Watch video: சாதம் சாப்பிட மட்டுமல்ல ஸ்பூன்... சாதனை பண்ணவும்தான்.. இது ஸ்பூன் உலக சாதனை!!

 சாதனையை முறியடித்த மொக்தாரி, சிறுவயதிலிருந்தே தனது உடலில் ஸ்பூன்களை பேலன்ஸ் செய்து வருகிறேன் என்றார்.  

சாதனை படைத்த மனிதன்

ஈரானிய மனிதன் தனது உடலில் 85 ஸ்பூன்களை சமநிலைப்படுத்தி, புதிய கின்னஸ் உலக சாதனை படைத்தார். இதுதொடர்பான வீடியோவும்  வைரலாகி வருகிறது.

உலகெங்கிலும் உள்ள மக்கள் தங்கள் பெயர்களை கின்னஸ் புத்தகங்களில் பதிவு செய்ய அனைத்து வகையான அசாதாரண செயல்களையும் செய்கிறார்கள். சமீபத்தில், ஈரானில் ஒரு நபர் உடலில் அதிக ஸ்பூன்களை சமநிலைப்படுத்தி கின்னஸ் உலக சாதனையை முறியடித்தார். வைரலாகி வரும் ஒரு வீடியோவில், 50 வயதான அபோல்பாசல் சபர் மொக்தாரி தனது உடலில் 85 ஸ்பூன்களை ஒரே நேரத்தில் சமன் செய்தார். ஸ்பெயினைச் சேர்ந்த மார்கோஸ் ரூயிஸ் செபாலோஸ் என்பவர் 64 ஸ்பூன்களை உடலில் சமன் செய்ததற்கான முந்தைய சாதனையாக இருந்தது குறிப்பிடத்தக்கது.

இருப்பினும், சாதனையை முறியடிப்பது எளிதானது அல்ல, மேலும் சாதனையை அடைய அவருக்கு மூன்று முயற்சிகள் தேவைப்பட்டன.  ஸ்பூன்கள் ஒரு குறிப்பிட்ட நேரத்திற்கு உடலில் சமநிலையில் இருக்க வேண்டும். இருப்பினும், ஈரப்பதம் மற்றும் எரியும் வெப்பநிலை காரணமாக அவரது உடலில் இருந்து சில ஸ்பூன்கள் கீழே விழுந்தன. ஆனால் அவர் கைவிடவில்லை, மூன்றாவது முயற்சியில், அவர் சாதனையை முறியடித்தார்.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Guinness World Records (@guinnessworldrecords)

சாதனையை முறியடித்த மொக்தாரி, சிறுவயதிலிருந்தே தனது உடலில் ஸ்பூன்களை பேலன்ஸ் செய்து வருகிறேன் என்றார்.  இதுகுறித்து அவர் கூறுகையில், “நான் குழந்தையாக இருந்தபோது தற்செயலாக என்னுடைய இந்த திறமையை கவனித்தேன். ஆனால் பல வருட பயிற்சி மற்றும் முயற்சிக்குப் பிறகு, எனது திறமையை வலுப்படுத்தி, இப்போது இருக்கும் இடத்திற்கு அதை வளர்த்துக் கொள்ள முடிந்தது" என்று கூறினார். 

மேலும், பிளாஸ்டிக், கண்ணாடி, பழம், கல், மரம் மற்றும் முழுமையாக வளர்ந்த மனிதனைப் போன்ற மேற்பரப்பைக் கொண்ட எதையும்  என் உடலுடன் ஒட்டிக்கொள்ள முடியும் என்றும் அவர் கூறினார்.

மொக்தாரி தனது தனித்துவமான திறனின் இரகசியம் தனது உடலில் இருந்து பொருளை மாற்ற முடியும் என்று நம்புகிறார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண