Cricket World Cup 2023: நான் ரெடிதான் வரவா... இந்தியாவை தோற்கடித்தால் டேட்டிங் வருவேன்.. பாகிஸ்தான் நடிகை அதிரடி!

இந்தியா மற்றும் வங்கதேச அணி மோதும் போட்டியில் வங்கதேச அணி வெற்றி பெற்றால் அந்த அணி வீரர் ஒருவருடன் டேட்டிங் செல்வதாக பாகிஸ்தான் நடிகை ஒருவர் கூறியுள்ளார்.

பாகிஸ்தான் நடிகை சேகர் ஷின்வாரி

கடந்த அக்டோபர் 11 ஆம் தேதி  நடைபெற்ற போட்டியில் பாகிஸ்தான் அணியை 7 விக்கெட் வித்தியாசத்தில் வீழ்த்தியது இந்திய அணி. முன்னதாக, பாகிஸ்தான் அணி மூன்று போட்டிகளில் இந்தியாவிற்கு எதிராண ஒரு போட்டியில் மட்டுமே தோல்வி அடைந்து இருக்கிறது.  

அதே நேரம் வரும் அக்டோபர் 20 ஆம் தேதி பாகிஸ்தான் அணி ஆஸ்திரேலிய அணியை எதிர்கொள்ள இருக்கிறது.

இந்தியா-வங்கதேசம் மோதல்:

மகாராஷ்ட்ரா மாநிலம் புனேவில் நாளை(அக்டோபர் 19)  மதியம் சரியாக 2 மணிக்கு தொடங்கும் போட்டியில் தொடர்ந்து மூன்று போட்டிகளில் வெற்றி பெற்ற இந்திய அணியுடன் வங்கதேச அணி விளையாடுகிறது. 

பாகிஸ்தான் நடிகையின் வித்தியாசமான சபதம்:

தங்கள் நாட்டை கிரிக்கெட் போட்டியில் தோற்கடித்த இந்தியாவை இந்த போட்டியில்  வங்கதேச அணி வெற்றி பெற்றால் அந்த அணி வீரர் ஒருவரிடன் டேட்டிங் செல்வதாக பாகிஸ்தான் நடிகை ஒருவர் கூறியுள்ளார்.

அதன்படி, சேஹர் ஷின்வாரி  என்ற நடிகை இன்று (அக்டோபர் 18 ) வெளியிட்டுள்ள எக்ஸ் பதிவில்,  “என்னுடைய பங்களி (Bangali) இந்தியாவிற்கு எதிரான போட்டியில் அவர்களை வீழ்த்துவார்.

அப்படி இந்தியாவை வீழ்த்தினால் நான் டாக்காவுக்குச் சென்று வங்கதேச வீரருடன் மீன் விருந்து சாப்பிடுவேன்” என்று கூறியுள்ளார். தற்போது இவரது இந்த பதிவு சமூக வலைதளங்களில் வைரலாகி வருகிறது.

InshAllah my Bangali Bandu will avenge us in the next match. I will go to dhaka and have a fish dinner date with Bangali boy if their team managed to beat India ✌️❤️ 🇧🇩

— Sehar Shinwari (@SeharShinwari) October 15, 2023

முன்னதாக, பாகிஸ்தான் கிரிக்கெட் வாரியம் ஐசிசியிடம் இந்திய ரசிகர்கள் பாகிஸ்தான் போட்டியின் போது நடந்து கொண்ட விதத்தை கண்டித்து புகார் அளித்தது. அந்த புகாரில், பாகிஸ்தான் பத்திரிகையாளர்களுக்கான விசா வழங்கும் நடைமுறையில் நிலவும் தாமதம், பாகிஸ்தான் ரசிகர்களுக்கு விசா கொள்கை இல்லாதது குறித்தும் நாங்கள் மீண்டும் ஐசிசி-யிடம் எதிர்ப்பை பதிவு செய்துள்ளோம். 

மேலும், கடந்த 14-ம் தேதி இந்தியா மற்றும் பாகிஸ்தான் அணிகளுக்கு இடையிலான போட்டி நடைபெற்றது. இதில் பாகிஸ்தான் அணி வீரர்களை டார்கெட் செய்து மைதானத்தில் நடந்த சம்பவத்தை கண்டித்தும் புகார் அளித்துள்ளோம்” என்று கூறியிருந்தது.

இந்நிலையில் பாகிஸ்தான் நடிகை ஒருவர் இப்படி கூறியுள்ளது சமூக வலைதளங்களில் விவாதப் பொருளாகி உள்ளது.

மேலும் படிக்க: NZ vs AFG Innings Highlights: சின்னா பின்னமான ஆஃப்கானிஸ்தான் பவுலிங்; இறுதியில் அதிரடி காட்டிய நியூசிலாந்து 288 ரன்கள் குவிப்பு

 

மேலும் படிக்க: IND vs BAN Pitch Report: எப்படி இருக்கும் புனே மைதானம்... டாஸ் வெல்லும் அணிக்குத்தான் வெற்றி வாய்ப்பா?