![ABP Premium](https://cdn.abplive.com/imagebank/Premium-ad-Icon.png)
NEET Results 2022: நீட் தேர்வு முடிவுகள் எப்போது? வெளியானது அதிகாரப்பூர்வ அறிவிப்பு
NEET Results 2022 Date: செப்டம்பர் 7-ந் தேதி நீட் தேர்வு முடிவுகள் வெளியாகும் என்று தேசிய தேர்வு முகமை அறிவித்துள்ளது.
![NEET Results 2022: நீட் தேர்வு முடிவுகள் எப்போது? வெளியானது அதிகாரப்பூர்வ அறிவிப்பு mbbs entrance exam NEET results announced september 7th NEET Results 2022: நீட் தேர்வு முடிவுகள் எப்போது? வெளியானது அதிகாரப்பூர்வ அறிவிப்பு](https://feeds.abplive.com/onecms/images/uploaded-images/2022/08/26/b00d3cfbc4ee26aae0e8cab25fd533dd1661484312699102_original.jpg?impolicy=abp_cdn&imwidth=1200&height=675)
NEET Results 2022 Date: இளங்கலை மருத்துவ படிப்புகளுக்காக நடத்தப்பட்ட நீட் தேர்வு முடிவுகள் வரும் செப்டம்பர் 7-ந் தேதி வெளியாகும் என்று தேசிய தேர்வு முகமை அறிவித்துள்ளது. குறியீட்டு விடைத்தாள் வரும் 30-ந் தேதி வெளியாகும் என்று தேசிய தேர்வு முகமை அறிவித்துள்ளது. இளங்கலை மருத்துவ படிப்புகளுக்கான நீட் தேர்வு முடிவுகள் வெளியான பிறகே தமிழ்நாட்டில் பொறியியல் படிப்பில் பொதுப்பிரிவினருக்கான கலந்தாய்வு தொடங்கப்பட உள்ளது.
முன்னதாக, கடந்த ஜூலை 17-ந் தேதி நாடு முழுவதும் நீட் தேர்வு நடைபெற்றது. இந்த தேர்வை எழுத நாடு முழுவதும் 18 லட்சத்து 72 ஆயிரத்து 343 பேர் விண்ணப்பித்தனர். பி.டி.எஸ். எனப்படும் பல் மருத்துவம் மற்றும் எம்.பி.பி.எஸ். எனப்படும் இளங்கலை மருத்துவ படிப்புகள் இரண்டிற்குமான நீட் தேர்வை மொத்தம் 17 லட்சத்து 78 ஆயிரத்து 725 பேர் எழுதியிருந்தனர்.
இந்த தேர்வு நாடு முழுவதும் மொத்தம் 543 நகரங்களில் அமைக்கப்பட்ட 3 ஆயிரத்து 800க்கும் மேற்பட்ட தேர்வு மையங்களில் நடைபெற்றது. நீட் தேர்வுகள் இந்தியாவில் உள்ள நகரங்கள் மட்டுமின்றி வெளிநாட்டில் உள்ள மாணவர்கள் இந்தியாவில் மருத்துவம் படிப்பதற்காக கொழும்பு, காத்மாண்டு, பாங்காக், கோலாலம்பூர், சிங்கப்பூர், துபாய், அபுதாபி, மஸ்கட், ஷார்ஜா, குவைத், தோஹா, மனாமா, ரியாத், லாகோஸ் நகரங்களிலும் நடத்தப்பட்டது.
நீட் தேர்வானது பல் மருத்துவம் மற்றும் எம்.பி.பி.எஸ். படிப்புகள் மட்டுமின்றி ஆயுர்வேதா, சித்தா படிப்புகள், யுனானி, ஹோமியோபதி ஆகிய படிப்புகளுக்கும் நடத்தப்பட்டது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)