TNPSC Group 1 Exam: டிஎன்பிஎஸ்சி குரூப் 1 தேர்வு தேதி அறிவிப்பு; இன்று முதல் விண்ணப்பிக்கலாம்- எப்படி?

TNPSC Group 1 Exam 2024 Notification: டிஎன்பிஎஸ்சி குரூப் 1 தேர்வு ஜூலை 13ஆம் தேதி நடைபெற உள்ளது. இந்தத் தேர்வுக்கு இன்று (மார்ச் 28) முதல் ஏப்ரல் 27ஆம் தேதி வரை ஒரு மாதத்துக்கு விண்ணப்பிக்கலாம்.

Written By : மாய நிலா | Updated at : 28 Mar 2024 11:48 AM (IST)

TNPSC Group 1 Exam 2024 Date announced Apply from today How know in detail TNPSC Group 1 Exam: டிஎன்பிஎஸ்சி குரூப் 1 தேர்வு தேதி அறிவிப்பு; இன்று முதல் விண்ணப்பிக்கலாம்- எப்படி?

டிஎன்பிஎஸ்சி தேர்வு

உதவி ஆட்சியர், காவல் கண்காணிப்பாளர் உள்ளிட்ட பல்வேறு உயரிய பதவிகளுக்கு நடத்தப்படும் குரூப் 1 தேர்வுக்கான தேதி அறிவிக்கப்பட்டுள்ளது.

இதன்படி டிஎன்பிஎஸ்சி குரூப் 1 தேர்வு ஜூலை 13ஆம் தேதி நடைபெற உள்ளது. இந்தத் தேர்வுக்கு இன்று (மார்ச் 28) முதல் ஏப்ரல் 27ஆம் தேதி வரை ஒரு மாதத்துக்கு விண்ணப்பிக்கலாம். தேர்வர்கள் ஆன்லைன் மூலம் https://apply.tnpscexams.in/secure?app_id=UElZMDAwMDAwMQ== என்ற இணைப்பை க்ளிக் செய்து விண்ணப்பிக்கலாம்.

90 காலி இடங்கள்

குரூப் 1 தேர்வுக்கு 90 காலி இடங்கள் பணியிடங்களாக அறிவிக்கப்பட்டுள்ளன.

என்னென்ன பணியிடங்கள்?

வ.எண்	பணியிடத்தின் பெயர்	காலி இடங்கள்
1	துணை ஆட்சியர்	16
2	துணை காவல் கண்காணிப்பாளர்	23
3	உதவி ஆணையர் (வணிக வரித்துறை)	14
4	துணைப் பதிவாளர் கூட்டுறவு சங்கங்கள்	21
5	ஊரக மேம்பாட்டு உதவி இயக்குநர்	14
6	மாவட்ட வேலைவாய்ப்பு அலுவலர்	1
7	தீயணைப்பு மற்றும் மீட்பு சேவை மாவட்ட அலுவலர்	1
	மொத்தம்	90

வயது வரம்பு

மேலே குறிப்பிட்டுள்ள அனைத்து பணியிடங்களுக்கும் குறைந்தபட்ச வயது 21 ஆக இருக்க வேண்டும். அதிகபட்ச வயது 34-க்குள் இருக்க வேண்டும். இதில் எம்பிசி, டிசி, பிசி முஸ்லிம்கள், எஸ்சி, எஸ்டி தேர்வாளர்களுக்கும் அனைத்து சமூகங்களையும் சேர்ந்த கைம்பெண்களுக்கும் 39 வயது நிர்ணயிக்கப்பட்டுள்ளது.

முக்கியத் தேதிகள்

குரூப் 1 முதல்நிலைத் தேர்வுக்கு தேர்வர்கள் இன்று (மார்ச் 28) முதல் ஏப்ரல் 27ஆம் தேதி வரை விண்ணப்பிக்கலாம். ஏப். 27 இரவு 11.59 மணி வரை அவகாசம் வழங்கப்பட்டுள்ளது. விண்ணப்பங்களில் திருத்தம் மேற்கொள்ள ஏப்ரல் 2 முதல் 4ஆம் தேதி இரவு 11.59 வரை நேரம் அளிக்கப்பட்டுள்ளது.

ஜூலை 13ஆம் தேதி காலை 9.30 மணி முதல் 12.30 வரை குரூப் 1 முதல்நிலைத் தேர்வு நடைபெற உள்ளது. எனினும் முதன்மைத் தேர்வு தேதி இன்னும் அறிவிக்கப்படவில்லை.

Combined Civil Services Examination – I (Group-I Services) – Notification No.04/2024 – Issued.
For details, click:- https://t.co/WGLb2GRIut pic.twitter.com/K2AagVgczo
— TNPSC (@TNPSC_Office) March 28, 2024

தேர்வு முறை

* முதல்நிலைத் தேர்வு

* முதன்மைத் தேர்வு

* நேர்காணல்

முதல்நிலைத் தேர்வு – பொதுப் பாடத்திட்டம் (175 கேள்விகள்), ஆப்டிட்யூட் தேர்வு (200 கேள்விகள்) – மொத்தம் 300 மதிப்பெண்கள். 3 மணி நேரம் தேர்வு நடைபெறும்.

தேர்வு குறித்த முழுமையான அறிவிக்கையைக் காண https://www.tnpsc.gov.in/Document/english/04_2024_GRP1_ENG_.pdf என்ற இணைப்பை க்ளிக் செய்ய வேண்டியது அவசியம்.

கூடுதல் தகவல்களுக்கு: https://www.tnpsc.gov.in/

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.