TNPSC 2025 Annual Planner: டிஎன்பிஎஸ்சி 2025 குரூப் 1, 2, 4 தேர்வுகள் எப்போது?- ஆண்டு அட்டவணை வெளியீடு

டிஎன்பிஎஸ்சி குரூப் 1 தேர்வு ஜூன் 15ஆம் தேதி நடைபெற உள்ளது. இதற்கான அறிவிக்கை ஏப்ரல் 1ஆம் தேதி வெளியாக உள்ளது.

டிஎன்பிஎஸ்சி

Source : சிறப்பு ஏற்பாடு

2025ஆம் ஆண்டுக்கான குரூப் 1, 2, 4 தேர்வுகள் எப்போது என்பதற்கான உத்தேச ஆண்டு அட்டவணையை டிஎன்பிஎஸ்சி வெளியிட்டுள்ளது.

குரூப் 1 தேர்வு ஜூன் 15ஆம் தேதி நடைபெற உள்ளது. இதற்கான அறிவிக்கை ஏப்ரல் 1ஆம் தேதி வெளியாக உள்ளது. குரூப் 4 தேர்வு ஜூலை 13ஆம் தேதியும் குரூப் 2 தேர்வு செப்டம்பர் 28ஆம் தேதியும் நடைபெற உள்ளதாகத் தெரிவிக்கப்பட்டுள்ளது. அதேபோல குரூப் 4 தேர்வு பற்றிய அறிவிக்கை ஏப்ரல் 25ஆம் தேதி வெளியிடப்பட உள்ளது.

தொழில்நுட்பத் தேர்வு தேதிகள் என்னென்ன?

ஒருங்கிணைந்த தொழில்நுட்பத் தேர்வு (நேர்காணல் ) ஜூலை 21ஆம் தேதி நடைபெறும் என்றும் நேர்காணல் அல்லாத தேர்வுகள் ஆகஸ்ட் 4ஆம் தேதியும் நடைபெறும் எனவும் தெரிவிக்கப்பட்டு உள்ளது. இதே ஒருங்கிணைந்த தொழில்நுட்பப் பணிகளுக்கான டிப்ளமோ/ ஐடிஐ அளவிலான தேர்வுகள், ஆகஸ்ட் 27ஆம் தேதி அன்று நடைபெற உள்ளன.

குரூப் 2, 2ஏ தேர்வுக்கான அறிவிக்கை ஜூலை 15ஆம் தேதி நடைபெற உள்ளது. குரூப் VA தேர்வு டிசம்பர் 21ஆம் தேதி நடைபெற உள்ளது.

The Annual Planner – Programme of Examinations, 2025 is hosted on the Commission’s website.
Link: https://t.co/qyjj8Kuq5Ahttps://t.co/v2CRfHiE9w pic.twitter.com/J78L99jRl3

— TNPSC (@TNPSC_Office) October 10, 2024

காலிப் பணியிடங்கள் எப்போது அறிவிக்கப்படும்?

ஆண்டுத் திட்டத்தில் குறிப்பிடப்பட்டுள்ள தேர்வுகளுக்கான காலிப் பணியிட எண்ணிக்கை அந்தத் தேர்வுகளுக்கான அறிவிக்கைகளில் தெரிவிக்கப்படும் என்று டிஎன்பிஎஸ்சி செயலாளர் கோபால சுந்தர ராஜ் தெரிவித்துள்ளார்.

முழு அட்டவணை இதோ!

குரூப் 4 தேர்வு பணியிடங்கள் அதிகரிப்பு

முன்னதாக டிஎன்பிஎஸ்சி குரூப் 4 தேர்வுக்கான காலி இடங்களோடு, புதிதாக 2,208 இடங்கள் அதிகரிக்கப்பட்டன. இதன் மூலம் மொத்த காலியிடங்களின் எண்ணிக்கை 8932 ஆக அதிகரித்தது. 

கூடுதல் தகவல்களுக்கு:  https://www.tnpsc.gov.in/