Capsicum Rice : போர் அடிக்கும் சமையலுக்கு பாய்.. குடைமிளகாய் சாதத்திற்கு ஹாய்.. செய்துதான் பாருங்களேன்!

Capsicum Rice : குழந்தைகளுக்கு மதியம் இந்த குடைமிளகாய் சாதத்தை உருளைக்கிழங்கு பொரியலோடு செய்து கொடுங்கள். லன்ச் பாக்ஸில் இருக்கும் சாதம் மிச்சமே ஆகாது

குடைமிளகாய் சாதம்

தேவையான பொருட்கள் : எண்ணெய் - 1 தேக்கரண்டி, கடலை பருப்பு - 1 மேசைக்கரண்டி, உளுத்தம் பருப்பு - 1 மேசைக்கரண்டி, முழு தனியா - 2 மேசைக்கரண்டி, காய்ந்த மிளகாய் - 6 , சீரகம் - 1 தேக்கரண்டி, புளி - சிறிதளவு, துருவிய தேங்காய் - 2 மேசைக்கரண்டி, பெருங்காயத்தூள் - 1/4 தேக்கரண்டி, மஞ்சள் தூள் - 1/4 தேக்கரண்டி, உப்பு, நெய் - 4 தேக்கரண்டி, கடுகு - 1/2 தேக்கரண்டி, குடைமிளகாய் - 2 நறுக்கியது, வேகவைத்த சாதம்

செய்முறை : ஒரு கடாயில் எண்ணெய் ஊற்றி, கடலை பருப்பு, உளுந்தம் பருப்பு சேர்த்து 2 நிமிடம் வறுக்கவும். அடுத்தது தனியா, காய்ந்த மிளகாய், சீரகம் சேர்த்து வறுக்கவும்.

மசாலா பொருட்கள் வறுபட்டதும் புளி, துருவிய தேங்காய் போட்டு வறுக்கவும். அதன் பின் பெருங்காய தூள், மஞ்சள் தூள், மசாலாவிற்கு தேவையான உப்பு சேர்த்து வறுக்கவும். வறுத்த மசாலா பொருட்களை ஆறவைத்து அரைத்து எடுத்துக் கொள்ளவும்.

கடாயை அடுப்பில் வைத்து சூடானதும், நெய் ஊற்றி, கடுகு சேர்த்து வறுக்கவும். கடுகு பொரிந்ததும், அதில் குடைமிளகாய் சேர்த்து வதக்கவும்.

அடுத்தது அதில் தேவையான அளவு உப்பு சேர்த்து வதக்கவும். அதன்பின் அரைத்த மசாலா தூள் போட்டு கிளறவும்.

அதன் பின் வடித்த சாதத்தை மசாலாவோடு கிளறி விடவும். அதில் சுவைக்கு ஏற்ப உப்பு சேர்த்து கிளைவிட்டு ஒரு பிளேட்டில் பரிமாறினால் சுவையான குடைமிளகாய் சாதம் தயார்.