SMP Vs CSG : சேப்பாக்கம் அணியின் கனவை கடைசி நிமிடத்தில் தவிடுபொடியாக்கிய மதுரை அணி!

சேப்பாக்க அணியின் தொடக்க ஆட்டக்காரர்கள் ஆட்டம் இழக்க, பின்னர் வந்தவர்கள் அடுத்தடுத்து நடையை கட்டினர்.

த்ரில் வெற்றி பெற்ற மதுரை பாந்தர்ஸ்

7 வது சீசன் டி.என்.பி.எல் போட்டியின் லீக் ஆட்டங்கள் தற்போது நடந்து வருகிறது.நேற்று இரவு 7:15 மணிக்கு நடந்த போட்டியில் மதுரை அணியை எதிர்கொண்டது சேப்பாக்கம். டாஸ் வென்ற சேப்பாக் அணி பந்துவீச்சை தேர்வு செய்தது.

முதலில் களமிறங்கிய மதுரை அணியின் தொடக்க ஆட்டக்காரர்களான வி.ஆதித்யா, ஹரி நிஷாந்த் ஆகியோர் ஆரம்பத்திலேயே சொற்ப ரன்களில் ஆட்டம் இழந்து அதிர்ச்சியளித்தனர். பின்னர் வந்தவர்களும் வந்த வேகத்தில் பெவிலியன் திரும்ப மதுரை அணி 79 ரன்களுக்கு 7 விக்கெட்டை இழந்து என்ன செய்வதன்று அறியாமல் தவித்தது.

பின்னர் வந்த வாஷிங்டன் சுந்தர் நிலைமையை புரிந்து கொண்டு நிதானமாக ஆட ஆரம்பித்தார். இவருக்கு உறுதுணையாக மற்றொரு புறம் சரவணன் நின்றார்.

சிறப்பான ஆட்டத்தை வெளிப்படுத்திய வாஷிங்டன் சுந்தர் அரைசதம் வீளாச ரன் மளமளவேன குவிந்தது. 20 ஓவர் முடிவில் 7 விக்கெட் இழப்பிற்கு 141 ரன்கள் எடுத்திருந்தது மதுரை. வாஷிங்டன் சுந்தர் அதிகபட்சமாக 56 ரன்கள் அடித்திருந்தார்.

பின்னர் களமிறங்கிய சேப்பாக் தொடக்க ஆட்டக்காரர்கள் சிறப்பாக ஆட வெற்றி அவர்கள் கண்ணெதிரே தெரிந்தது. ஆனால், சேப்பாக்க அணியின் தொடக்க ஆட்டக்காரர்கள் ஆட்டம் இழக்க, பின்னர் வந்தவர்கள் அடுத்தடுத்து நடையை கட்டினர்.

மதுரை அணி வீரர் முருகன் அஸ்வின் பந்துவீச்சை தாக்குபிடிக்க முடியாமல் திணறினர். 20 ஓவர் முடிவில் 9 விக்கெட் இழப்பிற்கு 129 ரன்கள் மட்டுமே எடுத்தது சேப்பாக்கம் . இதனை தொடர்ந்து தனது 2வது வெற்றியை பதிவு செய்தது மதுரை.