Jeep Discounts: அள்ளி வீசும் ஜீப் நிறுவனம் - கார் மாடல்களுக்கு ரூ.12 லட்சம் வரை தள்ளுபடி, இயர்-எண்ட் ஆஃபர்
Jeep Discounts: ஆண்டு இறுதியை ஒட்டி இந்திய ஆட்டோமொபைல் சந்தையில் ஜீப் நிறுவனம் தனது கார் மாடல்களுக்கு பல்வேறு சலுகைகளை அறிவித்துள்ளது.
Jeep Discounts: ஜீப் நிறுவனம் தனது கார் மாடல்களுக்கு 4.5 லட்சம் ரூபாய் வரை சலுகைகளை வழங்கி வருகிறது.
ஜீப் நிறுவன சலுகைகள் அறிவிப்பு:
நடப்பு ஆண்டு நிறைவை நெருங்குவைதை ஒட்டி, ஜீப் இந்தியா அதன் அனைத்து கார் மாடல்களுக்கும் கவர்ச்சிகரமான பலன்களை வழங்குகிறது. காம்பஸ் மற்றும் மெரிடியன் எஸ்யூவிகளில் ரூ.4.95 லட்சம் வரையிலும், ஃபிளாக்ஷிப் கிராண்ட் செரோகியில் ரூ.12 லட்சம் வரையிலும் சேமிக்கலாம். தள்ளுபடிகள் நகரத்திற்கு நகரம் மாறுபடும் மற்றும் யூனிட்கள் கையிருப்பில் இருப்பதன் தன்மைக்கு உட்பட்டது. சரியான புள்ளிவிவரங்களுக்கு உங்கள் உள்ளூர் டீலருடன் சரிபார்க்கவும்.
ஜீப் நிறுவன தள்ளுபடி விவரங்கள்:
1. ஜீப் காம்பஸ்
ரூ.4.70 லட்சம் வரை சேமிக்கலாம்
தேர்ந்தெடுக்கப்பட்ட வகைகளில் ரூ.3.15 லட்சம் வரையிலான பலன்களுடன் காம்பஸ் கிடைக்கிறது. கூடுதலாக, ஜீப் நிறுவனம் MY2024 மாடல்களில் ரூ. 1.40 லட்சம் மதிப்புள்ள கார்ப்பரேட் சலுகைகளையும், ரூ. 15,000 மதிப்புள்ள சிறப்புச் சலுகைகளையும் வழங்குகிறது. அதன்படி, மொத்தம் ரூ. 4.70 லட்சம் வரை சலுகைகளை அனுபவிக்கலாம். ரூ.18.99 லட்சம் முதல் ரூ.28.33 லட்சம் வரையிலான விலையில், காம்பஸ் 170எச்பி, 2.0 லிட்டர் டீசல் இன்ஜினுடன் மேனுவல் மற்றும் ஆட்டோமேட்டிக் டிரான்ஸ்மிஷன் ஆப்ஷன்களுடன் மட்டுமே வருகிறது. டாப்-ஸ்பெக் மாடலான S வேரியண்ட்கள் மட்டுமே 4x4 விருப்பத்தைப் பெறுகின்றன.
2. ஜீப் மெரிடியன்
ரூ.4.95 லட்சம் வரை சேமிக்கலாம்
MY2024 மாடல்களில் ரூ. 2.80 லட்சம் வரையிலான நன்மைகள் மற்றும் ரூ. 1.85 லட்சம் மதிப்புள்ள கூடுதல் கார்ப்பரேட் சலுகைகளுடன், வேரியண்ட் அடிப்படையில் ஜீப் மெரிடியனை விற்பனை செய்து வருகிறது. ரூ.30,000 மதிப்புள்ள சிறப்புச் சலுகையும் உள்ளது. அதன்படி, இதன் மொத்தப் பலன்கள் ரூ.4.95 லட்சம் வரை கிடைக்கும். சமீபத்தில், ஜீப் எஸ்யூவியின் புதிய என்ட்ரி லெவல் 5-சீட்டர் எடிஷனையும் அறிமுகப்படுத்தியது. தற்போது இதன் விலை ரூ.24.99 லட்சம் முதல் ரூ.38.49 லட்சம் வரை உள்ளது. மெரிடியன் அதன் பவர்டிரெய்ன் விருப்பங்களை காம்பஸ் உடன் பகிர்ந்து கொள்கிறது.
3. ஜீப் கிராண்ட் செரோகி
ரூ.12 லட்சம் வரை சேமிக்கலாம்
இந்தியாவில் ஜீப் நிறுவனத்தின் ஃபிளாக்ஷிப் தயாரிப்பான கிராண்ட் செரோகி எஸ்யூவியின் ஆண்டு இறுதி சலுகைகள் ரூ.12 லட்சம் வரை உள்ளது. SUV முழுமையாக ஏற்றப்பட்ட லிமிடெட் (O) டிரிமில் மட்டுமே கிடைக்கிறது. இதன் விலை ரூ.67.50 லட்சம். கிராண்ட் செரோக்கியில் 2.0-லிட்டர், நான்கு சிலிண்டர் டர்போ-பெட்ரோல் இன்ஜின் உள்ளது. இது 272hp மற்றும் 400Nm உச்ச முறுக்குவிசையை உருவாக்குகிறது மற்றும் 8-ஸ்பீடு ஆட்டோமேட்டிக் கியர்பாக்ஸுடன் இணைக்கப்பட்டுள்ளது. ஃபோர் வீல் ட்ரைவ் அமைப்பு வழியாக நான்கு சக்கரங்களுக்கும் இயக்கத்தை அனுப்புகிறது.
தலைப்பு செய்திகள்
ட்ரெண்டிங் செய்திகள்
