பாரா எறிபந்து போட்டியில் தங்கம் வென்ற வீரர்; மயிலாடுதுறையில் உற்சாக வரவேற்பு
மலேசியா நாட்டில் நடைபெற்ற மாற்றுத்திறனாளிகளுக்கான பாரா எறிபந்து போட்டியில் பங்கேற்று தங்கம் வென்று ஊா் திரும்பிய வீரருக்கு மயிலாடுதுறையில் உற்சாக வரவேற்பு அளிக்கப்பட்டது.
மயிலாடுதுறை மாவட்டம் மயிலாடுதுறையை சோ்ந்தவர் 28 வயதான மாற்றுத்திறனாளி காா்த்திக், மாற்றுத்திறனாளிகளுக்கான பாரா விளையாட்டுப் போட்டிகளில் தமிழக அணி சாா்பில் விளையாடி வருகிறாா். இவா் அண்மையில் மலேசியா தலைநகா் கோலாலம்பூரில் நடைபெற்ற மலேசியா - இந்தியா பாரா த்ரோபால் போட்டி 2023-இல் இந்திய அணி சாா்பில் பங்கேற்றாா்.
மலேசியா மாற்றுத்திறனாளி வாலிபால் சங்கம் மற்றும் பாரா த்ரோபால் பெடரேசன் ஆப் இந்தியா சாா்பில் நடைபெற்ற இப்போட்டியில் தமிழகத்தின் பல்வேறு மாவட்டங்களில் இருந்து 14 போ் கொண்ட குழு பங்கேற்றது. ஆடவா் மற்றும் பெண்களுக்கு என்று தனித்தனியே நடைபெற்ற போட்டிகளில் ஆடவா் பிரிவு போட்டியில் இந்திய அணி தங்கப்பதக்கம் வென்றது.
மலேசிய போட்டியில் பங்கேற்றுவிட்டு அங்கிருந்து விமானம் மூலம் சென்னை வந்து அங்கிருந்து ரயில் மூலம் மயிலாடுதுறைக்கு வந்த அவருக்கு மயிலாடுதுறை ரயில்வே ஜங்ஷனில் சிறப்பான வரவேற்பு அளிக்கப்பட்டது. மயிலாடுதுறை சட்டமன்ற உறுப்பினர் எஸ். ராஜகுமாா், பொதுமக்கள், உறவினர்கள், நண்பர்கள், பல்வேறு கட்சியினர், பல்வேறு அமைப்புகளை சார்ந்தவர்கள், சமூக ஆர்வலர்கள் என பலரும் காா்த்திக்கை வரவேற்று, மாலை, சால்வை அணிவித்து வாழ்த்து தெரிவித்தனர்.
ABP Nadu செய்திகளை டெலிகிராம் செயலி மூலம் உடனுக்குடன் தெரிந்துகொள்ள https://t.me/abpnaduofficial என்ற இணைப்பை க்ளிக் செய்யவும்.
Before You Go
Cauvery Issue : "நாங்களே வறட்சியில் இருக்கோம்! ஹெலிகாப்டர்ல வந்து பாருங்க" விஜய்க்கு DKS அழைப்பு!
தலைப்பு செய்திகள்
ட்ரெண்டிங் செய்திகள்
