School Colleges Leave: மாணவர்களே ஜாலியா ரெஸ்ட் எடுங்க,! இன்று 9 மாவட்டங்களின் பள்ளி - கல்லூரிகளுக்கு விடுமுறை.!
Fengal Cyclone: ஃபெஞ்சல் புயல் எதிரொலியால், இன்று சென்னை, கடலூர், விழுப்புரம் உள்ளிட்ட 9 மாவட்டங்களில் உள்ள பள்ளி - கல்லூரிகளுக்கு விடுமுறை அளிக்கப்பட்டுள்ளது.
வங்க கடலில் இருக்கும் ஃபெஞ்சல் புயலானது, இன்று தினம் ( Nov 30 ) காரைக்கால் மற்றும் மாமல்லபுரம் இடையே கரையை கடக்கவுள்ள நிலையில், 9 மாவட்டங்களின் பள்ளி - கல்லூரிகளுக்கு விடுமுறை அளித்து மாவட்ட ஆட்சியர்கள் உத்தரவிட்டுள்ளனர்.
9 மாவட்டங்கள்:
பெஞ்சல் புயல் எதிரொலியால், முன்னெச்சரிக்கை நடவடிக்கையாக சென்னை, செங்கல்பட்டு, மயிலாடுதுறை, கடலூர், விழுப்புரம், திருவள்ளூர், ராணிப்பேட்டை மற்றும் கள்ளக்குறிச்சி ஆகிய 9 மாவட்டங்களில் உள்ள பள்ளி-கல்லூரிகளுக்கு விடுமுறை அளிக்கப்பட்டுள்ளன.
மேலும் காஞ்சிபுரத்தில் ஏற்கனவே விடுமுறை அளிக்கப்பட்டுள்ள நிலையில், தனியார் பள்ளிகள் சிறப்பு வகுப்புகள நடத்தக்கூடாது எனவும் சுற்றறிக்கை விடப்பட்டுள்ளது.
இதனை தொடர்ந்து சிதம்பரம் அண்ணாமலை பல்கலைக்கழகத்துக்கு இன்று விடுமுறை அளிக்கப்பட்டுள்ளது.
மேலும் சுற்றுலா தளங்களான சென்னை மெரினா கடற்கரை , வண்டலூர் உயிரியல் பூங்கா உள்ளிட்டவைகள் புயல் எதிரொலியாக இன்று மூடப்படுவதாக அறிவிப்பு வெளியாகியுள்ளது.
மேலும், தனியார் நிறுவனங்கள் வீட்டிலிருந்தே பணிபுரியுமாறு, தமிழ்நாடு அரசின் சார்பில் அறிவுறுத்தல்கள் வழங்கப்பட்டுள்ளன.
மேற்கூறிய மாவட்டத்தில் மிதமானது முதல் அதிக வெள்ளம் ஏற்படக்கூடும். எனவே தாழ்வான பகுதிகளில் வசிக்கும் மக்கள் பாதுகாப்பாக இருக்கவும். pic.twitter.com/sVhaIU4MPg
— tnsdma (@tnsdma) November 29, 2024
தலைப்பு செய்திகள்
ட்ரெண்டிங் செய்திகள்
