Virat Kohli : அந்த மனசு தான் சார்... ”கேப்டன்சி வேண்டாம்!” 12 ஆண்டுக்கு பிறகு ரஞ்சி கோப்பையில் கோலி

Virat Kohli :  விராட் கோலி 12 ஆண்டுகளுக்குப் பிறகு முதல் முறையாக ரஞ்சி கோப்பையில் விளையாடவுள்ளார்.

விராட் கோலி

Source : Trend_VKohli/X

இந்திய வீரர் விராட் கோலி 12 ஆண்டுகளுக்குப் பிறகு முதல் முறையாக ரஞ்சி கோப்பையில் விளையாடவுள்ளார். கடைசியாக 2012 ஆம் ஆண்டு உள்நாட்டு  போட்டிகளில் விளையாடவுள்ளார். 

வீரர்களுடன் பயிற்சி: 

டெல்லி அணிக்காக விளையாடிய கோலி, ரயில்வேக்கு எதிரான ரஞ்சி டிராபி போட்டியில் டெல்லி அணியில் இடம்பெற்றுள்ளார். டெல்லியில் உள்ள அருண் ஜெட்லி ஸ்டேடியத்தில் நடந்த பயிற்சி அமர்வில் கோலி தனது டெல்லி அணி வீரர்களுடன் பயிற்சி செய்த வீடியோ வைரலாகி வருகிறது.  மேலும் “ அணியுடன் பயிற்சி பெற விருப்பம் என கோலி தலைமை பயிற்சியாளர் சரந்தீப் சிங்கிடம்  தெரிவித்தார். அவருடன் அதிக நேரம் செலவழித்தால் டெல்லி வீரர்களுக்கு அது ஒரு சிறந்த அனுபவமாக இருக்கும்” என்று டிடிசிஏ அதிகாரி ஒருவர் தெரிவித்தார்

#RanjiTrophy

Virat Kohli training at the Arun Jaitley Stadium ahead of Delhi’s Ranji match against Railways. 12 years since he last played. pic.twitter.com/pqAhLStTSA

— Samreen Razzaqui (@SamreenRazz) January 28, 2025

கேப்டன் பதவி வேண்டாம்:

ரயில்வேக்கு எதிரான போட்டியில் டெல்லி அணியை வழிநடத்தும் வாய்ப்பு கோஹ்லிக்கு வழங்கப்பட்டதாகவும் ஆனால் அவர் மறுத்துவிட்டதாகவும் தகவல்கள் வெளியாகியுள்ளன. ரிஷப் பண்ட் போட்டியின் ஒரு பகுதியாக இல்லாததால், ஆயுஷ் பதோனி அணியை தொடர்ந்து வழிநடத்த உள்ளார்.

இதையும் படிங்க: ஒரே ஃபோன் கால்.. பஞ்சாப் டிஎஸ்பியை அலறவிட்ட Deputy CM .. அதிரடி காட்டிய உதயநிதி

“செப்டம்பரில் துலீப் டிராபியில் இருந்து பந்த் முதல் தர கிரிக்கெட்டில் விளையாடி வருகிறார். கடந்த மூன்றரை மாதங்களில் 12 முதல்தர போட்டிகளில் விளையாடியுள்ளார். சாம்பியன்ஸ் டிராபி நெருங்கி வரும் நிலையில், ஒயிட்-பால் சீசனுக்கு தயாராகும் வகையில் அவருக்கு ஓய்வு அளிக்குமாறு அறிவுறுத்தப்பட்டுள்ளது,” என்று அதிகாரி ஒருவர் தெரிவித்தார்.

Virat Kohli is here in the practice session with the Delhi team. pic.twitter.com/IJqhvFate8

— Virat Kohli Fan Club (@Trend_VKohli) January 28, 2025

2012-க்கு பிறகு: 

2012 இல் காஜியாபாத்தின் மோகன் நகரில் உத்தரபிரதேசத்திற்கு எதிராக டெல்லிக்கான உள்நாட்டு சிவப்பு பந்து போட்டியில் கடைசியாக விளையாடியபோது கோஹ்லி அணியில் இருந்தார்.

"வெளிப்படையாக, எங்கள் ஜூனியர் வீரர்களுக்கு இது ஒரு சிறந்த அனுபவம், ஏனெனில் அவர்கள் விராட்டுடன் டிரஸ்ஸிங் அறையைப் பகிர்ந்து கொள்வார்கள். எங்கள் அணியைப் பார்த்தால், ஐபிஎல் மற்றும் இந்தியாவுக்காக நவ்தீப் சைனி மட்டுமே விராட்டுடன் விளையாடியுள்ளார். உண்மையில், யாரும் இல்லை. அணியில் உள்ள வீரர்கள் ரஞ்சி கோப்பையில் விராட் உடன் விளையாடியுள்ளனர், அவரைப் பார்த்து அவர்கள் நிறைய கற்றுக்கொள்ளலாம்" என்று டிடிசிஏ செயலாளர் அசோக் ஷர்மா தெரிவித்தார்.