Asian Games 2023: இது அர்ஜூனன் பரம்பரை, அஞ்சாத தலைமுறை.. வில்வித்தையில் சீனாவை வீழ்த்தி தங்கம் வென்ற இந்தியா..!

2023 ஆசிய விளையாட்டுப் போட்டியில் இந்திய அணி 19வது தங்கப் பதக்கத்தை வென்றது. 

ஜோதி, அதிதி மற்றும் பிரனீத் (image source: twitter)

ஆசிய விளையாட்டு போட்டி வில்வித்தையில் இந்தியாவுக்கு மேலும் ஒரு தங்க பதக்கம் வென்றுள்ளது. சீன தைபே அணியை வீழ்த்தி தங்கப் பதக்கம் வென்றது இந்திய மகளிர் அணி. 

2023 ஆசிய விளையாட்டுப் போட்டியில் இந்திய அணி 19வது தங்கப் பதக்கத்தை வென்றது. பெண்களுக்கான கூட்டு குழு நிகழ்வின் இறுதிப் போட்டியில் இந்தியாவின் ஜோதி, அதிதி மற்றும் பிரனீத் ஆகியோர் அபாரமாக விளையாடி சீன தைபே அணியை சேர்ந்த மூன்று வீராங்கனைகளை 230-228 என்ற புள்ளிக்கணக்கில் வீழ்த்தினர்.

🎯🥇GOLDEN GIRLS🥇🎯#KheloIndiaAthletes Aditi, @VJSurekha, and @Parrneettt add another Gold to India's medal tally after defeating Chinese Taipei by a scoreline of 230-228 🤩🎯

What a thrilling final 💪 Our Indian Archery contingent is truly shining bright, clinching their 2nd… pic.twitter.com/7lX8wZysnI

— SAI Media (@Media_SAI) October 5, 2023

இதன்மூலம், வில்வித்தையில் இந்தியாவிற்கு 2வது தங்க பதக்கம் கிடைத்துள்ளது. மேலும், ஆசிய விளையாட்டு போட்டியில் இந்தியா இதுவரை மொத்தம் 82 பதக்கங்களை வென்றுள்ளது.

அசத்திய பெண்கள் அணி:

பெண்களுக்கான கூட்டு வில்வித்தை போட்டியில் ஜோதி, அதிதி சுவாமி, பிரனீத் கவுர் ஆகியோர் தங்கம் வென்று அசத்தினர். இந்த மூவரும் இறுதிப் போட்டியில் சீன தைபே அணியை 230-219 என்ற புள்ளிக்கணக்கில் வீழ்த்தினர்.

முன்னதாக ஜோதி, அதிதி, பிரனீத் ஆகியோர் அரையிறுதியில் இந்தோனேசிய அணியை வீழ்த்தினர். அரையிறுதியில் 233-219 என்ற புள்ளிக்கணக்கில் வெற்றி பெற்றது. அதே நேரத்தில், இந்த மூவரும் காலிறுதியில் ஹாங்காங்கை 231-220 என்ற கணக்கில் தோற்கடித்தனர்.

சீனாவின் குவாங்சோவில் நடைபெற்று வரும் ஆசிய விளையாட்டுப் போட்டி 2023ல் இந்தியாவின் மொத்த பதக்கங்களின் எண்ணிக்கையும் 82ஐ எட்டியுள்ளது. இதுவும் ஒரு பதிவுதான். இதுவரை நடந்த ஆசிய விளையாட்டு வரலாற்றில் இந்திய அணியின் சிறந்த ஆட்டம் இதுவாகும். இதற்கு முன், 2018 ஆசிய விளையாட்டுப் போட்டியில் இந்தியாவின் சிறந்த செயல்பாடு இருந்தது. அப்போது இந்தியா மொத்தமாகவே 70 பதக்கங்களை வென்றிருந்தது.