இனி ஜோலார்பேட்டைக்கு ஜொய்ன்னு போலாம்! வந்தே பாரத்தை ஓரங்கட்டும் வந்தே மெட்ரோ!
சென்னையில் பல்வேறு பகுதிகளுக்கு மெட்ரோ ரயில்கள் இயக்கப்பட்டு வருகின்றன.
தமிழ்நாட்டின் உள்கட்டமைப்பை மேம்படுத்தும் வகையில், ரயில் இணைப்பை மேம்படுத்தவும், முக்கிய வழித்தடங்களில் பயணிகளின் பயண நேரத்தைக் குறைக்கவும் கூடிய இன்னும் சில வந்தே பாரத் எக்ஸ்பிரஸ் ரயில்களை இயக்க திட்டங்கள் வகுக்கப்பட்டுள்ளன.
சென்னையில் பல்வேறு பகுதிகளுக்கு மெட்ரோ ரயில்கள் இயக்கப்பட்டு வருகின்றன. நாளுக்கு நாள் மக்கள் தொகை அதிகரித்துக்கொண்டே வருகிறது. பள்ளி, கல்லூரி, வேலைக்கு செல்லும் மக்களின் எண்ணிக்கையும் அதிகரித்துக்கொண்டே இருக்கிறது. இதனால் போக்குவரத்து நெரிசலால் சென்னையே திண்டாடி வருகிறது.
இந்த போக்குவரத்து நெரிசலை குறைக்க அரசும் பல்வேறு திட்டங்களை செயல்படுத்தி வருகிறது. அதன்படி மெட்ரோ திட்டத்தை மாநில அரசு சிறப்பாக செயல்படுத்தி வருகிறது. சென்னையின் பல்வேறு பகுதிகளுக்கு மேட்ரோ வழித்தடங்கள் அமைக்கபட்டு மெட்ரோ ரயில்கள் இயக்கப்படுகின்றன.
இந்நிலையில் தற்போது சென்னையின் முக்கிய பகுதிகளுக்கு மட்டுமல்லாம் சென்னையில் இருந்து தமிழ்நாட்டில் பல பகுதிகளுக்கும் மெட்ரோவை இயக்கும் திட்டம் செயல்பாட்டுக்கு வந்துள்ளது. அதன்படி தெற்கு ரயில்வே ஒரு முக்கிய அறிவிப்பை வெளியிட்டுள்ளது.
சென்னை-கூடூர், சென்னை-விழுப்புரம் மற்றும் சென்னை-ஜோலார்பேட்டை ஆகிய மூன்று முக்கிய வழித்தடங்களை நகரின் முதல் வந்தே மெட்ரோ ரயிலுக்கான சாத்தியமான வழித்தடங்களாக அடையாளம் கண்டுள்ளதாக தெற்கு ரயில்வே கூடுதல் பொது மேலாளர் கௌஷல் கிஷோர் கூறியுள்ளார்.
மேலும், சென்னை கடற்கரைக்கும் எழும்பூருக்கும் இடையிலான நீண்ட காலமாக நிலுவையில் உள்ள நான்காவது பாதை இரண்டு மாதங்களில் நிறைவடையும் என்று கிஷோர் கூறியுள்ளார்.
“1,303 கி.மீ புதிய பாதைகள் அமைக்கப்பட்டன. 2,242 கி.மீ பாதைகள் மின்மயமாக்கப்பட்டன. இது மாநிலத்தில் 94% ரயில் மின்மயமாக்கலை அடைந்துள்ளது” எனத் தெரிவித்தார்.
தமிழகத்தில் சென்னை, கோயம்புத்தூர், மதுரை, திருநெல்வேலி போன்ற ஊர்களுக்கு வந்தே பாரத் ரயில் இயக்கப்பட்டு வருகிறது. வழக்கமாக செல்லும் ரயில்களை விட வந்தே பாரத் அதிவேகமாக செல்லும் வகையில் திட்டமிடப்பட்டுள்ளது.
அதே பாணியில் மாநில அரசு வந்தே மெட்ரோ என்ற திட்டத்தை கையில் எடுத்துள்ளது. இது இரு மாநிலங்களுக்கு இடையேயான இணைப்பை வலுப்படுத்தும் எனத்தெரிகிறது.
மேலும் வந்தே மெட்ரோவைச் சேர்ப்பது சென்னைக்கும் அதன் அண்டை பகுதிகளுக்கும் இடையிலான தினசரி பயணிகளின் பயணத்தை மேலும் சீரமைக்கும்.
மேம்படுத்தப்பட்ட ரயில் உள்கட்டமைப்பு, பொருட்கள் மற்றும் மக்களின் விரைவான இயக்கத்தை எளிதாக்குவதன் மூலம் பொருளாதார நடவடிக்கைகளை ஊக்குவிக்கும். குறிப்பாக சென்னை-விழுப்புரம் மற்றும் சென்னை-கூடூர் போன்ற தொழில்துறை தாழ்வாரங்களில் உள்ள வணிகங்கள், குறைக்கப்பட்ட போக்குவரத்து நேரங்கள் மற்றும் மேம்பட்ட தளவாடங்களால் பயனடையலாம். பெருநகர மையங்களுக்கான செல்வது இதன்மூலம் மிகவும் எளிதாகும்.
தமிழ்நாட்டில் தற்போதைய வந்தே பாரத் சேவைகள்
தமிழ்நாடு தற்போது எட்டு வந்தே பாரத் எக்ஸ்பிரஸ் ரயில்களை இயக்குகிறது. இது மாநிலத்தின் பல்வேறு பகுதிகளுக்கு விரைந்து செல்ல உதவுகிறது.
குறிப்பிடத்தக்க வழித்தடங்களில் பின்வருவன அடங்கும்:
சென்னை எழும்பூர் - திருநெல்வேலி
நாகர்கோவில் - சென்னை எழும்பூர்
மதுரை - பெங்களூரு கண்டோன்மென்ட்
கோயம்புத்தூர் - சென்னை சென்ட்ரல்
மைசூரு - சென்னை சென்ட்ரல்
சென்னை சென்ட்ரல் - விஜயவாடா
கோயம்புத்தூர் - பெங்களூரு கன்டோன்மென்ட்
சென்னை சென்ட்ரல் - செகந்திராபாத்
இதற்கிடையில், 2025-26 ஆம் ஆண்டுக்கான ரயில்வே பட்ஜெட்டில் மாநிலம் மொத்தம் ரூ.6626 கோடியைப் பெற்றுள்ளது. நடந்து வரும் ரயில்வே திட்டங்களை விரைவுபடுத்த தெற்கு ரயில்வே இந்த நிதியைப் பயன்படுத்தும் எனத் தெரிகிறது.
நடைபெற்று வரும் திட்டங்கள்:
2,587 கி.மீ நீளத்தை உள்ளடக்கிய 22 புதிய ரயில் பாதைத் திட்டங்கள் நடைபெற்று வருகின்றன. இந்தத் திட்டங்களுக்கான மொத்த முதலீடு ரூ.33,467 கோடி.
நிலைய மேம்பாடுகள்:
அமிர்த பாரத் நிலையத் திட்டத்தின் கீழ் 77 ரயில் நிலையங்களை மேம்படுத்த ரூ.2,948 கோடி ஒதுக்கப்பட்டது.
மறுவடிவமைப்பு செய்யப்படும் முக்கிய நிலையங்கள்:
சென்னை எழும்பூர், மதுரை, ராமேஸ்வரம், காட்பாடி மற்றும் கன்னியாகுமரி.
தலைப்பு செய்திகள்
ட்ரெண்டிங் செய்திகள்
