SL Vs ZIM : ஜிம்பாப்வே அணியை வீழ்த்தி உலக கோப்பைக்கு முன்னேறிய இலங்கை அணி!

சூப்பர் சிக்ஸ் தகுதி சுற்று ஆட்டத்தில் ஜிம்பாப்வே அணியை வீழ்த்தி இலங்கை அணி உலக கோப்பைக்கு முன்னேறியுள்ளது.

வெற்றி பெற்ற இலங்கை அணி

உலக கோப்பை தகுதி சுற்றான சூப்பர் சிக்ஸ் போட்டி தற்போது ஜிம்பாப்வேயில் நடந்து வருகிறது. நேற்று நடந்த போட்டியில் இலங்கை அணியை எதிர்கொண்டது ஜிம்பாப்வே. முதலில் பேட்டிங் செய்ய களமிறங்கியது ஜிம்பாப்வே.

ஜிம்பாப்வே அணியின் தொடக்க ஆட்டக்காரர் ஜாய்லார்ட் கம்பி டக்-அவுட் ஆனார். முதல் விக்கெட்டுக்கு பின் களமிறங்கிய வெஸ்லி மாதேவரும் ஒரு ரன் எடுத்து ஆட்டமிழக்க ஜிம்பாப்வே அணி சோகத்தில் ஆழ்ந்தது.

ஜிம்பாப்வே வீரர்களான சீன் வில்லியம்ஸ்,சிக்கந்தர் ராசா ஆகியோர் சற்று நேரம் தாக்கு பிடித்தனர்.

32.5 ஓவரில் அனைத்து விக்கெட்டுகளையும் இழந்து 165 ரன்கள் மட்டுமே எடுத்திருந்தது ஜிம்பாப்வே. அதிகபட்சமாக சீன் வில்லியம்ஸ் 56 ரன்கள் எடுத்திருந்தார்

பின்னர் களமிறங்கிய இலங்கை அணி தொடக்க ஆட்டக்காரர்கள் சிறப்பாக அடி ரன்களை குவித்தனர். அணியின் எண்ணிக்கை 103 ரன்னாக இருக்கும் போது திமுத் கருணாரத்ன அவுட் ஆனார்

மற்றொரு தொடக்க ஆட்டக்காரர்ரான பாதும் நிஸ்ஸங்கா சதமடிக்க இலங்கை அணி வெற்றியை சுவைத்தது. வெற்றி பெற்ற இலங்கை, இந்தியாவில் நடக்க போகும் உலக கோப்பைக்கு முன்னேறியுள்ளது.