Plus 2 exam results: பிளஸ் 2 துணைத்தேர்வு முடிவுகள் ஆக.22-ல் வெளியீடு: பதிவிறக்கம் செய்வது எப்படி?

12-ம் வகுப்பு துணைத்தேர்வு முடிவுகள் நாளை மறுநாள் ( ஆகஸ்ட் 22ஆம் தேதி) வெளியாக உள்ளன. இதைப் பதிவிறக்கம் செய்வது எப்படி என்று அரசுத் தேர்வுகள் இயக்ககம் அறிவிப்பு வெளியிட்டுள்ளது.

மாணவர்கள் | கோப்புப்படம்

12-ம் வகுப்பு துணைத்தேர்வு முடிவுகள் நாளை மறுநாள் ( ஆகஸ்ட் 22ஆம் தேதி) வெளியாக உள்ளன. இதைப் பதிவிறக்கம் செய்வது எப்படி என்று அரசுத் தேர்வுகள் இயக்ககம் அறிவிப்பு வெளியிட்டுள்ளது.

தேர்வர்கள் ஆகஸ்ட் 22ஆம் தேதி பிற்பகல் 2 மணிக்கு http://dge.tn.gov.in என்ற இணையதளத்தில் தங்கள் முடிவுகளை மதிப்பெண் பட்டியலாகப்  பதிவிறக்கம் செய்துகொள்ளலாம்.

மேல்நிலை இரண்டாம்‌ ஆண்டு துணைத்தேர்வு, ஜூலை / ஆகஸ்ட்‌ 2022 - தேர்வு முடிவு - மதிப்பெண்‌ பட்டியல்‌ பதிவிறக்கம்‌ செய்துகொள்ளுதல்‌, விடைத்தாள்‌ நகல்‌ மற்றும் மறுகூட்டலுக்கு விண்ணப்பிக்கும்‌ முறைகள்‌ குறித்து அரசுத் தேர்வுகள்‌ இயக்குநர் இன்று வெளியிட்டுள்ள செய்திக் குறிப்பு: 

நடைபெற்ற ஜூலை / ஆகஸ்ட்‌ 2022, மேல்நிலை இரண்டாம்‌ ஆண்டு துணைத்‌ தேர்வெழுதிய தேர்வர்கள்‌ தேர்வு முடிவினை, மதிப்பெண்‌ பட்டியலாக (Statement Of Marks)  22.08.2022 (திங்கட்கிழமை) பிற்பகல்‌ 2.00 மணி முதல்‌ http://dge.tn.gov.in என்ற இணையதளத்திலிருந்து தங்களது தேர்வெண்‌  (Roll No.) மற்றும்‌ பிறந்த தேதியை (Date of Birth) பதிவு செய்து ஆன்லைனில்‌ பதிவிறக்கம்‌ செய்துகொள்ளுமாறு அறிவிக்கப்படுகிறது.

வழிமுறைகள்‌ பின்வருமாறு:

1. தேர்வர்கள்‌ வருகிற 22.08.2022 (திங்கட்கிழமை) பிற்பகல்‌ 2.00 மணி முதல்‌ தமது மதிப்பெண்‌ பட்டியலை http://dge.tn.gov.in என்ற இணையதள முகவரியிலிருந்து பதிவிறக்கம்‌ செய்து கொள்ளலாம்‌.

2. மேற்படி இணையதள முகவரிக்குள்‌ லாகின் செய்தவுடன் தேர்தல் முடிவுகள் தோன்றும்‌. அதில்‌ “HSE Second Year Supplementary Exam, Jul / Aug 2022 - Result - Statement Of Marks Download” என்ற வாசகத்தினை க்ளிக் செய்தால்‌ தோன்றும்‌ பக்கத்தில்‌ தேர்வர்கள்‌ தங்களது தேர்வெண்‌ (Roll No.) மற்றும்‌ பிறந்த தேதி  (Date of Birth) ஆகிய விவரங்களைப் பதிவு செய்து, தங்களது மதிப்பெண்‌ பட்டியலினை பதிவிறக்கம்‌ செய்துகொள்ளலாம்‌ என அறிவிக்கப்படுகிறது.

விடைத்தாள்‌ நகல்‌ மற்றும்‌ மறுகூட்டலுக்கு விண்ணப்பிக்கும்‌ முறை:

ஐூலை / ஆகஸ்ட்‌ 2022, மேல்நிலை துணைத்‌ தேர்வுக்கான விடைத்தாள்‌ நகல்‌ மற்றும்‌ மறுகூட்டலுக்கு விண்ணப்பிக்க விரும்பும்‌ தேர்வர்கள்‌ சம்பந்தப்பட்ட மாவட்ட அரசுத்‌ தேர்வுகள்‌ உதவி இயக்குநர்‌ அலுவலகத்திற்கு 24.08.2022 (புதன்கிழமை) மற்றும்‌ 25.08.2022 (வியாழக்கிழமை) ஆகிய இரண்டு நாட்களில்‌ காலை 10.00 மணி முதல்‌ மாலை 5.00 மணி வரை நேரில்‌ சென்று உரிய கட்டணம்‌ செலுத்தி பதிவு செய்துகொள்ள வேண்டும்‌.

விடைத்தாள்‌ நகல்‌ (Scan Copy of the Answer Script) பெறுவதற்கான கட்டணம்‌:

ஒவ்வொரு பாடத்திற்கும்‌ - ரூ.275/-

மறுகூட்டல்‌ -॥ (Re-totalling-I) கட்டணம்‌ :

உயிரியல்‌ பாடத்திற்கு மட்டும்‌ - ரூ.305/-

ஏனையப்‌ பாடங்கள்‌ (ஒவ்வொன்றிற்கும்‌) - ரூ.205/-

இவ்வாறு  அரசுத் தேர்வுகள் இயக்ககம் அறிவிப்பு வெளியிட்டுள்ளது.