Korean Open Badminton: சாத்விக் - சிராக் இணைக்கு குவியும் வெற்றிகள்..கொரியன் ஓபனின் இறுதிப் போட்டிக்குள் நுழைந்த இந்தியா!

Korean Open Badminton: கொரியா ஓபன் பேட்மிண்டன் தொடரில் இரட்டையர் பிரிவில் இந்தியாவின் சாத்விக் - சிராக் இணை இறுதிப் போட்டிக்கு முன்னேறியுள்ளது.

சாத்விக், சிராக்

கொரியாவின் யோசு நகரில் கொரியா ஓபன் பேட்மிண்டன் தொடர் நடைபெற்று வருகிறது.

இப்போட்டியின் ஆடவர் இரட்டையர் பிரிவின் அரை இறுதி சுற்று இன்று நடைபெற்றது.

இப்போட்டியில் இந்தியாவின் சாத்விக் -சிராக் இணை மற்றும் சீனாவின் வாங் சாங் - லியாங் வெய்கெங் இணையும் மோதியது.

சுவாரஸ்யமாக நடைபெற்ற இப்போட்டியின் முதல் சுற்றில் 21 -15 என்ற புள்ளிக்கணக்கில் இந்திய இணை வெற்றி பெற்றது.

அதை தொடர்ந்து பரபரப்பாக நடந்த இரண்டாம் செட்டிலும் 24 - 22 ஆம் புள்ளிக்கணக்கில் இந்திய அணி அபார வெற்றி பெற்று இறுதி போட்டிக்குள் நுழைந்துள்ளது.

இதற்கு முன்னதாக சாத்விக் - சிராக் இணை இந்தோனேசிய ஓபனிலும் வெற்றி பெற்றிருந்தது குறிப்பிடத்தக்கது.