Thalapathy 68 : விஜய் பிறந்தநாளுக்கு விருந்து வைக்கப்போகும் வெங்கட் பிரபு..உற்சாகத்தில் ரசிகர்கள்!

வெங்கட் பிரபு இயக்கத்தில் விஜய் நடிப்பில் உருவாகும் தளபதி 68 படத்தை பற்றிய சூப்பர் தகவல் வெளியாகியுள்ளது.

தளபதி 68

லோகேஷ் கனகராஜ் இயக்கத்தில் உருவாகி வரும் லியோ படத்திற்கு பின், தளபதி 68 படத்தை யார் இயக்கவார் என்று குழப்பம் நிலவி வந்தது.

இந்த மாதம் மே 21 அன்று, தயாரிப்பு நிறுவனமான ஏ.ஜி.எஸ் தளபதி 68 படத்தை பற்றிய அதிகார்வ பூர்வ அறிவிப்பை வெளியிட்டது.

க்ராஸ் வேர்டு வீடியோ மூலம், தளபதி 68 படத்தை ஏ.ஜி.எஸ் தயாரிக்கவுள்ளதாக அறிவித்தது. இது இந்நிறுவனம் தயாரிக்கும் 25வது படமாகும்.

வெங்கட் பிரபு படத்தை இயக்கப் போவதாகவும் யுவன் சங்கர் ராஜா இசையமைக்க உள்ளதாகவும் தெரிவிக்கபட்டது.

இக்கூட்டணிக்கு ரசிகர்கள் மத்தியில் பெரும் வரவேற்பு கிடைத்துள்ளது.

தற்போது தளபதி 68 படத்தின் ஷூட், விஜய் பிறந்தநாளான ஜூன் 22 ஆம் தேதி அன்று பூஜையுடன் தொடங்கும் என்ற தகவல் வெளியாகி ரசிகர்களை மகிழ்ச்சியில் ஆழ்த்தியுள்ளது