Sabarimalai: சபரிமலை நடைதிறக்கப்பட்டு பக்தர்களுக்கு அனுமதி.. ஏப்ரல் 15-ஆம் தேதி விஷு கனி தரிசனம்..

சித்திரை மாதம் விஷு பண்டிக்காக சபரிமலை அய்யப்பன் கோயில் நடை நேற்று திறக்கப்பட்டது. இன்று காலை முதல் பக்தர்கள் தரிசனத்திற்கு அனுமதிக்கப்படுகிறார்கள்.

கோப்பு புகைப்படம்

சித்திரை மாதம் விஷு பண்டிக்காக சபரிமலை அய்யப்பன் கோயில் நடை நேற்று திறக்கப்பட்டது. இன்று காலை முதல் பக்தர்கள் தரிசனத்திற்கு அனுமதிக்கப்படுகிறார்கள்.

கேரள மாநிலம் பத்தினம்திட்டாவில் அமைந்துள்ளது சபரிமலை. உலகப்புகழ்பெற்ற சபரிமலை கோயிலில் ஐயப்பனை தரிசனம் செய்ய ஆண்டுதோறும் கோடிக்கணக்கான பக்தர்கள் வருவது வழக்கம். சபரிமலை அய்யப்பன் கோயிலில் மண்டல மற்றும் மகரஜோதி பூஜையை தவிர்த்து ஒவ்வொரு மாதமும் குறிப்பிட்ட நாட்களுக்கு நடை திறக்கப்பட்டு பூஜைகள் நடத்தப்படும். ஆனால் கார்த்திகை மாதம் மற்றும் மகரஜோதி பூஜைக்கு ஏராளமான பக்தர்கள் பல்வேறு இடங்களிலிருந்து வருகை தருவார்கள். அதன்படி சித்திரை மாதம் விஷு பண்டிகைக்காக நேற்று மாலை 5 மணிக்கு தந்திரி கண்டரரு மகேஷ் மோகனரு முன்னிலையில், மேல்சாந்தி ஜெயராமன் நம்பூதிரி நடையை திறந்து வைத்தார்.

அதனை தொடர்ந்து தீபாராதணை காட்டப்பட்டு, 18 ஆம் படிக்கு  கீழ் இருக்கும் கற்பூர ஆழியில் ஜோதி ஏற்றப்பட்டது. இன்று காலை 4.30 மணிக்கு சிறப்பு பூஜைகள் அபிஷேகங்கள் நடத்தப்பட்டது. மேலும் இன்று முதல் பக்தர்கள் தரிசனத்திற்கு அனுமதிக்கப்பட்டுகிறார்கள். சித்திரை மாதம் பிறக்க இருப்பதால் 9 நாட்கள் சிறப்பு பூஜைகள் நடைபெற இருக்கிறது. இந்த தரிசனத்திற்கு ஆன்லைன் முன்பதிவும், ஐயப்ப பக்தர்களின் வசதிக்காக  இன்று முதல் சிறப்பு பேருந்து வசதியையும் கேரள  போக்குவரத்து கழகம் சார்பில் ஏற்பாடு செய்யப்பட்டுள்ளது. 

சித்திரை விஷு பண்டிகைக்காக கடந்த 5-ஆம் தேதி கொடியேற்றம் நிகழ்ச்சி நடைபெற்றது. விஷு விழாவுக்காக இன்று முதல் 19-ஆம் தேதி வரை சபரிமலையில் நடை திறக்கப்பட்டு, பக்தர்களுக்கு தரிசன அனுமதி வழங்கப்படுகிறது. ஏப்ரல் 15-ஆம் தேதி சித்திரை விஷு பண்டிகையை முன்னிட்டு, அன்று அதிகாலை 4 மணி முதல் சபரிமலை ஐயப்பன் காய்கனி அலங்காரத்தில் காட்சியளிக்க இருக்கிறார். ஏப்ரல் 15ஆம் தேதி விஷு கனி தரிசனம் நடைபெறுகிறது. விஷு பண்டிகை என்பது மலையாள வருட பிறப்பாகும். 

வரிசை எண்	பூஜை/ பிரசாதம்	விலை பட்டியல்
1	நெய்அபிஷேகம்: 1 தேங்காய்	ரூ. 10
2	அஷ்டாபிஷேகம்	ரூ. 6,000
3	கணபதி ஹோமம்	ரூ. 375
4	உஷ பூஜை	ரூ. 1,500
5	நித்ய பூஜை	ரூ. 4,000
6	பகவதி சேவை	ரூ. 2,500
7	களபாபிஷேகம்	ரூ. 38,400
8	படி பூஜை	ரூ. 1,37,900
9	துலாபாரம்	ரூ. 625
10	புஷ்பாபிஷேகம்	ரூ. 12,500
11	அப்பம் (1 பாக்கெட்)	ரூ. 45
12	அரவணை (1 டின்)	ரூ. 100
13	விபூதி பிரசாதம்	ரூ. 30
14	வெள்ளை நைவேத்தியம்	ரூ. 25
15	சர்க்கரை பாயசம்	ரூ. 25
16	பஞ்சாமிர்தம்	ரூ. 125
17	அபிஷேக நெய் (100 மிலி)	ரூ. 100
18	நவக்கிரக பூஜை	ரூ. 450
19	ஒற்றைகிரக பூஜை	ரூ. 100
20	மாலை/வடி பூஜை	ரூ. 25
21	நெல்பறை	ரூ. 200
22	மஞ்சள் பறை	ரூ. 400
23	தங்க அங்கி சார்த்தி பூஜை	ரூ. 15,000
24	நீராஞ்சனம்	ரூ. 125
25	இருமுடிக் கட்டு நிறைத்தல் (பம்பை)	ரூ. 300