Muttukadu Floating Restaurant: முட்டுக்காடு மிதவை உணவகம் புக் செய்வது எப்படி ? தனி நபருக்கு எவ்வளவு?
Muttukadu Floating Restaurant: முட்டுக்காடு மிதவை உணவகத்தில் தனி நபர் கட்டணமாக 1400 ரூபாய் நிர்ணயம் செய்யப்பட்டுள்ளது.
தமிழ்நாடு அரசு சுற்றுலாத்துறையை உள்நாட்டு மற்றும் வெளிநாட்டு சுற்றுலா பயணிகளை கவரும் வகையில், பல்வேறு திட்டங்களை செயல்படுத்தி வருகிறது. தமிழ்நாடு முழுவதும் 26 ஓட்டல்கள் மற்றும் தங்கும் விடுதிகளை தமிழ்நாடு சுற்றுலாத் துறை நடத்தி வருகிறது.
மேலும் சுற்றுலாப் பயணிகளுக்கு புதுவிதமான அனுபவங்களை தரும் வகையில, 9 படகு குழாம்கள் மூலம் சுற்றுலா பயணிகளுக்கு படகு சவாரி மேற்கொள்ள ஏதுவாக செயல்பட்டு வருகின்றது. சுற்றுலாத்துறையில் முன்னணி மாநிலமாக மாறுவதற்கான முயற்சிகளையும் மேற்கொண்டு வருகிறது. சுற்றுலா பயணிகளுக்கு பல்வேறு வசதிகளை செய்து கொடுத்து, தமிழ்நாட்டில் சுற்றுலா துறையை அடுத்த கட்டத்திற்கு கொண்டு செல்லும் முனைப்பில் தமிழ்நாடு அரசு செயல்பட்டு வருகிறது.
சென்னையின் முக்கிய பகுதி
சென்னையை பொருத்தவரை சென்னை கிழக்கு கடற்கரை சாலை, சுற்றுலா பயணிகளுக்கு பிடித்த இடங்களில் ஒன்றாக இருந்து வருகிறது. விடுமுறை நாட்கள் மற்றும் வார இறுதி நாட்களில், சென்னை கிழக்கு சாலையில் இருக்கும் சுற்றுலா தளங்கள் மற்றும் விடுதிகள் ஆகியவை நிறைந்து காணப்படுகிறது.
சென்னை கிழக்கு கடற்கரைச் சாலையில் முட்டுக்காட்டு பகுதியில் தமிழ்நாடு சுற்றுலா வளர்ச்சி கழகத்தின் மூலம் படகு இல்லம் செயல்பட்டு வருகின்றது. முட்டுக்காடு படகு இல்லத்தில் பொதுமக்கள் சாகச பயணம் மேற்கொள்ளும் வகையில் விசை படகுகள், மிதவை படகுகள், இயந்திர படகுகள், வேகமான இயந்திர படகுகள் என 30க்கும் மேற்பட்ட படகுகள் இயக்கப்பட்டு வருகின்றன. விடுமுறை நாட்களில் எப்போதும் முட்டுக்காடு படகு இல்லத்தில் சுற்றுலா பயணிகள் படையெடுப்பது வழக்கமாக உள்ளது.
முட்டுக்காடு மிதவை உணவகம் - Muttukadu Foating Restaurant
தமிழகத்தின் முதல் மிதவை உணவகம் கப்பல் சென்னை முட்டுக்காடு பகுதியில் சுமார் 5 கோடி மதிப்பீட்டில் கட்டப்பட்டுள்ளது. இரண்டு அடுக்குகளுடன் இந்த உணவக பயணக் கப்பல் அமைக்கப்பட்டுள்ளது. நீளம் 125 அடியும், அகலம் 25 அடியும் கொண்டதாக இது உருவாக்கப்பட உள்ளது. உணவகத்தின் தரைத்தளம் முழுவதும் குளிரூட்டப்பட்ட வசதியுடன் அமைக்கப்பட உள்ளது. முதல் தளம் திறந்தவெளி தளமாகவும், மேல் தளத்தில் அமர்ந்து உணவு உண்டு பயணிக்கும் வகையில் வடிவமைக்கப்பட்டுள்ளது.
சமயலறை, சேமிப்பு அறை, கழிவறை மற்றும் இயந்திர அறை அமைக்கப்பட உள்ளது. கப்பல் 60 குதிரை சக்தி திறனுடைய இயந்திரம் மூலம் இயக்கப்படும் வகையில் வடிவமைக்கப்பட உள்ளது. இம்மிதவை படகு உணவகம் 3000 சதுர அடி பரப்பளவுடன் இரண்டு அடுக்குகள் கொண்ட 100 நபர்கள் அமர்ந்து உணவருந்தும் வசதிகளுடன் வடிவமைக்கப்பட்டுள்ளது.
மேலும், கருத்தரங்குகள், அலுவலக கூட்டங்கள். பிறந்தநாள் கொண்டாட்டங்கள், கேளிக்கை விருந்துகள் போன்ற நிகழ்ச்சிகள் நடத்திட ஏதுவாக இப்படகு உணவகம் வடிவமைக்கப்பட்டுள்ளது. கடந்த மாதம் இந்த உணவகம் பொதுமக்கள் பயன்பாட்டிற்கு கொண்டுவரப்பட்டது.
படகு உணவகம் செயல்பாட்டிற்கு கொண்டுவரப்பட்டதிலிருந்து, குழுவாக செல்பவர்களுக்கு மட்டுமே அனுமதி வழங்கப்பட்டது. தனி நபர்களுக்கு அனுமதி வழங்கப்படாதது மிகப்பெரிய சர்ச்சையாக இருந்து வந்தது. இந்தநிலையில் தற்போது இந்த பிரச்சனை தீர்க்கப்பட்டுள்ளது.
முட்டுக்காடு மிதவை உணவகம் கட்டணம் எவ்வளவு? - Muttukadu Floating Restaurant Price Per Person
இனி முட்டுக்காடு படகு உணவகத்தில் தனி நபர் மற்றும் நண்பர்களுடனும் செல்லலாம் என தெரிவிக்கப்பட்டுள்ளது. இதற்காக கட்டணமாக 1400 ரூபாய் நிர்ணயம் செய்யப்பட்டுள்ளது. www.seanzcruise.com இணையதளத்திற்கு சென்று ஆன்லைன் மூலமா புக்கிங் செய்து கொள்ளலாம் என தெரிவிக்கப்பட்டுள்ளது. இதற்காக தொலைபேசி எண்களும் வெளியிடப்பட்டுள்ளது, 090378 50857 என்னை தொடர்பு கொள்ளலாம் என தகவல் தெரிவித்துள்ளனர்.
தலைப்பு செய்திகள்
ட்ரெண்டிங் செய்திகள்
