TNPL : அசத்தலான ஆட்டத்தால் இறுதி போட்டிக்கு முன்னேறிய கோவை கிங்ஸ்!

7-வது டி.என்.பி.எல் இறுதிப் போட்டியின் தகுதிச் சுற்றில் திண்டுக்கல் அணியை வீழ்த்தி கோவை கிங்ஸ் இறுதிப் போட்டிக்கு முன்னேறியது.

கோவை கிங்ஸ்

நேற்று டி.என்.பி.எல் இறுதி போட்டிக்கான தகுதி சுற்றில் திண்டுக்கல் அணியும் கோவை கிங்ஸ் அணியும் மோதின. இதில் டாஸ் வென்ற திண்டுக்கல் அணி முதலில் பந்து வீச்சை தேர்வு செய்தது.

கோவை அணியின் தொடக்க ஆட்டக்காரர்கள் ஓரளவுக்கு நல்ல தொடக்கம் கொடுத்தனர்.

பின்னர் வந்த பி சச்சின்,யு.முகிலேஷ் ஆகியோரின் அதிரடி ஆட்டத்தால் 20 ஓவர் முடிவில் 7 விக்கெட் இழப்பிற்கு 193 ரன்கள் எடுத்தது கோவை கிங்ஸ்.

பின்னர் களமிறங்கிய திண்டுக்கல் தொடக்கம் முதலே தடுமாறியது. சரத்குமார் மட்டும் அணிக்காக தனி ஆளாக போராடினார்.

அவரின் போராட்டம் எந்த பயனும் இல்லாமல் போனது. 20 ஓவர் முடிவில் 9 விக்கெட் இழப்பிற்கு 163 மட்டுமே எடுத்தது.

இதனால் இரண்டாவது முறையாக இறுதிப்போட்டிக்கு முன்னேறியது.