Jaddu wins : ‘மாறா நீ ஜெயிச்சிட்ட மாறா..’மைதானத்தில் தனது மனைவியை கட்டி தழுவிய ஜடேஜா !

நேற்றைய போட்டியில் ஜடேஜாவின் அபார ஆட்டத்தால் சி.எஸ்.கே வெற்றி பெற்ற பின், போட்டியின் இறுதியில் தனது மனைவியை இறுக்கி அணைத்து மகிழ்ச்சியை வெளிப்படுத்தினர் ஜடேஜா.

கண் கலங்கிய ஜடேஜா

கடந்த 2012ம் ஆண்டு முதல் சென்னை அணிக்காக விளையாடி வரும் ஜடேஜா, பேட்டிங், பீல்டிங் மற்றும் பந்துவீச்சு என அனைத்திலும் சிறப்பாக செயல்பட்டு, அணியின் முக்கிய ஆல்ரவுண்டராக விளங்கி வருகிறார்.

நேற்று நடந்த இறுதி போட்டியில் முதலில் பேட்டிங் செய்த குஜராத் அணி 214 ரன்களை குவித்தது. குஜராத் அணியில் அதிகபட்சமாக சாய் சுதர்சன் 47 பந்துகளில் 96 ரன் குவித்து 8 பவுண்டரிகள் மற்றும் 6 சிக்ஸர்கள் எடுத்து ஆட்டமிழந்தார்.

பின்னர் சென்னை அணிக்கு 15 ஓவர்களில் 171 ரன்கள் இலக்காக நிர்ணயிக்கப்பட்டது. தொடர்ந்து, கடைசி ஓவரின் இரண்டு பந்துகளில் சென்னை அணி வெற்றி பெற, 10 ரன்கள் தேவைப்பட்டது.

அப்போது களத்தில் இருந்த ஜடேஜா முதல் பந்தை சிக்சருக்கும், அடுத்த பந்தை பவுண்டரிக்கும் விளாசி கடைசி பந்தில் சென்னைக்கு வெற்றியை பெற்று தந்தார்

ஜடேஜா போட்டியை காண மைதானத்திற்கு வந்திருந்த ஜடேஜாவின் மனைவியும் பாஜக எம்.எல்.ஏவுமான ரிவாபா ஜடேஜாவை இறுக்கி அணைத்து கண்ணீர் மல்க தனது மகிழ்ச்சியை வெளிப்படுத்தினர்