மேலும் அறிய

Puducherry Election 2026 : புதுச்சேரியில் உங்கள் தொகுதியில் போட்டியிடும் வேட்பாளர் யார்? - முழு பட்டியல் இதோ!

புதுச்சேரி மாநிலத்தின் 30 சட்டசபை தொகுதிகளுக்கான தேர்தல் அடுத்த மாதம் (ஏப்ரல்) 9-ந் தேதி நடைபெற உள்ள நிலையில், அரசியல் களம் தற்போதே அனல் பறக்கத் தொடங்கியுள்ளது.

By : சிவரஞ்சித் | Updated at : 27 Mar 2026 01:21 PM (IST)

புதுச்சேரி

Source : ABP NADU

புதுச்சேரி: புதுச்சேரி மாநிலத்தின் 30 சட்டசபை தொகுதிகளுக்கான தேர்தல் அடுத்த மாதம் (ஏப்ரல்) 9-ந் தேதி நடைபெற உள்ள நிலையில், அரசியல் களம் தற்போதே அனல் பறக்கத் தொடங்கியுள்ளது. ஆளும் கூட்டணி, எதிர்க்கட்சி கூட்டணி மற்றும் தனித்துப் போட்டியிடும் கட்சிகள் என புதுச்சேரியில் பலப்பரீட்சை நடத்த வேட்பாளர் பட்டியல்கள் அதிகாரப்பூர்வமாக வெளியாகியுள்ளன.

புதுச்சேரி மாநிலத்தின் 30 சட்டசபை தொகுதிகளுக்கான தேர்தல்

புதுச்சேரி சட்டசபை தேர்தல் அடுத்த மாதம் (ஏப்ரல்) 9-ந் தேதி நடைபெற இருக்கிறது. ஆளும் என்.ஆர். காங்கிரஸ் கட்சியுடன் பா.ஜ.க. கூட்டணி தொடர்கிறது. அ.தி.மு.க., லட்சிய ஜனநாயக கட்சி ஆகியவை இந்தக் கூட்டணியில் இடம்பெற்றுள்ளன. இதில், என்.ஆர்.காங்கிரஸ் 16, பா.ஜ.க. 10, அ.தி.மு.க. 2, லட்சிய ஜனநாயக கட்சி 2 தொகுதிகளில் போட்டியிடுகின்றன.

இதேபோல், எதிர்க்கட்சியான காங்கிரஸ் கட்சியுடன் தி.மு.க. கூட்டணி தொடர்கிறது. இந்தக் கூட்டணியில், காங்கிரஸ் 16, தி.மு.க. 14 தொகுதிகளில் போட்டியிடுகிறது. இதில், தி.மு.க. போட்டியிடும் 6 தொகுதிகளில் காங்கிரஸ் கட்சியும் நட்பு ரீதியில் போட்டியிடுகிறது. தி.மு.க. தனக்குள்ள தொகுதியில் இருந்து ஒன்றை விடுதலை சிறுத்தைகள் கட்சிக்கு கொடுத்துள்ளது. மேலும், 2 தொகுதிகளில் விடுதலை சிறுத்தைகள் கட்சி தனியாக போட்டியிடுகிறது. இதேபோல், மார்க்சிஸ்ட் கம்யூனிஸ்டு கட்சி 2 தொகுதிகளிலும், இந்திய கம்யூனிஸ்டு கட்சி, இந்திய யூனியன் முஸ்லிம் லீக் ஆகியவை தலா 1 தொகுதிகளிலும் போட்டியிடுகிறது.

விஜய்யின் தமிழக வெற்றிக் கழகம், நேயம் மக்கள் கழகத்துடன் கூட்டணி அமைத்து போட்டியிடுகிறது. இதில், தமிழக வெற்றிக் கழகம் 28 தொகுதிகளிலும், நேயம் மக்கள் கழகம் 2 தொகுதிகளிலும் களம் காண்கிறது. இயக்குனர் சீமானின் நாம் தமிழர் கட்சி மாகே, ஏனாம் தவிர்த்து ஏனைய 28 தொகுதிகளில் தனித்து போட்டியிடுகின்றது. மேலும், பா.ம.க.வின் ஒரு பிரிவான டாக்டர் ராமதாஸ் அணியும், சசிகலாவின் அனைத்திந்திய புரட்சித் தலைவர் மக்கள் முன்னேற்றக் கழகமும் கூட்டணி அமைத்து போட்டியிடுகின்றன. அந்த வகையில், அனைத்தந்திய புரட்சித் தலைவர் மக்கள் முன்னேற்றக் கழகம் 4 தொகுதிகளில் போட்டியிடுகிறது.