South TN Rains LIVE: வெள்ளத்தில் சிக்கிய அமைச்சர் அனிதா ராதாகிருஷ்ணன் 3 நாட்களுக்கு பின் மீட்பு
TN Rains LIVE Updates: திருநெல்வேலி மற்றும் தூத்துக்குடியில் பாதித்த பகுதிகள், நிவாரணம் மற்றும் மீட்பு பணிகள் குறித்த அப்டேட்களை உடனுக்குடன் இங்கு தெரிந்துக்கொள்ளுங்கள்.
LIVE
Background
திருநெல்வேலி, தூத்துக்குடியில் வரலாறு காணாத அளவுக்கு மழை பெய்து வரும் நிலையில் கடந்த 24 மணி நேரத்தில் பதிவான மழையின் அளவு குறித்து அறிவிப்பு வெளியாகியுள்ளது.
குமரிக்கடல் மற்றும் அதனை ஒட்டிய பகுதிகளில் நிலவும் வளிமண்டல சுழற்சி காரணமாக திருநெல்வேலி, தூத்துக்குடி, கன்னியாகுமரி, தென்காசி, விருதுநகர், மதுரை உள்ளிட்ட தென் மாவட்டங்களில் மழை பெய்து வருகிறது. குறிப்பாக திருநெல்வேலி, தென்காசி, கன்னியாகுமரி, தூத்துக்குடி மாவட்டங்களில் அனைத்து பகுதிகளிலும் இடைவிடாது அதிக கனமழை பெய்து வருகிறது. நேற்று (டிசம்பர் 17) அதிகாலை 2 மணிக்கு தொடங்கிய மழை இடைவிடாது 24 மணி நேரத்தையும் தாண்டி பெய்து வருகிறது.
இதன் காரணமாக நீர்நிலைகள் நிரம்பி நெல்லை, தூத்துக்குடி மாவட்டங்களில் அனைத்து இடங்களிலும் வெள்ளம் சூழந்துள்ளது. மேலும் சூழலை கருத்தில் கொண்டு 4 மாவட்டங்களுக்கு இன்று பொதுவிடுமுறை விடப்பட்டுள்ளது. மேலும் பேருந்து போக்குவரத்து நீர் சூழ்ந்துள்ளதால் நிறுத்தப்பட்டுள்ளது. மேலும் பிற மாவட்டங்களில் இருந்து மீட்பு படையினர், தூய்மை பணியாளர்கள் மழை வெள்ளம் பாதிக்கப்பட்ட இடங்களுக்கு விரைந்துள்ளனர்.
#Tirunelveli #Rainfall report at 4:30 am on 18.12.2023 pic.twitter.com/OkZbMM9Y4l
— District Collector, Tirunelveli (@Collectortnv) December 18, 2023
காயல்பட்டினத்தில் பேய் மழை:
தூத்துக்குடி மாவட்டத்தை பொறுத்தவரை கடந்த 24 மணி நேரத்தில் 668 மில்லி மீட்டர் மழை பெய்துள்ளது. இதில் அதிகப்பட்சமாக நினைத்துக்கூட பார்க்க முடியாத அளவுக்கு காயல்பட்டினத்தில் மட்டும் 93 செ.மீ., மழை பதிவாகியுள்ளது. இதன்படி, அந்த பகுதியில் ஓராண்டில் பெய்ய வேண்டிய மழையை காட்டிலும், அதிகமான மழை ஒரே நாளில் பதிவாகியுள்ளது. தமிழகத்தில் இதுவரை இல்லாத அளவுக்கு 24 மணி நேரத்தில் சமவெளிப் பகுதிகளில் பதிவான அதிகபட்ச மழை இதுவாகும். 1992 இல் காக்காச்சி (மாஞ்சோலை)-யில் மதிவான பதிவான 965 மில்லி மீட்டர் மழைக்கு அடுத்த இரண்டாவது அதிகபட்ச மழைப்பொழிவு இதுவாகும்.
Kayalpattinam in Thoothukudi records 932 mm in 24 hrs. (This is more than their annual rainfall falling in a day).
— Tamil Nadu Weatherman (@praddy06) December 18, 2023
This is the highest ever rainfall recorded in plains ever in Tamil Nadu in 24 hrs & the 2nd highest rainfall after the Kakkachi (manjolai) 965 mm recorded in 1992. pic.twitter.com/jDytLp6OFl
பல ரயில்கள் நடுவழியில் நிறுத்தப்பட்டுள்ளதோடு, இன்று பெரும்பாலான ரயில் சேவைகள் ரத்து செய்யப்பட்டுள்ளது. ரயில்கள் பாதியில் நிறுத்தப்பட்டுள்ளதால் அதில் பயணம் மேற்கொண்ட மக்கள் வீடு திரும்ப முடியாமல் சிக்கியுள்ளனர். தாழ்வான பகுதியில் சிக்கிய மக்கள் மீட்கப்பட்டு நிவாரண முகாம்களில் தங்க வைக்கப்பட்டுள்ளனர். இப்படியான நிலையில் நெல்லை, தூத்துக்குடி மாவட்டத்தில் பெய்த மழையின் அளவு குறித்த தகவல்கள் வெளியாகியுள்ளது.
- நெல்லை மாவட்டத்தைப் பொறுத்தவரை கடந்த 24 மணி நேரத்தில் மட்டும் 663 செ.மீ., மழை பெய்துள்ளது. அதிகப்பட்சமாக மூலக்கரைப்பட்டியில் 59 செ.மீ., மழை பெய்துள்ளது. சராசரியாக ஒவ்வொரு இடங்களிலும் 35 செ.மீ., மழை பெய்துள்ளது. பாளையங்கோட்டையில் 42 செ.மீ., அம்பாசமுத்திரத்தில் 41 செ.மீ., சேரன்மகாதேவியில் 40 செ.மீ., மழை பெய்துள்ளதாக தெரிவிக்கப்பட்டுள்ளது
வெள்ளத்தில் சிக்கிய அமைச்சர் அனிதா ராதாகிருஷ்ணன் 3 நாட்களுக்கு பின் மீட்பு
வெள்ளத்தில் சிக்கிய அமைச்சர் அனிதா ராதாகிருஷ்ணன் 3 நாட்களுக்கு பிறகு மீட்கப்பட்டுள்ளார்.
South TN Rains LIVE: வெள்ள பாதிப்பில் இருந்து மீளத் தொடங்கும் திருநெல்வேலி - ரயில் சேவை மீண்டும் தொடக்கம்
கனமழை மற்றும் வெள்ளத்தால் பாதிக்கப்பட்ட திருநெல்வேலியில் வெள்ள நீர் வடிய தொடங்கியது. இதனால் 3 நாட்களாக பாதிக்கப்பட்ட ரயில் சேவை மீண்டும் தொடங்கியுள்ளது.
South TN Rains LIVE: வெள்ளத்தில் சிக்கிய திருச்செந்தூர் கோயில் பக்தர்கள் - இலவச பேருந்து சேவை தொடக்கம்
கனமழை மற்றும் வெள்ளத்தில் சிக்கிய திருச்செந்தூர் கோயில் பக்தர்களை மீட்கும் பணி தொடங்கியது - நெல்லை மற்றும் நாகர்கோவிலுக்கு இலவச பேருந்து மூலம் அனுப்பி வைக்கப்பட்டனர்.
வெள்ளத்தில் சிக்கிய ரயில் பயணிகள் சென்னை புறப்பட சிறப்பு ஏற்பாடு - ரயில்வே
ஸ்ரீவைகுண்டத்தில் மழைவெள்ளத்தில் சிக்கிய ரயிலில் இருந்த பயணிகள் சென்னை செல்ல ரயில்வே நிர்வாகம் நடவடிக்கை எடுத்துள்ளது.
வெள்ளம் சூழ்ந்ததால் முற்றிலும் துண்டிக்கப்பட்டது ஏரல் - தூத்துக்குடியில் துயரம்
தூத்துக்குடி மாவட்டத்தில் உள்ள ஏரல் பகுதி வெள்ளத்தால் சூழப்பட்டுள்ளதால் மற்ற பகுதிகளில் இருந்து முற்றிலும் துண்டிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
