மேலும் அறிய

TN Fishermen Arrest: தொடர்ச்சியாக சிறைபிடிக்கப்படும் தமிழக மாணவர்கள் - பிரச்சனையின் தீவிரத்தன்மை என்ன?

By : சலன்ராஜ் | Updated at : 16 Oct 2021 02:13 PM (IST)

தமிழக மீனவர்கள் கைது

1/7

நாகப்பட்டினம் மீன்பிடித் துறைமுகத்தில் இருந்து மீன்பிடிப் படகுகளில் மீன் பிடிக்க சென்ற 23 மீனவர்களை, பருத்தித்துறை அருகே இலங்கை கடற்படையினரால் சிறைபிடிக்கப்பட்டனர்

2/7

இலங்கைக் கடற்படை சிறை பிடித்துள்ள 23 மீனவர்களை உடனே விடுவிக்கவும், இந்தியா - இலங்கை மீனவர் பிரச்சினைக்கு விரைவில் நிரந்தரத் தீர்வு காணவும் நடவடிக்கைகள் எடுக்கக் கோரி பிரதமர் மோடிக்கு முதலமைசச்சர் ஸ்டாலின் கடிதம் எழுதினார்.

3/7

இலங்கைக் கடற்படையினரால் கைது செய்யப்பட்டுள்ள 23 தமிழக மீனவர்கள் மற்றும் அவர்கள் பயன்படுத்திய 2 படகுகளை உடனடியாக விடுவிக்க நடவடிக்கை எடுக்குமாறு மத்திய வெளியுறவுத்துறை அமைச்சர் எஸ்.ஜெய்சங்கரை மத்திய மீன்வளத் துறை இணையமைச்சர் டாக்டர் எல்.முருகன் வலியுறுத்தியுள்ளார்.

4/7

1991 முதல் 2011 வரை இலங்கை கடற்படையினரால்,தமிழக மீனவர்கள் 83 பேர் கொல்லப்பட்டதாக சென்னை உயர்நீதிமன்ற மதுரை அமர்வில் தாக்கல் செய்த பதில்மனுவில் தமிழ்நாடு அரசு தெரிவித்தது. கடந்த பத்து ஆண்டுகளில் 245 மீனவர்கள், இலங்கை படையினரால் கொல்லப்பட்டதாக, 2021 பிப்ரவரி மாதம் அதிமுக எம்.பி தம்பிதுரை மாநிலங்களவையில் தெரிவித்தார். கடலில் கொல்லப்பட்ட மீனவர்கள் எண்ணிக்கை மட்டுமே இதுவாகும். காயமடைந்தவர்கள் நிலைமை குறித்த தரவுகள் எதுவும் இதுவரை வெளியிடப்படவில்லை. 1983 முதல் இதுநாள் வரை 500க்கும் அதிகமான மீனவர்கள் சுட்டுக் கொலலப்பட்டிருக்கலாம் என்று தமிழக ஊடகங்கள் தெரிவிக்கின்றன.

5/7

இந்தாண்டு தொடக்கத்தில், புதுக்கோட்டை கோட்டைப்பட்டினம் மீனவர்கள் 4 பேர் நடுக்கடலில் இலங்கை கடற்படையால் தாக்கப்பட்டு கொலை செய்யப்பட்டனர். இந்த சம்பவம் தமிழ்நாடு அரசியலில் மிகப்பெரிய பரபரப்பை ஏற்படுத்தியது. தாக்குதலில் ஈடுபட்ட இலங்கைக் கடற்படையினர் மீது கொலை வழக்கு பதிவு செய்ய வேண்டும் எனவும் புதுக்கோட்டை மீனவர்கள் போராட்டம் நடத்தினர்

6/7

முன்னதாக, மதிமுக பொதுச் செயலலாளர் வைகோ எழுப்பிய கேள்விக்குப் பதிலளித்த இந்திய வெளியுறவுத் துறை அமைச்சர், 2019ல் 210, 202௦ல் 74 மீனவர்கள் இலங்கை கடற்படையால் சிறைப்பிடிக்கப்பட்டனர். அரசின் தொடர் முயற்சிகளால் அனைத்து மீனவர்களும் விடுதலை செய்யப்பட்டனர்" எனத் தெரிவித்தது. தமிழ்நாடு மீனவர்களின் 62 படகுகளை இலங்கை கடற்படை சிறைபடித்து வைத்திருப்பதாக பாமக தலைவர் அன்புமணி ராமதாஸ் எழுப்பிய கேள்விக்கு மத்திய அரசு தெரிரிவித்தது.

7/7

கைது செய்யப்பட்ட மீனவர்களுக்குத் தேவையான மனிதாபிமான மற்றும் சட்ட உதவிகளை கொழும்பு நகரிலுள்ள இந்திய தூதரகம் செய்துதர வேண்டும். மீனவர்களின் பிரச்னையை இந்திய அரசு தலையாய பிரச்னையாக கருத வேண்டும். மீனவர்களுக்கு ஆழ்கடல் மீன் பிடிப்பை ஊக்குவிக்கும் வகையில் பல்வேறு நடவடிக்கைகள் மேற்கொள்ள வேண்டும். மீனவர்களுக்கு பயிற்சி மற்றும் திறன் மேம்பாட்டுகளை அளித்த வேண்டும் என்ற கோரிக்கையும் முன்வைக்கப்படுகிறது.

Published at : 16 Oct 2021 02:13 PM (IST)

Tags :

TN Fishermen Arrested By Srianka Navy TN Fisherment Srilankan Navy TN Fishermen Issues TN Fishermen Problem