Year Ender 2024 Auto: 2024ல் அறிமுகமான தரமான மின்சார கார்கள்.. கம்மி பட்ஜெட்டில், அதிக ரேஞ்ச்? சிறந்த மாடல் என்ன?
2024 Best Electric Cars: நடப்பாண்டில் இந்திய ஆட்டோமொபைல் சந்தையில் அறிமுகமான தரமான 5 மின்சார கார்கள் குறித்து இந்த தொகுப்பில் அறியலாம்.
2024 Best Electric Cars: நடப்பாண்டில் இந்திய ஆட்டோமொபைல் சந்தையில் அறிமுகமான, தரமான 5 மின்சார கார்கள் கீழே பட்டியலிடப்பட்டுள்ளன.
2024ல் அறிமுகமான மின்சார கார்கள்:
2024 இந்திய வாகனத் துறையில் குறிப்பிடத்தக்க மைல்கல்லாக அமைந்துள்ளது. மலிவு விலையில் இருந்து ஆடம்பர மாடல்கள் வரை அனைத்துப் பிரிவுகளிலும் புத்தம் புதிய மின்சார வாகனங்கள் அறிமுகப்படுத்தப்பட்டன. இந்நிலையில், ஃபேஸ்லிஃப்ட் மற்றும் புதுப்பிக்கப்பட்ட எடிஷன்களை தவிர்த்து, இந்த ஆண்டு அறிமுகப்படுத்தப்பட்ட புதிய மின்சார கார் மாடல்களில் எது சிறந்தது என்பதை இந்த தொகுப்பில் அறியலாம். அதன்படி, 25 லட்ச ரூபாய் பட்ஜெட்டில் கிடைக்கும் சிறந்த கார்கள் கீழே பட்டியலிடப்பட்டுள்ளன.
2024ன் சிறந்த மின்சார கார்கள்:
1. டாடா பஞ்ச் EV
விலை: ரூ.10 லட்சம் முதல் ரூ.14.29 லட்சம்
சப் காம்பாக்ட் எஸ்யூவி ஆன பஞ்ச் அதன் அறிமுகத்திலிருந்து, இந்திய சந்தையில் வெற்றிகரமாக ஓடிக்கொண்டிருக்கிறது. சந்தையில் தனது நிலையை வலுப்படுத்த, டாடா மோட்டார்ஸ் புத்தம் புதிய Acti.EV தளத்தின் அடிப்படையில் பஞ்ச் EV ஐ அறிமுகப்படுத்தியது. பஞ்ச் EV ஆனது 25 kWh மற்றும் 35 kWh என இரண்டு பேட்டரி பேக்குகளில் கிடைக்கிறது. முதல் பேக் 80.4 பிஹெச்பி மற்றும் 114 என்எம் டார்க்கை உற்பத்தி செய்கிறது மற்றும் 13.5 வினாடிகளில் 100 கிமீ வேகத்தை எட்டும். டாடா மோட்டார்ஸ் 315 கிமீ ரேஞ்ச் வழங்கும் என கூறப்படுகிறது. 35 kWh பேக் 120.6 bhp மற்றும் 190 Nm மற்றும் 9.5 வினாடிகளில் 0 - 100 kmph வேகத்தில் செல்லும் திறன் கொண்டுள்ளது. முழுமையாக சார்ஜ் செய்தால் இது 421 கி.மீ. தூரம் வரை பயணிக்கும் என கூறப்படுகிறது.
2. JSW MG Windsor EV
விலை: ரூ.13.50 லட்சம் முதல் ரூ.15.50 லட்சம்
விண்ட்சர் EV என்பது ZS EV மற்றும் Comet EV ஆகியவற்றைத் தொடர்ந்து, MG இன் மூன்றாவது மின்சார வாகனமாகும். இந்த கிராஸ்ஓவர் 134 bhp மற்றும் 200 Nm டார்க்கை வழங்கும் 38 kWh பேட்டரியைக் கொண்டுள்ளது. வின்ட்சர் EV 332 கிமீ ரேஞ்சை வழங்குவதாக கூறப்படுகிறது. முற்றிலும் டிஸ்க் பிரேக்குகள் மற்றும் பெரிய 604-லிட்டர் பூட் திறன் கொண்டுள்ளது.
3. டாடா கர்வ்வ் EV
விலை: ரூ 17.49 லட்சம் முதல் ரூ 21.99 லட்சம் வரை
Tata Motors நிறுவனம் அதன் ஐந்தாவது மின்சார வாகனமான புதிய Curvv EVயை அறிமுகப்படுத்தியதன் மூலம் இந்தியாவில் மலிவு விலையில் மின்சார வாகனங்களை வழங்குவதில் தொடர்ந்து முன்னணியில் உள்ளது . Curvv EV மாடலானது 45 kWh மற்றும் 55 kWh என இரண்டு பேட்டரி விருப்பங்களுடன் வருகிறது. 45 kWh வேரியண்டானது 147.5 bhp மற்றும் 215 Nm டார்க்கை வழங்குகிறது, 9 வினாடிகளில் 0 முதல் 100 kmph வரை வேகமடைகிறது. 55 kWh வேரியண்டானது 165 bhp மற்றும் 215 Nm உடன் செயல்திறனை அதிகரிக்கிறது, வெறும் 8.6 வினாடிகளில் 100 kmph ஐ எட்டும். ரேஞ்சைப் பொறுத்தவரை, டாடா மோட்டார்ஸ் 45 kWh எடிஷன் 502 கிமீ, 55 kWh எடிஷன் 585 கிமீ ரேஞ்ச் வழங்கும் என கூறப்படுகிறது.
4. மஹிந்திரா பிஇ 6
விலை: 18.90 லட்சத்தில் இருந்து தொடங்குகிறது
மஹிந்திரா BE 6, ஒரு ஸ்போர்ட்டி நடுத்தர மின்சார SUV ஆகும். ஆனால் இது SUVயின் நடைமுறைத்தன்மையுடன் ஸ்போர்ட்ஸ் காரின் உணர்வை வெளிப்படுத்துகிறது. 59 kWh மற்றும் 79 kWh என இரண்டு பேட்டரி பேக் விருப்பங்களை வழங்குகிறது. 59 kWh மாறுபாடு 228 bhp மற்றும் 380 Nm டார்க் உடன் 556 கிமீ ரேஞ்ச் வழங்கும். 79 kWh எடிஷன் 281 பிஎச்பி மற்றும் 380 என்எம் ஆற்றலை உயர்த்துகிறது, 0 முதல் 100 கிமீ வேகத்தை வெறும் 6.7 வினாடிகளில் அதிகரிக்கிறது. அதே நேரத்தில் 682 கிமீ ரேஞ்சை வழங்கும் என கூறப்படுகிறது. BE 6 ஆனது ரேஞ்ச், எவ்ரிடே மற்றும் ரேஸ் என மூன்று டிரைவ் மோடுகளுடன் வருகிறது
5. மஹிந்திரா XEV 9e
விலை: 21.90 லட்சத்தில் இருந்து தொடங்குகிறது
BE 6 ஐப் போலவே, XEV 9e எனும் மஹிந்திராவின் EV ஃபிளாக்ஷிப் மாடலும் இரண்டு பேட்டரி பேக்குகளில் வருகிறது. 59 kWh பேட்டரி பேக் ஆனது 228 bhp மற்றும் 380 Nm உடன் 542 கிமீ வரம்பைக் கொண்டுள்ளது. அதிக சக்தி வாய்ந்த 79 kWh பேட்டரி பேக் ஆனது 281 bhp மற்றும் 380 Nm உடன் 656 கிமீ ரேஞ்சை வழங்குகிறது.
தலைப்பு செய்திகள்
ட்ரெண்டிங் செய்திகள்
