TN Rain Alert: இன்று 15 மாவட்டங்களில் கனமழை..! எங்கெங்கு தெரியுமா..? வானிலை மையம் அப்டேட்..!

தமிழ்நாட்டில் 15 மாவட்டங்களில் இன்று கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

தமிழகத்தில் மழை (கோப்பு புகைப்படம்)

TN Rain Alert : தமிழ்நாட்டில் 15 மாவட்டங்களில்  இன்று கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

தமிழக பகுதிகளின் மேல் வளி மண்டலத்தின் கீழடுக்குகளில் நிலவும் சுழற்சி காரணமாக, தமிழ்நாட்டில் அடுத்த 5 நாட்களுக்கு மழை பெய்யும் என வானிலை ஆய்வு மையம் தரப்பில் தெரிவிக்கப்பட்டுள்ளது. 

மழைக்கு வாய்ப்பு:

23.04.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும். நீலகிரி, கோயம்புத்தூர், திருப்பூர், ஈரோடு, தேனி, திண்டுக்கல், திருநெல்வேலி, தென்காசி, சேலம், தர்மபுரி, கள்ளக்குறிச்சி, வேலூர், இராணிப்பேட்டை, திருப்பத்தூர் மற்றும் திருவண்ணாமலை ஆகிய 15 மாவட்டங்களில் ஓரிரு இடங்களில் கனமழை பெய்யவாய்ப்புள்ளது.

24.04.2023 மற்றும் 25.04.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும்.

26.04.2023: தமிழ்நாடு, புதுச்சேரி மற்றும் காரைக்கால் பகுதிகளில்  ஓரிரு இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும்.

அதிகபட்ச வெப்பநிலை :

22.04.2023: தமிழ்நாடு மற்றும் புதுவையில் ஓரிரு இடங்களில் அதிகபட்ச வெப்பநிலை இயல்பிலிருந்து 2 - 3  டிகிரி செல்சியஸ்  அதிகமாக இருக்கக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஓரிரு இடங்களில் இடி மின்னலுடன் கூடிய லேசான / மிதமான மழை  பெய்யக்கூடும். அதிகபட்ச வெப்பநிலை 36-37 டிகிரி செல்சியஸ் மற்றும் குறைந்தபட்ச வெப்பநிலை 27 டிகிரி செல்சியஸ் அளவில் இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்): 

போடிநாயக்கனூர் (தேனி), வடபுதுப்பட்டு (திருப்பத்தூர்), வால்பாறை PAP (கோயம்புத்தூர்), வால்பாறை PTO (கோயம்புத்தூர்) தலா 4, வால்பாறை தாலுகா அலுவலகம் (கோயம்புத்தூர்), பாலவிதிதி (கரூர்), சின்கோனா (கோயம்புத்தூர்) தலா 3, காக்காச்சி (திருநெல்வேலி), விராலிமலை (புதுக்கோட்டை), மதுரை தெற்கு (மதுரை), சின்னக்கல்லார் (கோயம்புத்தூர்), திருநெல்வேலி, திருநெல்வேலி AWS, சாத்தூர் (விருதுநகர்), காட்பாடி (வேலூர்), ஆம்பூர் (திருப்பத்தூர்) தலா 2, வீரபாண்டி (தேனி), அன்னூர் (கோயம்புத்தூர்), பாளையங்கோட்டை (திருநெல்வேலி), மேட்டுப்பாளையம் (கோயம்புத்தூர்), பாப்பிரெட்டிப்பட்டி (தர்மபுரி), காங்கேயம் (திருப்பூர்), நாட்றம்பள்ளி (திருப்பத்தூர்), உதகமண்டலம் (நீலகிரி), தேக்கடி (தேனி), தல்லாகுளம் (மதுரை), சென்னிமலை (ஈரோடு), காங்கேயம் (திருப்பூர்) தலா 1.

மீனவர்களுக்கான எச்சரிக்கை:  ஏதுமில்லை.           

அதிக வெப்பநிலை மற்றும் அதிக ஈரப்பதம் இருக்கும் பொழுது நேரடி வெயிலில் செல்வது முதியவர்கள், குழந்தைகள் மற்றும் உடல்நலப்பாதிப்பு உள்ளவர்களுக்கு   வெப்ப அழுத்தம் (Heat Stress ) காரணமாக சோர்வு மற்றும் அசௌகரியத்தை ஏற்படுத்தலாம் என வானிலை மையம் தரப்பில் தெரிவிக்கப்பட்டுள்ளது.