Apple Watch Series 10: மூச்சு திணறலை கண்டறியும் ஆப்பிள் வாட்ச் சீரிஸ் 10 அறிமுகம் - விலை, அம்ச விவரங்கள் உள்ளே..!
Apple Watch Series 10: ஆப்பிள் நிறுவனத்தின் வாட்ச் சீரிஸ் 10 சர்வதேச சந்தையில் அறிமுகப்படுத்தப்பட்டுள்ளது.
Apple Watch Series 10: ஆப்பிள் நிறுவனத்தின் வாட்ச் சீரிஸ் 10ல் உள்ள புதிய அம்சங்கள் மற்றும் விலை விவரங்களை இந்த தொகுப்பில் அறியலாம்.
ஆப்பிள் வாட்ச் சீரிஸ் 10 அறிமுகம்:
ஆப்பிள் நிறுவனம் தனது க்ளோடைம் நிகழ்ச்சி மூலம் வாட்ச் சீரிஸ் 10 ஐ அறிமுகப்படுத்தியுள்ளது., இது இந்த வாட்ச் சீரிஸின் மிக மெல்லிய மற்றும் மிகப்பெரிய டிஸ்பிளேவை கொண்டுள்ளது. இந்த புதிய மாடல், புதிய மெருகூட்டப்பட்ட டைட்டானியம் ஃபினிஷில் கிடைக்கிறது. அதன் முந்தைய மாடல்கள விட இலகுவாகவும் நெறிப்படுத்தப்பட்டதாகவும் இருக்கிறது. ஆப்பிள் வாட்ச் சீரிஸ் 10 செப்டம்பர் 20 முதல் சந்தையில் கிடைக்கும் என, ஆப்பிள் நிறுவனம் தெரிவித்துள்ளது.
ஆப்பிள் வாட்ச் சீரிஸ் 10 அளவுகள்:
ஆப்பிள் வாட்ச் சீரிஸ் 10 இரண்டு டிஸ்பிளே அளவுகளில் வருகிறது. ஒன்று 46 மிமீ மற்றொன்று 42 மிமீ, முந்தைய 45 மிமீ மற்றும் 41 மிமீ அளவுகளில் இருந்து திரை அளவு அதிகரிக்கப்பட்டுள்ளது. ஆப்பிள் சீரிஸ் 6ஐ விட டிஸ்பிளே பகுதி 30 சதவிகிதம் பெரியது. பரப்பளவில் அளவிடும் போது ஆப்பிள் வாட்ச் அல்ட்ராவை விட சற்று பெரியது. பரந்த-ஆங்கிள் OLED திரை அதன் முந்தைய மாடலுடன் ஒப்பிடும்போது ஆங்கிளில் 40 சதவிகிதம் பிரகாசமாக உள்ளது. கூடுதலாக, சீரிஸ் 10 ஆனது சீரிஸ் 9 ஐ விட கிட்டத்தட்ட 10 சதவிகிதம் மெல்லியதாகவும், 10 சதவ்கிதம் இலகுவாகவும் இருக்கும் அல்லது துருப்பிடிக்காத எஃகுக்கு பதிலாக பிரீமியம் கேசிங் விருப்பமாக இருக்கும் டைட்டானியம் மாடலை நீங்கள் தேர்வு செய்தால் 20 சதவிகிதம் இலகுவாக இருக்கும். இந்த வடிவமைப்பு கடிகாரத்தை முன்னெப்போதையும் விட வசதியாக ஆக்குகிறது என்று ஆப்பிள் நிறுவனம் தெரிவித்துள்ளது.
ஆப்பிள் வாட்ச் சீரிஸ் 10ம் விலை:
ஜிபிஎஸ்-ஓன்லி மாடல்: $399
ஜிபிஎஸ் + செல்லுலார் மாடல்: விலை $499
டைட்டானியம் மாடல்: $699 விலையில் தொடங்குகிறது
தற்போது முன்பதிவு நடைபெற்று வரும் நிலையில், அதிகாரப்பூர்வமாக செப்டம்பர் 20 அன்று விற்பனைக்கு வரும். ஜெட் பிளாக் (ஆப்பிள் வாட்சுக்கான முதல்), ரோஸ் கோல்ட் மற்றும் சில்வர் அலுமினியம் ஆகிய வண்ணங்களில் வாட்ச் கிடைக்கும். புதிய பேண்ட் பாணிகளில் நைக் மற்றும் ஹெர்ம்ஸ் உடனான கூட்டுப்பணிகள் மற்றும் புதுப்பிக்கப்பட்ட மிலனீஸ் லூப் ஆகியவை அடங்கும்.
ஆப்பிள் வாட்ச் சீரிஸ் 10 சிப்:
வாட்ச் ஆனது புதிய S10 SIP (System in Package) சிப் மூலம் இயக்கப்படுகிறது. இது செயல்திறனை மேம்படுத்துகிறது. இந்த சிப் 18 மணிநேரம் என மதிப்பிடப்பட்ட, சீரிஸ் 10ன் நீண்ட பேட்டரி ஆயுளுக்கு பங்களிக்கிறது. மேம்படுத்தப்பட்ட வேகமான சார்ஜிங் தொழில்நுட்பம் வெறும் 30 நிமிடங்களில் கடிகாரத்தை 80 சதவிகித சார்ஜ் அடைய அனுமதிக்கிறது.
ஆப்பிள் வாட்ச் சீரிஸ் 10 அம்சங்கள்
கடிகாரத்தின் ஸ்பீக்கர்கள் ஆடியோ செயல்திறனை சமரசம் செய்யாமல் 30 சதவிகிதம் சிறியதாக்கப்பட்டுள்ளது. முதன்முறையாக, ஸ்பீக்கர்கள் இசை மற்றும் பாட்காஸ்ட்கள் போன்ற மீடியாவை இயக்கலாம். மேம்படுத்தப்பட்ட வாய்ஸ் ஐசோலோஷன் சத்தமில்லாத சூழலில் தெளிவான அழைப்புகளை உறுதி செய்கிறது. ஸ்க்ரீன் ரிசொல்யூஷன் 46 மிமீ மாடலுக்கு 416 x 496 மற்றும் 42 மிமீ மாடலுக்கு 374 x 446 ஆக உள்ளது. டிஸ்பிளேவானது ஒரு வினாடிக்கு ஒருமுறை புதுப்பிக்கப்படும். டிஸ்ப்ளே மற்றும் கேஸ் இரண்டும் முந்தைய மாடல்களை விட வட்டமான மூலைகளைக் கொண்டுள்ளது.
ஆப்பிள் வாட்ச் சீரிஸ் 10 மூச்சுதிணறலை கண்டறியும்:
ஆப்பிள் வாட்ச் சீரிஸ் 10 இன் தனித்துவமான அம்சமாக, தூக்கத்தில் ஏற்படும் மூச்சுத்திணறலைக் கண்டறியும் திறனை கொண்டுள்ளது. இந்தச் செயல்பாடு, தூக்கத்தின் போது சுவாச முறைகளைக் கண்காணிக்க மேம்பட்ட மோஷன் சென்சார்களைப் பயன்படுத்துகிறது. தூக்கத்தில் மூச்சுத்திணறலைக் குறிக்கும் முறைகேடுகளைக் கண்டறிவதை நோக்கமாகக் கொண்டுள்ளது, இதன் மூலம் பயனர்களுக்கு ஆரம்ப எச்சரிக்கைகளை வழங்குகிறது.
சுற்றுச்சூழலுக்கான அர்ப்பணிப்பு:
ஆப்பிள் சீரிஸ் 10 இன் சுற்றுச்சூழலுக்கான நட்பு தன்மையை வலியுறுத்தியுள்ளது. இது ஒரு கார்பன்-நடுநிலை தயாரிப்பு என்று விவரிக்கிறது. 95 சதவிகிதம் மறுசுழற்சி செய்யப்பட்ட அலுமினியத்தில் இருந்து வடிவமைக்கப்பட்ட இந்த கடிகாரம், 100 சதவிகிதம் புதுப்பிக்கத்தக்க மின்சாரத்தைப் பயன்படுத்தி தயாரிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
