தேனாறும் பாலாறும் எங்கே? கள்ளச்சாராயம்தான் ஓடுகிறது - திமுக அரசு மீது குற்றச்சாட்டுகளை அடுக்கிய இபிஎஸ்
“தேனாறும் பாலாறும் எங்கே? கள்ளச்சாராயம்தான் ஓடுகிறது என விழுப்புரம் கள்ளச்சாராயம் விவகாரத்தில் எடப்பாடி பழனிசாமி காட்டம்.
கள்ளச்சாராயத்தை கட்டுப்படுத்த திமுக அரசு தவறி விட்டது என எதிர்கட்சித்தலைவர் எடப்பாடி பழனிசாமி குற்றம்சாட்டியுள்ளார்.
விழுப்புரத்தில் கள்ளச்சாராயம் குடித்து மருத்துவமனையில் அனுமதிக்கப்பட்டுள்ளவர்களை நேரில் சந்தித்து நலம் விசாரித்த பின் எதிர்கட்சித் தலைவர் எடப்பாடி பழனிசாமி செய்தியாளர்களை சந்தித்தார். அப்போது பேசிய அவர், கள்ளச்சாராயத்தை கட்டுப்படுத்த திமுக அரசு தவறி விட்டது என்றார். விலை மதிக்க முடியாத உயிர்களை இழந்து குடும்பங்கள் பாதிக்கப்பட்டிருப்பதற்கு யார் பொறுப்பேற்பது என கேள்வி எழுப்பினார். அரசின் மெத்தனத்தால் இன்று நாம் பல உயிர்களை இழந்திருக்கிறோம் என்றும் அவர் தெரிவித்தார்.
எடப்பாடி பழைசாமி பேட்டி: மரக்காணம் எக்கியார்குப்பம் கிராமத்தில் கள்ளச்சாராயம் குடித்து முண்டியம்பாக்கம் ஜிப்மர் மருத்துவமனையில் சிகிச்சை பெற்று வருகின்றனர். சிலருக்கு கண் பார்வை, சிறுநீரக பாதிப்பு ஏற்பட்டுள்ளதாக மருத்துவரக்ள் தெரிவிப்பதாகவும், சித்தாமூரில் போலி மதுபானம் அருந்தி 5 பேர் இறந்துள்ளனர். இது துயரமான சம்பவம்.
விடியா ஸ்டாலின் அரசில் இரண்டு திட்டமும் கொண்டு வரவில்லை கள்ளச்சாராய விற்பனையில் திமுகவினரே செயல்படுகின்றனர். அவர்கள் மீது எந்த நடவடிக்கையும் எடுக்காததால் 18 பேரின் உயிரை இழந்துள்ளோம். போலி மதுபானம் விற்பனை செய்பவர்கள் அரசியல் பின்புலத்தை பயன்படுத்தி விற்பனை செய்கிறார்கள்.
அதிமுக ஆட்சியில் போலிமது விற்பனையை தடுக்க குழு அமைக்கபட்டது. ஆனால் திமுக ஆட்சியில் அது இல்லை. இரண்டே நாளில் 1,600 பேர் கைது செய்யப்படுகிறார்கள். மது விற்பனை அரசுக்கு தெரிந்து இருந்தும் நடவடிக்கை எடுக்கவில்லை. இதற்கு முழு பொறுப்பேற்று ஸ்டாலின் பதவி விலக வேண்டும். விலை மதிக்க முடியாத உயிரை இழந்துள்ளோம் தமிழ்நாடு முழுவதும் தடையில்லா கள்ளச்சாராயம் விற்பனை செய்யபடுகிறது. இதற்கு ஆளும் கட்சி துணை போகின்றனர்.இதனை தடுக்க கூறியிருந்தோம். அதனை செய்யவில்லை.
பாலாறும் தேனாறும் ஓடுவதாக கூறினார்கள் ஆனால் கள்ளச்சாராயம் தான் ஓடுகிறது. கண்கெட்ட பிறகு சூரிய நமஸ்காரம் செய்கிறார்கள் துறை அமைச்சரை நீக்க வேண்டும். அரசாங்கமே மது பானம் அருந்த ஆதரவு கொடுக்கிறது. திருமணம் விளையாட்டு மைதானத்தில் மது பானம் குடிக்கலாம் என அரசாங்கம் கூறுகிறது. செந்தில்பாலாஜி பத்து சதவிகிதம் லஞ்சம் பெறுவதாக குற்றச்சாட்டு. சமூக போராளிகள் எங்கு போனார்கள் என்று தெரியவில்லை அரசின் கைகூலியாக செயல்படுகிறார்கள். திமுகவின் கூட்டனியில் உள்ளவர்கள் இச்சம்பவம் குறித்து எதிர்ப்பு தெரிவிக்கவில்லை. இவ்வாறு அவர் செய்தியாளர்களிடம் தெரிவித்தார்,
தலைப்பு செய்திகள்
ட்ரெண்டிங் செய்திகள்
