Arvind Kejriwal Car Attack : ’’பாஜகவின் கொலை முயற்சி!’’கெஜ்ரிவால் கார் மீது கல்வீச்சு! - ஆம் ஆத்மி

டெல்லியில் பிரச்சாரத்தில் இருந்த அரவிந்த் கெஜ்ரிவால் கார் மீது கல்வீசி தாக்குதல் நடத்தப்பட்ட சம்பவம் அதிர்ச்சியை ஏற்படுத்தி உள்ளது. இந்நிலையில் இந்த தாக்குதலுக்கு பாஜக தான் காரணம் என குற்றம் சாட்டிய ஆம் ஆத்மி டெல்லி மக்களுக்காக உழைத்ததற்காக கெஜ்ரிவாலைக் கொன்று பழிவாங்க பாஜக விரும்புகிறதா? என பாஜகவை கடுமையாக விமர்சித்துள்ளது.

டெல்லி சட்டமன்ற தேர்தல் வரும் பிப்ரவரி 5 நடைபெற உள்ளது. ஆட்சியை தக்கவைக்க வேண்டும் என்ற முனைப்புடன் ஆம் ஆத் மியும், ஆட்சியை பிடிக்க வேண்டும் என காங்கிரஸ் மற்றும் பாஜகவும் தீவிர பிரச்சாரத்தில் ஈடுபட்டு வருகிறது. இந்நிலையில் அங்கு விறுவிறுப்பாக பிரச்சாரம் நடைபெற்று வரும் சூழலில், பிரச்சாரத்தில் ஈடுபட்டிருந்த அரவிந்த் கெஜ்ரிவால் கார் மீது மர்ம நபர்கள் கற்களை வீசி தாக்குதல் நடத்தியுள்ளனர். இதனால் அங்கு பரபரப்பான சூழல் நிலவியது.

இந்நிலையில் இந்த தாக்குதல் சம்பவத்திற்கு பாஜக தான் காரணம் என ஆம் ஆத்மி குற்றம் சாட்டியுள்ளது

மக்களுக்காக உழைத்ததற்காக கெஜ்ரிவாலைக் கொன்று பழிவாங்க பாஜக விரும்புகிறதா? என பாஜகவை கடுமையாக விமர்சித்துள்ளது.