திருநெல்வேலியில் கொட்டி தீர்த்த கனமழை.. தமிழ்நாட்டில் நாளைக்கு எங்கு எல்லாம் மழைக்கு வாய்ப்பு?

நெல்லையில் கனமழை பெய்து வருகிறது. சேரன்மாதேவியில் 3.30 மில்லி மீட்டர் மழை பதிவாகியுள்ளது. பாளையங்கோட்டையில் 5 மில்லி மீட்டர் மழையும் திருநெல்வேலியில் 29 மில்லி மீட்டர் மழையும் பதிவாகியுள்ளது.

AI படம்

Source : ABPLIVE AI

தென்காசி, நெல்லை, கன்னியாகுமரி, தேனி, திண்டுக்கல், மதுரை, சிவகங்கை, புதுக்கோட்டை, திருச்சி, கரூர், திருப்பூர், கோவை, நீலகிரி ஆகிய மாவட்டங்களில் இரவு 10 மணி வரை மிதமான மழைக்கு வாய்ப்பு என சென்னை வானிலை ஆய்வு மையம் எச்சரிக்கை விடுத்திருந்தது.

இந்த நிலையில், நெல்லையில் கனமழை பெய்து வருகிறது. சேரன்மாதேவியில் 3.30 மில்லி மீட்டர் மழை பதிவாகியுள்ளது. பாளையங்கோட்டையில் 5 மில்லி மீட்டர் மழையும் திருநெல்வேலியில் 29 மில்லி மீட்டர் மழையும் பதிவாகியுள்ளது.

தமிழ்நாட்டில் தென் மேற்கு பருவமழை மிக தீவிரமாக உள்ளது. தமிழகத்தில் அநேக இடங்களில் (உள் மாவட்டங்களில் பெரும்பாலான இடங்களிலும், கடலோர மாவட்டங்களில் ஒருசில இடங்களிலும்) மழை பெய்துள்ளது. புதுச்சேரி மற்றும் காரைக்கால் பகுதிகளில் மிக லேசானமழை பதிவாகியுள்ளது.

மீனவர்களுக்கான எச்சரிக்கை:  

தமிழக கடலோரப்பகுதிகள்: 

12.08.2024 முதல் 16.08.2024 வரை: மன்னார் வளைகுடா,  தென்தமிழக கடலோரப்பகுதிகள் மற்றும்   குமரிக்கடல் பகுதிகளில் சூறாவளிக்காற்று  மணிக்கு 35 முதல் 45 கிலோ மீட்டர் வேகத்திலும் இடையிடையே 55  கிலோ மீட்டர் வேகத்திலும் வீசக்கூடும்.

சென்னை மற்றும் புறநகர் பகுதிகளுக்கான   வானிலை முன்னறிவிப்பு: 

அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில  பகுதிகளில் இடி மின்னலுடன் கூடிய  லேசான / மிதமான  மழை  பெய்ய வாய்ப்புள்ளது. அதிகபட்ச வெப்பநிலை 34-35° செல்சியஸை ஒட்டியும், குறைந்தபட்ச வெப்பநிலை  26-27° செல்சியஸை ஒட்டியும்  இருக்கக்கூடும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில  பகுதிகளில் இடி மின்னலுடன் கூடிய  லேசான / மிதமான  மழை  பெய்ய வாய்ப்புள்ளது. அதிகபட்ச வெப்பநிலை 35° செல்சியஸை ஒட்டியும், குறைந்தபட்ச வெப்பநிலை  26-27° செல்சியஸை ஒட்டியும்  இருக்கக்கூடும்.

நாளை மழை பெய்ய வாய்ப்புள்ள பகுதிகள்:

தமிழகத்தில் ஒருசில  இடங்களிலும், புதுவை  மற்றும் காரைக்கால் பகுதிகளிலும்  இடி, மின்னல் மற்றும் பலத்த காற்றுடன் (30 - 40 கி.மீ வேகத்தில்) கூடிய லேசானது முதல் மிதமான மழை  பெய்யக்கூடும்.  

நீலகிரி மற்றும் கோயம்புத்தூர் மாவட்ட மலைப்பகுதிகளில் ஓரிரு இடங்களில் கன முதல் மிக கனமழையும், திருப்பத்தூர், கிருஷ்ணகிரி, தர்மபுரி, சேலம், ஈரோடு, திருப்பூர், திண்டுக்கல், மதுரை, தேனி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யவாய்ப்புள்ளது.