Smile Pay: வந்தாச்சு ஸ்மைல் பே..! இனி ஃபோன் கூட வேண்டாம், சிரிச்சாலே போதும் - பண பரிமாற்றம் செய்யலாம்..!
Smile Pay Update: தனியார் துறை வங்கியான ஃபெடரல் வங்கி, SmilePay என்ற முகப்பரிமாற்ற முறையை இந்தியாவில் அறிமுகப்படுத்தியுள்ளது.
Smile Pay Update: ஃபெடரல் வங்கியின் SmilePay, செல்ஃபோன் கூட இன்றி பணப்பரிமாற்றம் செய்யும் வசதிக்கு வழிவகுக்கிறது.
ஸ்மைல் பே திட்டம் அறிமுகம்:
தனியார் வசம் உள்ள ஃபெடரல் வங்கி, ஸ்மைல் பே எனும் இந்த முன்னோடி திட்டத்தை இந்தியாவில் அறிமுகப்படுத்தியுள்ளது. 'BHIM ஆதார் பே' அடிப்படையிலான இந்த அமைப்பில், ஆதார் எண்ணுடன் இணைக்கப்பட்ட கணக்கிலிருந்து பணத்தை எடுக்க பயோமெட்ரிக் தரவு பயன்படுத்தப்படுகிறது. இந்த அமைப்பு குறித்து கொடுக்கப்பட்டுள்ள தகவலில், இதற்காக முற்றிலும் பாதுகாப்பான முகத்தை அடையாளம் காணும் முறையை UIDAI பயன்படுத்தவுள்ளதாக தெரிவிக்கப்பட்டுள்ளது.
SmilePay என்றால் என்ன?
ஃபெடரல் வங்கி வெளியிட்டுள்ள செய்திக்குறிப்பின்படி, ஸ்மைல்பே என்பது இந்தியாவில் அறிமுகப்படுத்தப்படும் இதுபோன்ற முதல் கட்டண முறை ஆகும். இது UIDAI இன் BHIM ஆதார் பேயில் கட்டமைக்கப்பட்ட மேம்படுத்தப்பட்ட முகம் அடையாளம் காணும் தொழில்நுட்பத்தைப் பயன்படுத்துகிறது. SmilePay பயனர்கள் தங்கள் முகங்களை ஸ்கேன் செய்வதன் மூலம் பணம் செலுத்த உதவுகிறது. இந்த வசதி அறிமுகப்படுத்தப்பட்ட பிறகு, வாடிக்கையாளர்கள் கார்டு அல்லது மொபைல் இல்லாமல் கூட வணிகர்களுக்கு பணம் செலுத்த முடியும். முழு பரிவர்த்தனை செயல்முறையும் இரண்டு படிகளில் முடிக்கப்படும்.கார்ட் மற்றும் க்யூஆர் கோட் மூலம் பணம் செலுத்திய சூழலை தொடர்ந்து, ஒரே புன்னகையில் பணம் செலுத்துவது மிகவும் சுவாரஸ்யமானது. இதனை மக்கள் மிகவும் விரும்புவார்கள் என்று நம்புகிறோம் என ஃபெடரல் வங்கி நிர்வாகம் தெரிவித்துள்ளது.
SmilePay இன் அம்சங்கள் மற்றும் நன்மைகள்:
SmilePay மூலம், பணம், கார்ட் அல்லது ஃபோன் இன்றியே உங்கள் பரிவர்த்தனையை முடிக்க முடியும். இந்த வசதியால் கவுண்டரில் கூட்ட நெரிசலில் இருந்து நிவாரணம் கிடைக்கும் என எதிர்பார்க்கப்படுகிறது. பாதுகாப்பான UIDAI முக அங்கீகார சேவையின் அடிப்படையில் பாதுகாப்பான மற்றும் நம்பகமான பரிவர்த்தனைகள் செய்யப்படலாம். ஃபெடரல் வங்கி வாடிக்கையாளர்களுக்கு மட்டுமே ஸ்மைல்பே அம்சம் கிடைக்கும். இதற்கு, வணிகர்கள் மற்றும் வாடிக்கையாளர்கள் இருவரும் வங்கியில் கணக்கு வைத்திருக்க வேண்டும். வரும் காலத்தில் இந்த திட்டத்தை விரிவுபடுத்தவும் ஃபெடரல் வங்கி திட்டமிட்டுள்ளது.
ஸ்மைல் பே மூலம் பணம் செலுத்துவது எப்படி?
ஃபெடரல் வங்கியுடன் தொடர்புடைய கடைகளுக்குச் செல்லும் வாடிக்கையாளர்கள் தங்கள் மொபைலில் FED MERCHANT செயலியை வைத்திருக்க வேண்டும். நீங்கள் பில் செய்ய வேண்டியிருக்கும் போது ஸ்மைல் பே என்பதைத் தேர்ந்தெடுக்கவும். வாடிக்கையாளரின் ஆதார் எண்ணை உள்ளிட்டு FED MERCHANT செயலி மூலம் கடைக்காரர் பணம் செலுத்தத் தொடங்குவார். கடைக்காரரின் மொபைல் கேமரா வாடிக்கையாளரின் முகத்தை ஸ்கேன் செய்து, UIDAI அமைப்பின் அடிப்படையில் முகத்தை அடையாளம் காணும் தரவோடு பொருத்தும். அது சரி என பொருந்தினால், உடனடியாக பணம் செலுத்தப்பட்டு, வாடிக்கையாளர் கணக்கில் இருந்து பணம் பிடித்தம் செய்யப்படும். இந்தப் பணம் கடைக்காரரின் பெடரல் வங்கிக் கணக்கில் டெபாசிட் செய்யப்படும். பணம் செலுத்துதல் செயலாக்கப்படும் போது, FED MERCHANT ஆப்ஸ் பணம் செலுத்தப்பட்டது என்று உங்களுக்குத் தெரிவிக்கும்.
தலைப்பு செய்திகள்
ட்ரெண்டிங் செய்திகள்
