Neeraj Chopra : உலக சாம்பியன் ஆன ஒலிம்பிக் சாம்பியன்..நீரஜ் சோப்ராவிற்கு குவியும் வாழ்த்துக்கள்!

Neeraj Chopra : உலக தடகள சாம்பியன்ஷிப்பில் வெற்றி பெற்ற நீரஜ் சோப்ராவிற்கு வாழ்த்துக்கள் குவிந்த வண்ணம் உள்ளது.

நீரஜ் சோப்ரா

உலக தடகள சாம்பியன்ஷிப் 2023 தொடர் ஹங்கேரியில் நடைபெற்று வருகிறது.

இத்தொடரில் பல நாடுகளை சேர்ந்த பல வீரர்களும் கலந்து கொண்டுள்ளனர்.

இந்நிலையில் நேற்றிரவு ஈட்டி எறிதல் இறுதிப்போட்டி நடைபெற்றது.

அதில் பங்கேற்ற இந்தியாவின் தங்கமகன் நீரஜ் சோப்ரா, 88.17 மீட்டருக்கு ஈட்டியை வீசி வெற்றி பெற்றார்.

இந்த வெற்றியின் மூலம் உலக தடகள சாம்பியன்ஷிப்பில் தங்கம் வென்ற முதல் இந்தியர் என்ற பெருமையை பெற்றுள்ளார் நீரஜ் சோப்ரா.

மேலும் நீரஜ் சோப்ராவிற்கு வாழ்த்துக்கள் குவிந்து வரும் நிலையில், அவர் இரவு கண் விழித்திருந்து தன்னை ஆதரித்த இந்திய மக்களுக்கு நன்றி தெரிவித்துள்ளார்.கூடுதலாக இந்த பதக்கம் இந்திய மக்களுக்கானது என்றும் அவர் தெரிவித்துள்ளார்.