Fide world Cup : இறுதி போட்டியில் வெள்ளி பதக்கத்தை வென்ற பிரக்ஞானந்தாவிற்கு குவியும் வாழ்த்துகள்!

Fide world Cup : முதல் பரிசாக கார்ல்சனுக்கு 91 லட்சம் பரிசு தொகை வழங்கப்பட்டது. இரண்டாவது பரிசு வென்ற இந்திய வீரர் பிரக்ஞானந்தாவுக்கு 66 லட்சம் பரிசு தொகையாக வழங்கப்பட்டது.

பிரக்ஞானந்தா-கார்ல்சன்

ஃபிடே உலகக் கோப்பை செஸ் போட்டி அஜர்பைஜான் தலைநகர் பக்குவில் கடந்த மூன்று வாரங்களாக நடந்து வருகிறது.

இந்த தொடரின் இறுதி ஆட்டத்திற்கு முன்னேறினார் இந்திய வீரர் பிரக்ஞானந்தா. இந்த இறுதிப்போட்டியில் உலகின் நம்பர் 1 செஸ் வீரரான மேக்னஸ் கார்ல்சனை எதிர்கொள்ள நேர்ந்தது .

இந்த வாரம் செவ்வாய் கிழமை நடந்த முதல் கிளாசிக் போட்டி டிராவில் முடிந்ததையடுத்து, 2வது கிளாசிக் ஆட்டமும் டிராவில் முடிந்தது.

இரண்டு கிளாசிக் ஆட்டங்களும் டிரா ஆன பின், உலக செஸ் சாம்பியன் யார் என்பதை தீர்மானிப்பதற்காக இரு வீரர்களும் ரேபிட் முறையில் டை பிரேக்கர் ஆட்டம் நேற்று நடந்தது.

இந்த ஆட்டத்தில் உலகில் நம்பர் ஒன் வீரர் கார்ல்சன் வெற்றி வாகை சூடி பிடே உலக சாம்பியன் பட்டத்தை பெற்றார்

அதுமட்டுமின்றி முதல் பரிசாக கார்ல்சனுக்கு 91 லட்சம் பரிசு தொகை வழங்கப்பட்டது. இரண்டாவது பரிசு வென்ற இந்திய வீரர் பிரக்ஞானந்தாவுக்கு 66 லட்சம் பரிசு தொகையாக வழங்கப்பட்டது. அத்துடன் பலரும் பிரக்ஞானந்தாவிற்கு ஆறுதலையும் வாழ்த்துகளையும் தெரிவித்து வருகின்றனர்.