Oats Upma Recipe : உப்மாவை இப்படி செய்து கொடுங்க..எல்லோருக்கும் பிடிக்கும்..ஓட்ஸ் உப்மா ரெசிபி இதோ!

Oats Upma Recipe : உங்கள் காலை உணவு சத்தானதாக இருக்க வேண்டியது அவசியம்..10 நிமிடங்களில் சுவையான சத்தான உணவு செய்யனுமா..? உடனே இந்த ஓட்ஸ் உப்மாவை செய்யுங்கள்.

ஓட்ஸ் உப்மா

தேவையான பொருட்கள் : ரோல்டு ஓட்ஸ் - 2 கப், எண்ணெய் - 1 1/2 மேசைக்கரண்டி, கடலை பருப்பு - 1 தேக்கரண்டி, உளுத்தம் பருப்பு - 1 தேக்கரண்டி, கடுகு - 1 தேக்கரண்டி, சீரகம் - 1 தேக்கரண்டி, பெருங்காயத்தூள் - 1/4 தேக்கரண்டி, வெங்காயம் - 1 நறுக்கியது, பச்சை மிளகாய் - 4 நறுக்கியது, இஞ்சி - 1 துண்டு நறுக்கியது, கறிவேப்பிலை, பீன்ஸ் - 1 கப் நறுக்கியது, கேரட் - 1 நறுக்கியது,, தக்காளி - 1 நறுக்கியது, பச்சை பட்டாணி - 1/4 கப் வேகவைத்தது, மஞ்சள் தூள் - 1/2 தேக்கரண்டி, உப்பு - 1 1/2 தேக்கரண்டி, தண்ணீர் - 1/2 கப், எலுமிச்சை பழச்சாறு (விரும்பினால்), வறுத்த வேர்க்கடலை, கொத்தமல்லி இலை.

செய்முறை : முதலில் கடாயில் எண்ணெய் ஊற்றி அதில் கடலை பருப்பு, உளுத்தம் பருப்பு, கடுகு, சீரகம் சேர்த்து வறுக்கவும்.

பின்பு பெருங்காயத்தூள், நறுக்கிய வெங்காயம், பச்சை மிளகாய், இஞ்சி மற்றும் கறிவேப்பிலை சேர்க்கவும். அடுத்து பீன்ஸ், கேரட், தக்காளி, வேகவைத்த பச்சை பட்டாணி சேர்த்து கலந்துவிடவும்.

பின்பு மஞ்சள் தூள், உப்பு சேர்த்து கலந்து, பின்பு ஓட்ஸை சேர்த்து கலந்துவிடவும். பின்பு சிறிது சிறிதாக தண்ணீர் சேர்த்து கலந்துவிட்டு 5 நிமிடம் மூடி வேகவிடவும்.

கடைசியாக எலுமிச்சை சாறு, வறுத்த வேர்க்கடலை, மற்றும் நறுக்கிய கொத்தமல்லி இலை சேர்த்து கலந்துவிட்டு இறக்கவும்.

அவ்வளவு தான் சுவை மிகுந்த ஓட்ஸ் உப்மா தயார்!