தமிழகத்தில் புதிதாக 10 அரசு மற்றும் கலைக்கல்லூரிகள்: எங்கெங்கு முழுவிபரம் இதோ!

தமிழகத்தில் புதிதாக 10 அரசு மற்றும் கலைக்கல்லூரிகள் தொடங்க அனுமதி அளித்து தமிழ்நாடு அரசு அரசாணையை வெளியிட்டுள்ளது.

தமிழ்நாடு அரசு

தமிழகத்தில் வருகின்ற 2022 - 23 கல்வியாண்டில் புதிதாக 10 அரசு மற்றும் கலைக்கல்லூரிகள் தொடங்க அனுமதி அளித்து தமிழ்நாடு அரசு அரசாணையை வெளியிட்டுள்ளது. அதன்படி, விருதுநகர் மாவட்டம் திருச்சுழி, கள்ளக்குறிச்சி மாவட்டம் திருக்கோயிலூர், ஈரோடு மாவட்டம் தாளவாடி, திண்டுக்கல் மாவட்டம் ஒட்டன்சத்திரம், திருநெல்வேலி மாவட்டம் மானூரில் புதிய கல்லூரிகள் தொடங்கப்பட இருக்கிறது.

அதேபோன்று, திருப்பூர் மாவட்டம் தாராபுரம், தர்மபுரி மாவட்டம் எரியூர்,  புதுக்கோட்டை மாவட்டம் ஆலங்குடி, வேலூர் மாவட்டம் சேர்க்காடு ஆகிய 9 இடங்களில் புதிய இருபாலர் அரசு மற்றும் கலை அறிவியல் கல்லூரிகளும், திருவாரூர் மாவட்டம் கூத்தாநல்லூரில் மட்டும் ஒரே ஒரு புதிய மகளிர் அரசு கலை மற்றும் அறிவியல் கல்லூரிகள் தொடங்கப்பட இருக்கின்றனர். 

புதிதாக தொடங்கப்படும் இந்த கல்லூரிகளுக்கு ஓர் ஆண்டுக்கான தொடர் செலவினம் 21 கோடி மற்றும் தொடரா செலவினமாக 3 கோடியே 60 லட்சம் ரூபாயை ஒதுக்கீடு செய்து தமிழ்நாடு அரசு அரசாணையை வெளியிட்டுள்ளது.

 இந்த கல்லூரிகளில் ஒவ்வொரு கல்லூரிகளுக்கு தலா 17 ஆசிரியர்கள் மற்றும் ஆசிரியரல்லா பணியிடங்கள் என மொத்தம் தலா 170 ஆசிரியர்கள் மற்றும் ஆசிரியரல்லா பணியிடங்கள் நிரப்பவும் தமிழ்நாடு அரசு உத்தரவிட்டுள்ளது. 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

 

ABP நாடு செய்திகளை சமூக வலைத்தள பக்கங்களிலும் பின் தொடரலாம்

 

பேஸ்புக் பக்கத்தில் தொடர

 

ட்விட்டர் பக்கத்தில் தொடர