GT vs SRH Score LIVE: பிளே ஆஃப் சுற்றுக்குள் நுழைந்த குஜராத்..வெளியேறிய ஐதராபாத்..
ஐபிஎல் தொடரில் இன்று நடைபெறும் முக்கியமான லீக் போட்டியில் குஜராத் டைட்டன்ஸ் மற்றும் சன்ரைசர்ஸ் ஐதராபாத் அணிகள் மோத உள்ளன.
LIVE
Background
ஐபிஎல் தொடரில் இன்று நடைபெறும் முக்கியமான லீக் போட்டியில் குஜராத் டைட்டன்ஸ் மற்றும் சன்ரைசர்ஸ் ஐதராபாத் அணிகள் மோத உள்ளன. இந்த போட்டி இரவு 7.30 மணிக்கு தொடங்குகிறது.
ஐபிஎல் சீசன்:
நடப்பாண்டு ஐபிஎல் தொடர் பரபரப்பான கட்டத்தை எட்டியுள்ளது. 61 லீக் போட்டிகள் முடிந்த பிறகும் இதுவரை எந்தவொரு அணியும் அதிகாரப்பூர்வமாக பிளே-ஆஃப் சுற்றுக்கு தகுதி பெறவில்லை. முன்னணியில் இருந்த குஜராத் மற்றும் சென்னை அணிகள் கூட தோல்வியை சந்தித்து தனக்கான இடத்தை உறுதிப்படுத்த முடியாமல் தவித்து வருகின்றன. இந்நிலையில் தான் இன்று நடைபெறும் லீக் போட்டி, முக்கியத்துவம் வாய்ந்ததாக கருதப்படுகிறது.
குஜராத் - ஐதராபாத் மோதல்:
அகமதாபாத்தில் உள்ள நரேந்திர மோடி மைதானத்தில் நடைபெறும் இன்றைய லீக் போட்டியில், ஹர்திக் பாண்ட்யா தலைமையிலான குஜராத் டைட்டன்ஸ் அணியை, மார்க்ரம் தலைமையிலான சன்ரைசர்ஸ் ஐதராபாத் அணிகள் மோதுகின்றன. இரவு 7.30 மணிக்கு தொடங்கும் இந்த போட்டியை, ஸ்டார் ஸ்போர்ட்ஸ் தொலைக்காட்சி அலைவரிசையிலும், ஜியோ சினிமா செயலியிலும் ரசிகர்கள் நேரலையில் கண்டு ரசிக்கலாம்.
குஜராத் அணி நிலவரம்:
நடப்பு சாம்பியனான குஜராத் அணி இதுவரை 12 போட்டிகளில் விளையாடி 8 போட்டிகளில் வென்று புள்ளிப்பட்டியலில் முதலிடத்தில் நீடிக்கிறது.இன்றைய போட்டியில் வெற்றி பெற்றால் நடப்பு தொடரில் பிளே ஆஃப் சுற்றுக்கு தகுதி பெறும் முதல் அணியாக குஜராத் இருக்கும். பேட்டிங் மற்றும் பந்துவீச்சில் சரியான கலவையாக உள்ள இந்த அணி, எதிரணிகளுக்கு சிம்ம சொப்பனமாக உள்ளது. சுப்மன் கில், பாண்ட்யா, டேவிட் மில்லர், ரஷித் கான் போன்ற பல மேட்ச் வின்னர்கள் இருப்பது, அந்த அணிக்கு கூடுதல் பலமாக உள்ளது. இருப்பினும் கடைசியாக விளையாடிய லீக் போட்டியில், மும்பை அணிக்கு எதிராக தோல்வியுற்றது. இதன் காரணமாக இன்றைய போட்டியில் வென்று மீண்டும் வெற்றிப்பாதைக்கு திரும்ப குஜராத் அணி ஆர்வம் காட்டி வருகிறது.
ஐதராபாத் அணி நிலவரம்:
முன்னாள் சாம்பியனான ஐதராபாத் அணியோ 11 போட்டிகளில் விளையாடி, வெறும் நான்கில் மட்டுமே வெற்றி கண்டுள்ளது. இதன் மூலம் புள்ளிப்பட்டியலில் 9வது இடத்தில் உள்ளது. மீதமுள்ள அனைத்து போட்டிகளிலும் வெற்றி பெற்றால் மட்டுமே ஐதராபாத் அணியால் பிளே-ஆஃப் சுற்றுக்கு தகுதி பெற முடியும். இதன் காரணமாக வாழ்வா, சாவா எனும் சூழலில் இன்றைய போட்டியில் ஐதராபாத் அணி களமிறங்குகிறது. அதேநேரம், பேட்டிங் மற்றும் பந்துவீச்சில் எந்தவொரு வீரரும் தொடர்ந்து சிறப்பான ஆட்டத்தை வெளிப்படுத்தாதது, அந்த அணிக்கு பின்னடைவாக கருதப்படுகிறது.
நரேந்திர மோடி ஸ்டேடியம் பிட்ச் அறிக்கை:
அகமதாபாத்தில் உள்ள நரேந்திர மோடி ஸ்டேடியம் எப்போதும் பேட்ஸ்மேன்களுக்கு சாதகமாக இருக்கும். இரு அணிகளும் ரன் குவிக்க அதிக வாய்ப்புண்டு. மேலும், டாஸ் வென்ற கேப்டன் முதலில் பீல்டிங்கை தேர்ந்தெடுக்கலாம்.
நேருக்கு நேர்:
ஐபிஎல் வரலாற்றில் இரு அணிகளும் இதுவரை இரண்டு முறை மட்டுமே மோதியுள்ளன. இதில் ஒரு போட்டியில் குஜராத் அணியும் ஒரு போட்டியில் ஹைதராபாத் அணியும் வெற்றி பெற்றுள்ளன. முதல் போட்டியில் ஐதராபாத் அணியும், இரண்டாவது போட்டியில் குஜராத் அணியும் வெற்றி பெற்றது. நடப்பு தொடரில் இரு அணிகளும் மோதுவது இதுவே முதல் முறை ஆகும்.
கணிக்கப்பட்ட இரு அணிகள்:
குஜராத் டைட்டன்ஸ் :
விருத்திமான் சாஹா (விக்கெட் கீப்பர்), ஷுப்மான் கில், ஹர்திக் பாண்டியா (கேப்டன்), டேவிட் மில்லர், விஜய் சங்கர், ராகுல் தெவாடியா, ரஷித் கான், மோகித் சர்மா, முகமது ஷமி, அல்சாரி ஜோசப், நூர் அகமது
சன்ரைசர்ஸ் ஹைதராபாத் :
அபிஷேக் சர்மா, அன்மோல்ப்ரீத் சிங், ராகுல் திரிபாதி, ஹென்ரிச் கிளாசென் (விக்கெட் கீப்பர்), ஐடன் மார்க்ரம் (கேப்டன்), கிளென் பிலிப்ஸ், அப்துல் சமத், டி நடராஜன், மயங்க் மார்கண்டே, புவனேஷ்வர் குமார், ஃபசல்ஹக் ஃபரூக்கி
குஜராத் உள்ளே.. ஐதராபாத் வெளியே
ஐதராபாத் அணியை 34 ரன்கள் வித்தியாசத்தில் வீழ்த்தி நடப்பாண்டின் முதல் அணியாக பிளே ஆஃப் சுற்றுக்கு முன்னேறியது குஜராத். நடப்பு தொடரிலிருந்து வெளியேறியது ஐதராபாத்
150 ரன்களை எட்டிய ஐதராபாத்..
19.4 ஓவர்கள் முடிவில் ஐதராபாத் அணி 150 ரன்களை எட்டியது
போராட்டம் முடிந்தது..
சிறப்பாக விளையாடி வந்த புவனேஷ்வர் 27 ரன்களில் ஆட்டமிழந்தார்
18 ஓவர்கள் முடிந்தது..
18 ஓவர்கள் முடிவில் ஐதராபாத் அணி 136 ரன்களை சேர்த்துள்ளது
கடைசி நம்பிக்கையும் போனது..
தனி ஒரு ஆளாக போராடிய கிளாசென் 64 ரன்களில் ஆட்டமிழந்தார்
தலைப்பு செய்திகள்
ட்ரெண்டிங் செய்திகள்
