Gold and silver rate today : குஷியோ குஷி.! வாரத்தின் முதல் நாளே ரூ.10,000 சரிந்தது.! தங்கம், வெள்ளி நகைப்பிரியர்களுக்கு இன்று ஜாக்பாட்

Gold and silver rate today : கடந்த வாரம் இறுதியில் தங்கத்தின் விலையானது உயர்ந்திருந்த நிலையில், இன்று வாரத்தின் முதல் நாள் தங்கம் விலையானது அதிரடியாக குறைந்துள்ளது.

Gold and silver rate today

Source : social media

தங்கத்தின் மீதான முதலீடு

தங்கத்தின் விலையானது நாளுக்கு நாள் புதிய உச்சத்தை தொட்டு வருகிறது. அந்த வகையில் ஈரான்- அமெரிக்கா போர் காரணமாக முதலீட்டாளர்களின் பார்வை கச்சா எண்ணெய் மீது திரும்பியது. இதனால் தங்கத்திற்கு பதிலாக கச்சா எண்ணெய் மீது முதலீடு அதிகரித்தால் தங்கத்தின் மீதான விலையானது குறைந்தது.  இந்த நிலையில் போர் நிறுத்த ஒப்பந்தம் காரணமாக மீண்டும் தங்கத்தின் விலையானது உயர தொடங்கியுள்ளது. அந்த வகையில் ஒரே நாளில் சவரனுக்கு 2500 ரூபாய் அளவிற்கு தங்கத்தின் விலையானது உயர்ந்து நகைப்பிரியர்களை அதிர்ச்சி அடைய செய்தது.  

தங்கம் விலை நிலவரம்

• ஜூலை 1-ம் தேதி  காலையில் சவரனுக்கு 800 ரூபாய் குறைந்து 1,04,800 ரூபாய்க்கும், மாலையில்  சவரனுக்கு 1200 ரூபாய் உயர்ந்து  1,06,000 ரூபாய்க்கு விற்பனையானது.
• ஜூலை 2ஆம் தேதி காலையில் தங்கம் கிராம் ஒன்றுக்கு 150 ரூபாய் உயர்ந்து, ஒரு கிராம் 13,400 ரூபாய்க்கும், சவரனுக்கு 1,200 ரூபாய் அதிகரித்து, ஒரு சவரன் 1,07,200 ரூபாய்க்கும் விற்பனை. மாலையில் மீண்டும் விலை உயர்ந்து கிராமிற்கு 150 ரூபாய் விலை உயர்ந்து, ஒரு கிராம் 13,550 ரூபாய்க்கும், சவரனுக்கு 1,200 ரூபாய் விலை உயர்ந்தது 1,08,400 ரூபாய்க்கும் விற்பனை.
• ஜூலை 3ஆம் தேதி கிராம் ஒன்றுக்கு 150 ரூபாய் உயர்ந்து 13,700 ரூபாய்க்கும், சவரனுக்கு 1200 ரூபாய் அதிகரித்து  1,09,600 ரூபாய்க்கு விற்பனை.
• ஜூலை 4 ஆம் தேதி மாற்றமில்லை.
• ஜூலை 5 ஆம் தேதி தங்கம் விலையில் மாற்றமில்லை.

இன்றைய தங்கம் விலை

தங்கம் விலையானது ஏறி இறங்கி வரும் நிலையில், வாரத்தின் முதல் நாளான இன்று தங்கத்தின் விலையானது குறைந்துள்ளது. அந்த வகையில் கிராம் ஒன்றுக்கு 140 ரூபாய் குறைந்து 13,560 ரூபாய்க்கும், சவரனுக்கு 1,120 ரூபாய் குறைந்து 1,08,480 ரூபாய்க்கு விற்பனையானது.

வெள்ளி விலையும் இன்று சரிவை சந்தித்துள்ளது. கிராம் ஒன்றுக்கு 10 ரூபாய் குறைந்து 250 ரூபாய்க்கும், கிலோ பார் வெள்ளிக்கு 10 ஆயிரம் ரூபாய் குறைந்து 2 லட்சத்து 50 ஆயிரம் ரூபாய்க்கு விற்பனை செய்யப்படுகிறது.