மேலும் அறிய

India vs England 3rd Test: இந்தியா vs இங்கிலாந்து 3-வது டெஸ்ட்... இதுவரை ராஜ்கோட் மைதானத்தின் நிலவரம் என்ன? விவரம் இதோ!

ஐந்து போட்டிகள் கொண்ட இந்தியா - இங்கிலாந்து டெஸ்ட் தொடரின் 3-வது டெஸ்ட் போட்டி ராஜ்கோட்டில் உள்ள சவுராஷ்டிரா கிரிக்கெட் சங்க மைதானத்தில் வரும் (பிப்ரவரி 15) நடைபெற உள்ளது.

By : மு.வா.ஜெகதீஸ் குமார் | Updated at : 12 Feb 2024 06:28 PM (IST)

India vs England 3rd Test Rajkot Pitch Report, Highest Scores, Stadium Stats & Records India vs England 3rd Test: இந்தியா vs இங்கிலாந்து 3-வது டெஸ்ட்... இதுவரை ராஜ்கோட் மைதானத்தின் நிலவரம் என்ன? விவரம் இதோ!

ராஜ்கோட் மைதானம்

முன்னதாக, முதல் டெஸ்ட் போட்டியில் இங்கிலாந்து அணி 28 ரன்கள் வித்தியாசத்தில் இந்திய அணியை வீழ்த்தியது. அதேநேரம் இரண்டாவது டெஸ்ட் போட்டியில் இந்திய அணி 106 ரன்கள் வித்தியாசத்தில் இங்கிலாந்தை வீழ்த்தி வெற்றி பெற்றது. இதன் மூலம் 1-1 என்ற கணக்கில் இரு அணிகளும் சமநிலையில் உள்ளது. இந்நிலையில் மூன்றாவது டெஸ்ட் போட்டியின் மீது ரசிகர்களின் எதிர்பார்ப்பு அதிகரித்துள்ளது.

இந்தியா vs இங்கிலாந்து 3வது டெஸ்ட் போட்டி - பிட்ச் ரிப்போர்ட்:

ராஜ்கோட்டில் உள்ள ஆடுகளம் சிறந்த விக்கெட்டுகளை எடுப்பதற்கு சாதகமான ஒன்றாக இந்த மூன்றாவது டெஸ்ட் போட்டியில் இருக்கும். ஆட்டம் ஆரம்பிக்கப்பட்ட பின்னர் 3, 4 மற்றும் 5 ஆம் நாள்களில் சுழற்பந்து வீச்சாளர்கள் ஆதிக்கம் செலுத்த வாய்ப்புள்ளது. பந்து வீச்சாளர்கள் மற்றும் பேட்ஸ்மேன்கள் இருவரும் இந்த ஆடுகளத்தில் தங்களது திறமைகளை வெளிபடுத்தலாம். அதேபோல், கூடுதலாக சுழற்பந்து வீச்சாளர்களுக்கு சாதகமாக இருக்கும் என்று எதிர்பார்க்கப்படுகிறது. ராஜ்கோட் மைதானத்தில் இதுவரை இரண்டு டெஸ்ட் போட்டிகள் மட்டுமே நடைபெற்றுள்ளது. இங்கு சராசரி முதல் இன்னிங்ஸ் ஸ்கோர் 593, அதே சமயம் இரண்டாவது இன்னிங்ஸ் சராசரி 334. மூன்றாவது இன்னிங்ஸ் சராசரி 228, மற்றும் நான்காவது இன்னிங்ஸ் 172. ஒரு டெஸ்டில் முதலில் பேட்டிங் செய்த அணி வெற்றி பெற்றது, இரண்டாவது ஆட்டம் டிராவில் முடிந்தது. இந்த மைதானத்தில் நடைபெற்ற ஏழு இன்னிங்ஸ்களில் மொத்தம் 2483 ரன்கள் எடுக்கப்பட்டுள்ளது, இதில் 58 விக்கெட்டுகள் விழுந்துள்ளன.