியுள்ளது.
‘மாஸ்டர்’ படத்தின் மூலம் லோகேஷ் கனகராஜூடன் இணைந்த விஜய், தனது அடுத்தப்படத்திலும் அவருடன் இணைகிறார். ‘தளபதி 67’ என்று அழைக்கப்படும் இந்தப்படத்தை ரசிகர்கள் பெரும் ஆவலுடன் எதிர்பார்த்து காத்துக்கொண்டிருக்கின்றனர். இதனிடையே லோகேஷ் கனகராஜ் இயக்கத்தில் வெளியான விக்ரம் படம் வசூல் சாதனையை நிகழ்த்திய நிலையில், இந்தப்படத்தை பார்த்த விஜய், லோகேஷ் கனகராஜிற்கு மெசேஜ் ஒன்றை அனுப்பி இருக்கிறார். அந்த லோகேஷை பாராட்டும் வகையில் “ மைண்ட் ப்ளோயிங்” என்று குறிப்பிட்டு இருக்கிறார்.
View this post on Instagram
முன்னதாக, லோகேஷ் இயக்கத்தில் கமல்ஹாசன், பஹத் பாசில், விஜய் சேதுபதி, காளிதாஸ் ஜெயராம், சூர்யா என பெரிய பட்டாளமே நடித்துள்ள மல்டி வெர்ஸ் வகையறா படம் தான் ‘விக்ரம்’. வசூல் ரீதியாகவும் விமர்சன ரீதியாகவும் இந்தப் படம் நல்ல வரவேற்பைப் பெற்றது. படத்தின் வெற்றியை அங்கீகரித்து, லோகேஷ் கனகராஜூக்கு புதிய ஆடி காரை பரிசாக அளித்தார் கமல்ஹாசன்.
நடிகர் சூர்யாவுக்கு ரோலக்ஸ் கைக்கடிகாரம் ஒன்றையும் கமல்ஹாசன் பரிசாக அளித்தார் திரையரங்குகளைத் தொடர்ந்து டிஸ்னி ப்ளஸ் ஹாட்ஸ்டாரில் ஜூலை 8ம் தேதி வெளியானது. ஓடிடியிலும் விக்ரம் படம் சக்கைப்போடு போட்டு வருகிறது. குறிப்பாக, இந்தப்படத்தில் சூர்யாவின் ரோலக்ஸ் கதாபாத்திரம் ரசிகர்கள் மத்தியில் ஏகோபித்த வரவேற்பை பெற்றது. விக்ரம் பட வெற்றியைத் தொடர்ந்து லோகேஷ் கனகராஜின் மார்க்கெட் எங்கோ சென்றுவிட்டது.
View this post on Instagram
இத்திரைப்படம் ரசிகர்கள் மத்தியில் பெரும் வரவேற்பைப் பெற்றதையடுத்து திரையிடும் திரையரங்குகள் எண்ணிக்கை அதிகரிக்கப்பட்டது. விக்ரம் படம் வெளியாகி 50 நாட்களை கடந்தும் திரையரங்குகளில் வசூலிலும் சரி, ரசிகர்களின் மனதையும் சரி இன்னும் வேட்டையாடி 100 வது நாளை நோக்கி சென்று கொண்டிருக்கிறது.
தலைப்பு செய்திகள்
ட்ரெண்டிங் செய்திகள்
