Upcoming Two-Wheelers 2024: வாடிக்கையாளர்களே தயாரா..! 2024ல் வெளியாக இருக்கும் டாப்-5 மோட்டார் சைக்கிள் விவரங்கள் இதோ
Upcoming Two-Wheelers 2024: இந்திய ஆட்டோமொபைல் சந்தையில் 2024ம் ஆண்டு வெளியாக உள்ள, புதிய மோட்டார்சைக்கிள்கள் (பைக்குகள்) விவரங்கள் கீழே பட்டியலிடப்பட்டுள்ளன.
Upcoming Two-Wheelers 2024: இந்திய ஆட்டோமொபைல் சந்தையில் 2024ம் ஆண்டு வெளியாக உள்ள, மிகுந்த எதிர்பார்ப்ப்பை ஏற்படுத்தியுள்ள டாப்-5 மோட்டார்சைக்கிள் விவரங்களை இங்கு அறியலாம்.
இந்திய மோட்டார் சைக்கிள் சந்தை:
நடப்பாண்டானது மோட்டார்சைக்கிள் ஆர்வலர்களுக்கு மிகவும் அருமையானதாக அமைந்தது. பல்வேறு வகையான பைக்குகள் இந்திய சந்தையில் அறிமுகமாகின. ட்ரையம்ப் ஸ்பீட் 400, ஸ்க்ராம்ப்ளர் 400 எக்ஸ், ஹார்லி டேவிட்சன் எக்ஸ் 440, புதிய ஹிமாலயன், கேடிஎம் 390 டியூக், டிவிஎஸ் அப்பாச்சி ஆர்டிஆர் 310 மற்றும் பல மோட்டார்சைக்கிள்கள் அடுத்தடுத்து விற்பனைக்கு கொண்டு வரப்பட்டன. அதன் தொடர்ச்சியாக 2024ம் ஆண்டும் இந்திய வாகன சந்தைக்கு ஒரு உற்சாக தொடக்கமாக இருக்கும் என எதிர்பார்க்கிறது. காரணம், பைக் உற்பத்தியாளர்கள் ஆண்டு முழுவதும் பல்வேறு புதிய மாடல்களை அறிமுகம் செய்ய தயாராகி வருகின்றனர். அந்த வகையில் மிகுந்த எதிர்பார்ப்பை ஏற்படுத்தியுள்ள டாப் 5 மோட்டார்சைக்கிள் விவரங்கள் கீழே பட்டியலிடப்பட்டுள்ளன.
Royal Enfield Shotgun 650:
ராயல் என்ஃபீல்டு இந்த மாத தொடக்கத்தில் தனது புதிய ஷாட்கன் 650 மாடலை வாடிக்கையாளர்களை கவர காட்சிப்படுத்தியது. இது 650 ட்வின்ஸ் பிளாட்ஃபார்மில் நான்காவது மாடல் மற்றும் SG650 கான்செப்டை அடிப்படையாகக் கொண்டது. முன்னதாக கடந்த 2021ம் ஆண்டு மிலனில் நடந்த EICMA நிகழ்ச்சியில் இந்த வாகனம் காட்சிப்படுத்தப்பட்டது. அகலமான தட்டையான ஹேண்டில்பார், நடுவில் அமைக்கப்பட்ட ஃபுட்பெக்குகள் மற்றும் மிதக்கும் ஒற்றை இருக்கை ஆகியவற்றைக் கொண்டுள்ளது. ஷாட்கன் 650 மாடலில் 648 சிசி பேரலல்-ட்வின் ஏர்/ஆயில்-கூல்ட் இன்ஜின் உடன் அறிமுகமாகிறது. 6-ஸ்பீடு கியர்பாக்ஸுடன் இணைக்கப்பட்டுள்ள இந்த இன்ஜின்270-டிகிரி கிராங்க் கொண்ட இந்த யூனிட் 47bhp மற்றும் 52 Nm உற்பத்தி செய்யும் திறன் கொண்டது.
Kawasaki Eliminator 450:
2023 இந்தியா பைக் வீக் நிகச்ச்யில் கவாஸாகி எலிமினேட்டர் 450 ஐ அறிமுகப்படுத்தப்படும் என்ற எதிர்பார்ப்பு இறுதி வரை பூர்த்தியடையவில்லை. ஆனாலும் 2024ம் ஆண்டு வாக்க்ல் இந்த வாகனம் இந்தியாவில் அறிமுகமாகும் என தகவல்கள் தெரிவிக்கின்றன. எலிமினேட்டர் 450 மாடல் ஏற்கனவே உலகெங்கிலும் உள்ள பல்வேறு சந்தைகளில் விற்பனையில் உள்ளது குறிப்பிடத்தக்கது. 451 சிசி பேரலல்-ட்வின் லிவிட் கூல்ட் இன்ஜின் மூலம், 44 பிஎச்பி மற்றும் 43 என்எம் பீக் டார்க்கை உருவாக்குகிறது. இன்ஜின் 6-ஸ்பீடு கியர்பாக்ஸுடன் இணைக்கப்பட்டுள்ளது. டூயல்-சேனல் ஏபிஎஸ், ஸ்மார்ட்போன் இணைப்பு, வட்ட டிஜிட்டல் இன்ஸ்ட்ரூமென்ட் கன்சோல், ஸ்லிப்பர் & அசிஸ்ட் கிளட்ச் மற்றும் கவாஸாகியின் எர்கோ-ஃபிட் டெக் ஆகிய அம்சங்கள் இடம்பெற்றுள்ளன.
Bajaj CT150X:
பஜாஜ் ஆட்டோ நிறுவனம் 2024ம் ஆண்டில் உள்நாட்டு மற்றும் ஏற்றுமதி சந்தைகளுக்காக பல புதிய மாடல்களை வரிசைப்படுத்தியுள்ளது. குறிப்பாக கம்யூட்டர் மோட்டார்சைக்கிள் பிரிவில் அதிக கவனம் செலுத்துகிறது. இந்த பிராண்ட் 150 cc கம்யூட்டரில் வேலை செய்து வருவதாக உளவு புகைப்படங்கள் காட்டுகின்றன. பாதி நகர்ப்புற மற்றும் கிராமப்புற சந்தைகளை இலக்காகக் கொண்டுள்ள இந்த மாடல் தொடர்பான விவரங்கள் இன்னும் முழுமையாக கிடைக்கவில்லை என்றாலும், இது வரவிருக்கும் பஜாஜ் CT150X என்று தகவல்கள் தெரிவிக்கின்றன. ஒரு வட்டமான ஹெட்லேம்ப், பிளாட் கம்யூட்டர்-ஸ்டைல் ஹேண்டில்பார், பிரேஸ், ஹெவி-டூட்டி முன் ஃபோர்க்குகள் மற்றும் கிராப் ரெயிலுடன் கூடிய ஒற்றை-துண்டு இருக்கை ஆகியவை உளவு புகைப்படங்கள் மூலம் தெரிய வந்துள்ளன. பஜாஜ் CT150X ஆனது பல்சர் 150-ன் 149 சிசி ஒற்றை சிலிண்டர் இன்ஜினின் மாற்றப்பட்ட பதிப்பைப் பயன்படுத்தலாம். மோட்டார் பல்சரில் 13.8 bhp மற்றும் 13.25 Nm உச்ச டார்க்கை உருவாக்க, 5-ஸ்பீடு கியர்பாக்ஸுடன் இணைக்கப்பட்டுள்ளது.
Hero Xoom 160:
ஹீரோ நிறுவனம் அடுத்தாண்டு தனது முதல் மேக்ஸி-ஸ்கூட்டரான Xoom 160 ஐ அறிமுகப்படுத்த திட்டமிட்டுள்ளது. EICMA 2023 இல் காட்சிப்படுத்தப்பட்ட இந்த ஸ்கூட்டர் மூலம், ஸ்கூட்டர் நிறுவனம் தனது போர்ட்ஃபோலியோவை 125 cc ஸ்கூட்டர்களுக்கு அப்பால் விரிவுபடுத்த திட்டமிட்டுள்ளது. Xoom 160 ஆனது 156 cc லிக்விட் கூல்ட் இன்ஜினை பெறுகிறது. அதேநேரம், இது Xtreme 160R 4V இல் கடமையைச் செய்யும் இன்ஜினிலிருந்து வேறுபட்டது. 8,000 ஆர்பிஎம்மில் 14 பிஎச்பி ஆற்றலையும், 6,500 ஆர்பிஎம்மில் 13.7 என்எம் ஆற்றலையும் உருவாக்குகிறது. புதிய ஸ்கூட்டரின் முழு விவரங்களையும் பிராண்ட் இன்னும் வெளியிடவில்லை என்றாலும், 2024 ஆம் ஆண்டின் முதல் பாதியில் ஸ்கூட்டர் இந்தியாவில் அறிமுகப்படுத்தப்படும் என்று எதிர்பார்க்கப்படுகிறது.
Kawasaki Ninja 500 and Z500 :
EICMA 2023 நிகழ்ச்சியில் கவாஸாகி நிறுவனம் இரண்டு புதிய மிடில்வெயிட் மாடல்களைக் காட்சிப்படுத்தியது. அதன்படி, புதிய நிஞ்ஜா 500 மற்றும் Z500 ஆகிய இரண்டும் புதியதாக வடிவமைக்கப்பட்டுள்ள லிக்விட் கூல்ட் பேரலல்-ட்வின் இன்ஜின் மூலம் இயக்கப்படுகின்றன. இதுதொடர்பான தொழில்நுட்ப விவரங்கள் அதிகாரப்பூர்வமாக இன்னும் வெளியாகவில்லை. மோட்டார் சைக்கிள்கள் எலிமினேட்டர் 500 மாடலில் உள்ள 451 சிசி இணை-இரட்டை மோட்டார் வழங்கப்பட வாய்ப்புள்ளது. இது தோராயமாக 45 பிஎச்பி மற்றும் 42 என்எம் அல்லது டார்க்கை உருவாக்குகிறது. வடிவமப்பை பொறுத்தவரை, நிஞ்ஜா 500 ஆனது நிஞ்ஜா வரம்பில் உள்ள பல மோட்டார்சைக்கிள்களைப் போலவே ஸ்டைலிங் குறிப்புகளைப் பெறுகிறது. முன்பக்கத்தில் இரட்டை ஹெட்லேம்ப் யூனிட் உள்ளது.
தலைப்பு செய்திகள்
ட்ரெண்டிங் செய்திகள்
