Aari Arujunan: பிக்பாஸ் புகழ் ஆரி அர்ஜுனனின் அடுத்த படம் ரிலீஸ்; பூஜையுடன் தொடங்கிய படப்பிடிப்பு!

பிக்பாஸ் புகழ் ஆரி அர்ஜுனன் ரிலீஸ் என்ற புதிய படத்தில் நடித்து வருகின்றார்.

நடிகர் ஆரி

நடிகர் ஆரி நடிக்கவுள்ள புதிய படத்தின் படப்பிடிப்பு பூஜையுடன் இனிதே தொடங்கியுள்ளது. இதனால் அவரது ரசிகர்கள் மகிழ்ச்சியடைந்துள்ளனர். 

MANO CREATION சார்பில் தயாரிப்பாளர் ராஜா  தயாரிப்பில், இயக்குநர் L.R .சுந்தரபாண்டி இயக்கத்தில், நடிகர் ஆரி அர்ஜுனன் கதாநாயகனாக நடிக்கும், பரபர திரில்லர் திரைப்படமான “ரிலீஸ்” படத்தின் படப்பிடிப்பு, நேற்று படக்குழுவினர் கலந்துகொள்ள, எளிமையான பூஜையுடன் துவங்கியது. 

சென்னையின் மையப்பகுதி ஒன்றில், நடக்கும் பரபரப்பான சம்பவங்கள் தான் இப்படத்தின் கதை. அடுத்து என்ன நடக்கும் என்ற எதிர்பார்ப்பை எகிற வைக்கும் வகையில், ஆச்சரியப்பட வைக்கும் திருப்பங்களுடன், இதுவரை பார்த்திராத திரில்லர் அனுபவத்தை தரும் வகையில்,  இப்படத்தின் திரைக்கதையை அமைத்துள்ளார் இயக்குநர் L.R .சுந்தரபாண்டி.

இப்படத்தில் நாயகனாக நடிகர் ஆரி அர்ஜுனன் நடிக்கிறார்,  தீப்ஷிகா நாயகியாக நடிக்கிறார். இவர்களுடன் ஆராத்யா,  இயக்குநர் சுப்ரமணிய சிவா, ஆதித்யா கதிர் ஆகியோர் முக்கிய பாத்திரங்களில் நடிக்கிறார்கள். இப்படத்திற்கு “போடா போடி, வெண்ணிலா கபடி குழு” படங்களின் ஒளிப்பதிவாளர் J லக்ஷ்மன் ஒளிப்பதிவு செய்கிறார். அநீதி, ஜெயில் மற்றும் மத்தகம் வெப் சீரிஸிற்கு கலை இயக்கம் செய்த சுரேஷ் கல்லேரி கலை இயக்கம் செய்கிறார். சாமி 2, பென்குயின், படங்களின் காஸ்ட்யூம் டிசைனர் திவ்யா இப்படத்திற்கு காஸ்ட்யூம் டிசைன் செய்கிறார். 

சென்னையை ஒட்டி, மஹேந்திரா சிட்டி பகுதியில் இப்படத்தின்  முதல் கட்டப் படப்பிடிப்பை நடத்த படக்குழு திட்டமிட்டுள்ளது. படத்தின் ஃபர்ஸ்ட்லுக் மற்றும் படம் குறித்த மற்ற தகவல்கள் விரைவில் அதிகாரப்பூர்வமாக அறிவிக்கப்படும். 

தொழில் நுட்ப குழு விபரம் 

இயக்குநர்: L R சுந்தரபாண்டி,  தயாரிப்பாளர்: ராஜா,  நிர்வாக தயாரிப்பாளர்: சூரிய பிரகாஷ் P, ஒளிப்பதிவு : J லக்ஷ்மன், இசையமைப்பாளர்: எஸ் சங்கர் ராம், எடிட்டர்: ரஞ்சித் CK, கலை: சுரேஷ் கல்லேரி , காஸ்ட்யூம் டிசைனர்: திவ்யா, ஸ்டண்ட்: டேஞ்சர் மணி ஆகியோர் இந்த படத்தில் பணிபுரியவுள்ளனர்.