IPL 2023, RCB vs GT Playing XI: ப்ளேயிங் லெவனில் நோ சேஞ்ச்; பெங்களூரை வீழ்த்துவது தான் குஜராத்தின் திட்டமாம்; இரு அணிகளின் விபரம் இதோ..!
IPL 2023, RCB vs GT Playing XI: குஜராத் டைட்டன்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையிலான போட்டியில் களமிறங்கும் அணிகள் குறித்து இந்த தொகுப்பில் தெரிந்து கொள்ளலாம்.
விறுவிறுப்பான ஐபிஎல் தொடரின் லீக் போட்டிகள் இன்றுடன் நிறைவடைகின்றது. இதில் 70வது லீக் போட்டியில் ராயல் சேலஞ்சர்ஸ் பெங்களூரு மற்றும் நடப்புச் சாம்பியன் குஜராத் டைட்டன்ஸ் அணிகள் மோதுகின்றது. போட்டி நடைபெறும் சின்னச்சாமி மைதானத்தில் இன்று மதியம் முதல் மழை பெய்து வந்ததால் போட்டி நடைபெறுமா நடக்காதா என்ற சந்தேகம் அனைவருக்கும் இருந்தது. இந்நிலையில், போட்டி மழையால் தாமதமாக தொடங்கப்பட்டுள்ளது. இந்த போட்டியில் டாஸ் வென்ற குஜராத் அணி பந்து வீச முடிவு செய்துள்ளது.
முடிவுக்கு வந்த லீக் போட்டிகள்
ரசிகர்கள் பெரிதும் எதிர்பார்த்த ஐபிஎல் தொடரின் 16வது சீசன் கடந்த மார்ச் 31 ஆம் தேதி தொடங்கியது. கடந்தாண்டைப் போல நடப்பாண்டும் சென்னை, மும்பை, குஜராத், ராஜஸ்தான், டெல்லி, ஹைதராபாத், லக்னோ, பெங்களூரு, கொல்கத்தா, பஞ்சாப் ஆகிய 10 அணிகள் பங்கேற்றன. கடந்த ஒன்றரை மாதங்களாக லீக் போட்டிகள் நடைபெற்ற நிலையில் குஜராத் அணி முதல் ஆளாக பிளே ஆஃப் சுற்றுக்குள் நுழைந்தது. மீதமுள்ள 3 இடங்களில் சென்னை, மும்பை, லக்னோ, பெங்களூரு அணிகள் இடையே கடும் போட்டி நிலவியது.
இதில் நேற்று நடந்த இரண்டு போட்டிகளில் சென்னை, லக்னோ அணிகள் பிளே ஆஃப் சுற்றை உறுதி செய்தது. இதனைத் தொடர்ந்து கடைசி அணியாக பிளே ஆஃப் சுற்றுக்குள் நுழைய மும்பை, பெங்களூரு இடையே போட்டி ஏற்பட்டுள்ளது. இதில் மாலை 3.30 மணிக்கு நடக்கும் போட்டியில் மும்பை - ஹைதராபாத் அணிகள் மோதின. இந்த போட்டியில் வெற்றி பெற்றால் மட்டும் மும்பை அணி பிளே ஆஃப் சுற்றுக்குள் செல்வதற்கான வாய்ப்பை உறுதிப்படுத்த முடியும். இந்நிலையில் மும்பை அணி ஹைதராபாத் அணியை 8 விக்கெட்டுகள் வித்தியாசத்தில் வீழ்த்தியுள்ளது. இதனால் புள்ளிப்பட்டியலில் 16 புள்ளிகளுடன் 4வது இடத்துக்கு முன்னேறியுள்ளது.
பெங்களூரு - குஜராத் போட்டி
இந்த சீசனில் பெங்களூரு - குஜராத் அணிகள் முதல் முறையாக மோதுகின்றது. பிளே ஆஃப் சுற்றை உறுதி செய்த குஜராத்துக்கு இது சம்பிரதாய ஆட்டமாக உள்ளது. அதேசமயம் பிளே ஆஃப் சுற்றுக்கு செல்ல இப்போட்டியில் வெற்றி முக்கியம் என்பதால் பெங்களூருவுக்கு வாழ்வா? சாவா? ஆட்டமாக இந்த போட்டி மாறியுள்ளது. கடந்த சீசனில் பிளே ஆஃப் சுற்று வரை சென்று தோற்ற பெங்களூரு அணி இந்த முறை தன் ரசிகர்களுக்காக எப்படியாவது கோப்பையை வெல்ல வேண்டும் என முயற்சித்து வருகிறது. அதன் முடிவு இன்றைய போட்டியை பொறுத்தே உள்ளது.
குஜராத் டைட்டன்ஸ் பிளேயிங் லெவன்:
ஷுப்மான் கில், விருத்திமான் சாஹா (விக்கெட் கீப்பர்), ஹர்திக் பாண்டியா (கேப்டன்), தசுன் ஷனகா, டேவிட் மில்லர், ராகுல் தெவாடியா, ரஷித் கான், மோகித் சர்மா, நூர் அகமது, முகமது ஷமி, யாஷ் தயாள்
ராயல் சேலஞ்சர்ஸ் பெங்களூர் பிளேயிங் லெவன்:
விராட் கோலி, ஃபாஃப் டு பிளெசிஸ் (கேப்டன்), மைக்கேல் பிரேஸ்வெல், க்ளென் மேக்ஸ்வெல், மஹிபால் லோம்ரோர், அனுஜ் ராவத், தினேஷ் கார்த்திக் (விக்கெட் கீப்பர்), ஹர்ஷல் படேல், வெய்ன் பார்னல், முகமது சிராஜ், விஜய்குமார் வைஷாக்
இம்பேக்ட் ப்ளேயர்கள்
குஜராத் டைட்டன்ஸ்: விஜய் சங்கர், கே.எஸ்.பரத், சிவம் மாவி, சாய் கிஷோர், அபினவ் மனோகர்
ராயல் சேலஞ்சர்ஸ் பெங்களூரு: ஹிமான்ஷு சர்மா, எஸ் பிரபுதேசாய், ஃபின் ஆலன், சோனு யாதவ், ஆகாஷ் தீப்
தலைப்பு செய்திகள்
ட்ரெண்டிங் செய்திகள்
