Schools Colleges Holiday:மாணவர்களுக்கு ஜாலிதான்.!2 மாவட்டங்களில் பள்ளி கல்லூரிகளுக்கு விடுமுறை அறிவிப்பு!
Schools Colleges Holiday (29.11.2024): கனமழை எதிரொலியால், நாளை கடலூர் , விழுப்புரம் மற்றும் புதுச்சேரியில் உள்ள பள்ளி-கல்லூரிகளுக்கு விடுமுறை அளிக்கப்பட்டுள்ளது.
வங்க கடலில் இருக்கும் ஆழ்ந்த காற்றழுத்த தாழ்வு மண்டலமானது, நாளை தமிழ்நாடு கடற்கரையை நோக்கி, நெருங்கி வரும். இந்நிலையில், முன்னெச்சரிக்கை நடவடிக்கையாக, பள்ளி - கல்லூரி மாணவர்கள் சிரமப்படக்கூடாத என்பதற்காக விடுமுறை அளித்து மாவட்ட ஆட்சியர்கள் உத்தரவிட்டுள்ள்னர்.
2 மாவட்டங்களுக்கு விடுமுறை:
நாளைய தினம் ( நவ. 29 ) கடலூர் மற்றும் விழுப்புரம் ஆகிய 2 மாவட்டங்களில் உள்ள பள்ளி கல்லூரிகளுக்கு விடுமுறை அளிக்கப்பட்டுள்ளது.
மேலும் புதுச்சேரியில் உள்ள பள்ளி கல்லூரிகளுக்கு விடுமுறை அளிக்கப்பட்டுள்ளது.
”புயல் உருவாகாது”
தென்மேற்கு வங்கக்கடலில் உருவான ஆழ்ந்த காற்றழுத்த தாழ்வு மண்டலம் கடந்த 6 மணி நேரத்தில் மணிக்கு 10 கிமீ வேகத்தில் வடகிழக்கு நோக்கி நகர்ந்து இன்று மாலை 5.30 மணிநேர அளவில் மையம் கொண்டது. 200 கி.மீ. இலங்கை திருகோணமலைக்கு வடகிழக்கேயும், நாகப்பட்டினத்திற்கு கிழக்கு-தென்கிழக்கே 340 கி.மீ தூரத்திலும், புதுச்சேரிக்கு தென்கிழக்கே 410 கி.மீ. தூரத்திலும், சென்னைக்கு தென்கிழக்கே 470 கி.மீ தூரத்திலும் உள்ளது.
இது கிட்டத்தட்ட வடக்கு நோக்கி நகர்ந்து நவம்பர் 29 காலை வரை ஆழமான காற்றழுத்தத் தாழ்வு நிலையைத் தக்க வைத்துக் கொள்ள வாய்ப்புள்ளது.
அதன்பின், வடமேற்கு நோக்கி நகர்ந்து, படிப்படியாக வலுவிழந்து, 29ம் தேதி மாலையில் காற்றழுத்த தாழ்வு மண்டலமாக மாறும்.
தொடர்ந்து மேலும் வடமேற்கு நோக்கி நகர்ந்து, நவம்பர் 30ம் தேதி காலை, காற்றின் வேகத்துடன் காற்றழுத்த தாழ்வு மண்டலமாக, காரைக்கால் மற்றும் மகாபலிபுரம் இடையே, வடதமிழகம்-புதுச்சேரி கடற்கரையை கடக்க வாய்ப்புள்ளது. மணிக்கு 45-55 கிமீ வேகத்தில் 65 கிமீ வேகத்தில் வீசும் எனவும் வானிமை மையம் தெரிவித்துள்ளது
தலைப்பு செய்திகள்
ட்ரெண்டிங் செய்திகள்
