Gold and silver rate today : சவரனுக்கு 1,600 ரூபாய் குறைந்தது.! 3 நாளில் அதிரடியாக குறைந்த தங்கம் விலை- வெள்ளி விலையும் சரிந்தது

Gold and silver rate today : தங்கத்தின் விலையானது மீண்டும் குறைந்துள்ளது. அந்த வகையில் கடந்த 3 நாட்களில் மட்டும் சவரனுக்கு 1600 ரூபாய் குறைந்து நகைப்பிரியர்களை மகிழ்ச்சியில் ஆழ்த்தியுள்ளது.

Gold and silver rate today

Source : તસવીર સોશિયલ મીડિયા

குறைந்து வரும் தங்கம் விலை

தங்கத்தின் மீதான ஈர்ப்பு மற்ற உலக நாடுகளை விட இந்திய மக்களிடம் அதிகளவில் இருந்து வருகிறது. தங்கத்தை பாதுகாப்பான முதலீடாகவே மக்கள் கருதுகிறார்கள். இதன் காரணமாக அதிகளவு தங்கத்தை மக்கள் வாங்கி வருகிறார்கள். குறிப்பாக திருமணங்கள், பிறந்தநாள், திருவிழாக்கள் ஆகியவற்றில் தங்கம் வாங்குவது அல்லது பரிசளிப்பது மரபாக கொண்டுள்ளது. இந்த நிலையில் தான் கடந்த ஒரு வருடத்தில் மட்டும் தங்கத்தின் விலையானது இரு மடங்காக அதிகரித்துள்ளது. 2025ஆம் ஆண்டு தொடக்கத்தில் ஒரு சவரன் 60ஆயிரம் ரூபாய்க்கு விற்பனை செய்யப்பட்ட தங்கம் விலை தற்போது 1.34 லட்சத்தை எட்டி நகைப்பிரியர்களை அதிர செய்துள்ளது. 

தங்கம் விலை அதிகரிக்க காரணம் என்ன.?

டாலருக்கு இணையாக தங்கள் நாட்டின் பண மதிப்பை அதிகரிக்க வேண்டும் என மத்திய வங்கிகள் டன் கணக்கில் தங்கத்தை வாங்கி குவித்தது. இதனால் தங்கம் விலையானது எதிர்பாராத உச்சத்தை தொட்டது. அடுத்ததாக வளைகுடா நாட்டில் நடக்கும் போர் காரணமாக தங்கம் விலை மேலும் அதிகரிக்கும் என எதிர்பார்க்கப்பட்ட நிலையில், திடீர் திருப்பமாக முதலீட்டாளர்கள் தங்கத்திற்கு பதிலாக கச்சா எண்ணெய் மீது முதலீடு அதிகரித்ததால் தங்கம் விலையானது குறைய தொடங்கியது. 1.34 லட்சம் ரூபாய் என்ற அளவில் இருந்த தங்கம் விலை சரசரவென கடந்த மாதம் ஒரு லட்சம் ரூபாய்க்கு வந்தது. ஆனால் அடுத்த சில தினங்களிலேயே தங்கம் விலை மீண்டும் உயர தொடங்கியது. 

தங்கம் விலை நிலவரம்

• 20-ம் தேதி கிராம் ஒன்று 14,300 ரூபாய்க்கும், சவரன் 1,14,400 ரூபாய்க்கு விற்பனை செய்யப்பட்டது.
• 21-ம் தேதி தங்கம் விலையில் மாற்றமில்லை.
• 22-ம் தேதி தங்கம் விலை கிராமுக்கு 50 ரூபாய் குறைந்து 14,250 ரூபாய்க்கும், சவரனுக்கு 400 ரூபாய் குறைந்து 1,14,000 ரூபாய்க்கு விற்பனை.
• 23-ம் தேதி ங்கம் விலை கிராமுக்கு 90 ரூபாய் குறைந்து 14,160 ரூபாய்க்கும், சவரனுக்கு 720 ரூபாய் குறைந்து 1,13,280 ரூபாய்க்கு விற்பனை

இன்றைய தங்கம் விலை நிலவரம்

தங்கத்தின் விலையானது கடந்த 2 நாட்களாக குறைந்து வரும் நிலையில், இன்றும் குறைந்துள்ளது. கிராம் ஒன்றுக்கு 60 ரூபாய் குறைந்து 14,100 ரூபாய்க்கும், சவரனுக்கு 480 ரூபாய் குறைந்து 1,12,800 ரூபாய்க்கு விற்பனையாகிறது. 

வெள்ளி விலை என்ன.?

வெள்ளி விலையும் இன்று  குறைந்துள்ளது. கிராமுக்கு 5 ரூபாய் குறைந்து 265 ரூபாய்க்கும், கிலோ பார் வெள்ளிக்கு 5ஆயிரம் ரூபாய் குறைந்து 2 லட்சத்து 65ஆயிரம் ரூபாய்க்கு விற்பனை செய்யப்படுகிறது. 

 

இதையும் படிக்க

குஷியோ குஷி.! அதிரடியாக குறைந்தது தங்கம், வெள்ளி விலை.! இன்றைய நிலவரம் இதோ..