வேலூர் : ”இது என்னுடைய மரம் : ஐந்து மணிநேரத்தில் 5000 பனை விதைகளை நட்ட காவலர்கள்..! ஏன்?

வேலூர் பகுதியில் மாநில மரமான பனை மரத்தை காகக்கவும், மண் அரிப்பை தடுக்கவும் 5000 பனை விதைகளை ஒரே நேரத்தில் நடவு செய்தனர் 700 காவலர்கள்.

விதைக்கும் காவலர்கள்

வேலூர் மாவட்டம் சலமநத்தம் கிராம பகுதியில் மாவட்டக் காவல் துறையினருக்கான துப்பாக்கி சுடும் பயிற்சித் தளம் 100 ஏக்கரில் அங்கு உள்ளது. மரம் செடிகள் இல்லாமல் வெறும் பொட்டல் காடாக உள்ள இந்த மலையடிவாரப் பகுதியைப் பசுமையாக்க காவல் துறையினர் நடவடிக்கை எடுத்து வரும் நிலையில். இதற்கு முன்பு இங்கு சுமார் 1,500 மரக்கன்றுகள் நட்டுப் காவல்துறையினரால் பராமரிக்கப்பட்டு வருகின்றன.

இந்நிலையில், இந்த மலையடிவாரப் பகுதியின் நீர்வளத்தைப் பாதுகாக்க, துப்பாக்கி சுடும் பயிற்சித் தளத்தின் எல்லைப் பகுதியில் 5 ஆயிரம் பனை விதைகள் நடும் பணியை மாவட்டக் காவல் கண்காணிப்பாளர் செல்வகுமார் இன்று துவங்கி வைத்தார். சலமநத்தம் துப்பாக்கி சுடும் பயிற்சித் தளத்தைச் சுற்றிலும் சுமார் 8 கி.மீ. தொலைவுக்குக் காவல் துறையினர் வரிசையாக நின்று பனை விதைகளை நட்டனர்.

மாவட்டத்தில் உள்ள காவல்துறை அதிகாரிகள் முதல் காவலர்கள் வரையிலான 700 பேர் உதவியுடன் பனை விதைகள் ஒரே நாளில் இன்று 5 மணி நேரத்தில் நடப்பட்டது. இதற்காக, வேலூர் ஆயுதப்படைக் காவலர்கள் கடந்த ஒரு மாதத்துக்கும் மேலாக மாவட்டத்தின் பல்வேறு பகுதிகளுக்குச் சென்று விவசாயிகளிடம் இருந்து 5 ஆயிரம் பனை விதைகளைச் சேகரித்து, எடுத்து வந்த விதைகளை ஆயுதபடை வளாகத்தில் பாதுகாத்து வந்தனர். இந்நிலையில் 'இது என்னுடைய மரம்' என்ற பெயரில் நடைபெற்ற பனை விதை நடும் பணி நடைபெற்றது

குறித்து மாவட்டக் காவல் கண்காணிப்பாளர் செல்வகுமாரிடம் பேசுகையில்;

நமது நாட்டில் பல்வேறு இடங்களில் பனை மரம் நீர்வளத்தைச் சேமித்து மண் வளத்தைப் பாதுகாக்கும் தன்மை கொண்டது. அதனால் சலமநத்தம் மலைப்பகுதியில்  பெய்யும் மழைநீரை வீணாக்காமல்.நாம் நீர்வளத்தைப் பாதுகாக்கவும், பயிற்சித் தளத்தைப் பசுமையாக்கவும் பனைமரத்தை வளர்க்கவும் நாங்கள் முடிவெடுத்தோம். இதற்காக நாங்கள்  5 ஆயிரம் பனை விதைகள் எல்லைப் பகுதி முழுவதும் நட்டு, பராமரிக்க உள்ளோம்.

 

பனை விதை நடும் பணிக்காக துப்பாக்கி சுடும் பயிற்சித் தளத்தின் எல்லைப் பகுதியில் வளர்ந்திருந்த புதர்களை அகற்றப்பட்டு நான்கு சக்கர வாகனம் செல்லும் அளவிற்கு வழி ஏற்படுத்தப்பட்டு பனை விதைகள் நடப்பட்டது. அதனைத்தொடர்ந்து , மலை மீதும் மரங்கள் வளர்க்கவும் பராமரிப்பு செய்ய வசதியாக பாதைகள் அமைத்துள்ளோம். பனை நடும் பணியில் , காவலர்கள் பங்களிப்பும் இருக்க வேண்டும் என்பதற்காக மாவட்டத்தில் உள்ள அதிகாரிகள், காவலர்கள் என 700 நபர்கள் வரவழைக்கப்பட்டனர்.

அவர்கள் பனை விதைகளை நடும்போது 'இது என்னுடைய மரம்' என்ற பெயரில் நடவேண்டும் என்று நான் கூறினேன். இவர்கள் எப்போதாவது இங்கு வரும்பொழுது அவர்கள் நட்ட விதை மரமாக வளர்ந்து அவர்கள் மின்பு  நிற்பதைப் பார்த்து மகிழ்ச்சி அடைவார்கள்'' என்று  தெரிவித்தார்.