IND vs SA 3rd ODI LIVE: வெற்றி பெறப்போவது யார்? விறுவிறுப்பான கட்டத்தில் ஆட்டம்..! தீபக் சாஹர் வெற்றி பெற வைப்பாரா?
IND vs SA 3rd ODI LIVE Updates: தென்னாப்பிரிக்கா-இந்தியா அணிகளுக்கு இடையேயான மூன்றாவது ஒருநாள் போட்டி தொடர்பான உடனுக்குடன் தகவல்கள்
LIVE
Background
தென்னாப்பிரிக்கா-இந்தியா அணிகளுக்கு இடையேயான ஒருநாள் தொடர் தற்போது நடைபெற்று வருகிறது. இந்தத் தொடரில் முதல் போட்டியில் தென்னாப்பிரிக்கா அணி வெற்றி பெற்றது. இதைத் தொடர்ந்து வெள்ளிக்கிழமை நடைபெற்ற இரண்டாவது ஒருநாள் போட்டியிலும் தென்னாப்பிரிக்கா அணி 7 விக்கெட் வித்தியாசத்தில் வெற்றி பெற்றது. அத்துடன் தொடரை 2-0 என்ற கணக்கில் முன்னிலை வகித்துள்ளது. இந்தத் தொடரின் மூன்றாவது மற்றும் கடைசி ஒருநாள் போட்டி இன்று கேப்டவுனில் நடைபெறுகிறது. இந்தப் போட்டியில் இந்திய அணி தோல்வி அடையும் பட்சத்தில் இந்தத் தொடரில் 3-0 என்ற கணக்கில் ஒயிட் வாஷ் தோல்வி அடையும். ஆகவே இன்றைய போட்டியில் வெற்றி பெற வேண்டிய கட்டாயத்தில் இந்திய அணி உள்ளது.
65 ரன்கள் எடுத்த நிலையில் விராட்கோலி அவுட் : காப்பாற்றுமா சூர்யகுமார் யாதவ் - ஸ்ரேயாஸ் ஜோடி
தென்னாப்பிரிக்க அணி நிர்ணயித்த 288 ரன்கள் இலக்கை நோக்கி ஆடி வரும் இந்திய அணியில் சிறப்பாக ஆடிய விராட்கோலி 65 ரன்கள் எடுத்த நிலையில், மகாராஜ் பந்தில் ஆட்டமிழந்தார். இந்திய அணி சற்றுமுன்வரை 4 விக்கெட் இழப்பிற்கு 157 ரன்கள் எடுத்துள்ளது. சூர்யகுமார் யாதவும், ஸ்ரேயாஸ் அய்யர் ஆடி வருகின்றனர்.
விராட்கோலி - ஷிகர்தவான் நிதான ஆட்டம்
இந்திய கேப்டன் கே.எல். ராகுல் ஒற்றை இலக்க ரன்களில் ஆட்டமிழந்துள்ள நிலையில், 2வது விக்கெட்டிற்கு ஜோடி சேர்ந்துள்ள ஷிகர் தவானும், விராட்கோலியும் பொறுமையாக ஆடி வருகின்றனர். இவர்களது ஆட்டத்தால் இந்திய அணி 17 ஓவர்களில் 1 விக்கெட் இழப்பிற்கு 86 ரன்கள் எடுத்துள்ளது.
இந்திய கேப்டன் காலி : கரை சேர்ப்பாரா கோலி?
288 ரன்கள் இலக்குடன் ஆட்டத்தை தொடங்கிய இந்திய அணிக்கு தொடக்கமே அதிர்ச்சி அளிக்கும் வகையில் இந்திய கேப்டன் கே.எல்.ராகுல் 9 ரன்னில் லுங்கி நிகிடி பந்தில் ஆட்டமிழந்தார்.
இந்திய அணிக்கு 288 ரன்கள் இலக்கு
இந்திய அணிக்கு எதிராக முதலில் பேட் செய்த தென்னாப்பிரிக்க அணி 49.5 ஓவர்களில் அனைத்து விக்கெட்டுகளையும் இழந்து 287 ரன்களை எடுத்துள்ளது. இதனால், இந்திய அணிக்கு 288 ரன்கள் வெற்றி இலக்காக நிர்ணயிக்கப்பட்டுள்ளது.
சதமடித்த டி காக், அரைசதமடித்த வான்டெர் டு சென் அவுட் : கடைசி 10 ஓவர்களில் தெ.ஆ. கட்டுப்படுத்துமா இந்தியா..?
இந்திய அணிக்கு எதிராக நான்காவது விக்கெட்டிற்கு ஜோடி சேர்ந்த டி காக்கும் - வான்டெர் டு சென்னும் அபாரமாக ஆடிய நிலையில், டி காக் 124 ரன்களுக்கும், வான்டெர் டு சென் 52 ரன்களுக்கும் ஆட்டமிழந்தனர். இதனால், கடைசி 10 ஓவர்களில் தென்னாப்பிரிக்காவை இந்திய அணி கட்டுப்படுத்துமா? என்று எதிர்பார்ப்பு ஏற்பட்டுள்ளது.
தலைப்பு செய்திகள்
ட்ரெண்டிங் செய்திகள்
