Super Six: ஓமன் அணியை கடைசி ஓவரில் கஷ்டப்பட்டு வீழ்த்தி த்ரில் வெற்றி பெற்ற ஜிம்பாப்வே அணி!

2023 ஆம் ஆண்டின் உலக கோப்பை போட்டிக்கு 8 அணிகள் தேர்வாகி உள்ள நிலையில், மீதம் உள்ள கடைசி இரண்டு அணிகளை தேர்வு செய்யும் சூப்பர் சிக்ஸ் போட்டி நேற்று தொடங்கியது.

திரில் வெற்றி பெற்ற ஜிம்பாப்வே

உலக கோப்பை போட்டி இன்னும் சில நாட்களில் தொடங்க உள்ளது. இதற்காக சூப்பர் சிக்ஸ் ஆட்டம் நேற்று தொடங்கியது. இதில் ஜிம்பாப்வே மற்றும் ஓமன் அணிகள் மோதின. இதில் முதலில் பேட்டிங் செய்தது ஜிம்பாப்வே.

ஜிம்பாப்வே தொடக்க ஆட்டக்காரர்கள் ஓரளவு நல்ல தொடக்கத்தை கொடுத்து ஆட்டமிழந்தார்.பின்னர் களமிறங்கிய சீன் வில்லியம்ஸ் சிறப்பான ஆட்டத்தை வெளிப்படுத்தினார். இவருக்கு உறுதுணையாக சிக்கந்தர் ராசா, லூக் ஜோங்வே ஆகியோர் களத்தில் நின்றனர்

50 ஓவர் முடிவில் 7 விக்கெட் இழப்பிற்கு 332 ரன்கள் எடுத்திருந்தது ஜிம்பாப்வே. அதிகபட்சமாக சீன் வில்லியம்ஸ் 103 பந்துகளில் 14 பவுண்டரி, 3 சிக்சர்களுடன் 142 ரன்கள் அடித்திருந்தார்.

பின்னர் களமிறங்கிய ஓமன் அணி யாரும் எதிர்பார்க்காத வகையில் சிறப்பாக ஆடினர். தொடக்க ஆட்டகாரர் ஆன காஷ்யப் பிரஜாபதி 97 பந்துகளில் 12 பவுண்டரிகள் ஒரு சிக்சருடன் 103 ரன்கள் எடுத்து ஆட்டமிழந்தார்

பின்னர் களமிறங்கிய அகிப் இல்யாஸ்,அயான் கான் ஆகியோர் அவர்களின் பங்களிப்பை கொடுத்தனர். இதனால் ஓமன் அணி 333 இலக்கை நோக்கி நகர்ந்தது.

கடைசி 8 ஓவரில் 5 விக்கெட்டுகளை தானமாக கொடுத்து வெற்றி வாய்ப்பை தவறவிட்டது ஓமன். இதனால் சூப்பர் சுற்றில் முதல் வெற்றியை பதிவு செய்தது ஜிம்பாப்வே.